قصة فرح

فرح 3

#قصة_فرح
البارت الثالث
بقلمي
#همسات_الليل(ام آيه)

فرح....فتت اركض خايفه من  الولد الي لاحگيني بالسياره....
وشافتني بيبي وسألتني...
شبيج يمه ياستار شكو تلهثين...
بعدني توني جاوبتها ...
وطب لهيب صاير بركان....
لهيب....طبيت للبيت وشفت الصدمه گدامي....

هاي انتي !!!!!
(بدون تفاهم)
احترگوا اهلج يولي واحد واحد.....
لچ هاي انتي الي ماشيه وسابيه امة محمد وراج...

الحجيه.....يمه اسم الله الرحمن ...
شبيك لهيب اهده بيبي اهده وليدي...
بيبي شهده ....من وره هاي العار بنت ابنج راح تموتني وتفضحنا بالمنطقه...
ليش يايمه شنو الي سوته...
يعني مشفتوها من ولت للمدرسه ...
شنو چانت لابسه...
تمشي گدامي والناس تتحارش بيها ...
والسيارات تطبگ عليها ...
واني اگول بيبني وبين نفسي...
عمت عين اهلها...
شلون خاليها تمشي بالشوارع بهذا لبسها وعدها هيج جسم....
عمت عيني اني لعد اني المقصود...
عمت عيني اي والله....

فرح.....لهيب فات مثل البركان ويعيط بدون تفاهم...
جرني من شعري وحتى هلس هلسه لشعري..
فرح....اخ لهيب اخ ....
فدوه اروحلك هدني حباب لك اخ شعري.....
وخر راح تموتني....
لهيب.....اليوم ادفنج هنا واعلمج...
والله الا أسگطج واغسل عارج.....

ابتهاج.....جنت بالحمام اغسل ملابس ...
واسمع بس صياح لهيب...
رحت اركض عليه....
يمه اسم الله الرحمن شكو يمه شبيك....
گوم نايم على البنيه ويكتل بيها ....
وخر عنها دوخر راح تموتها...
عوفوني (بصياح) ....
خل اربيها  لهالساقطه....
اسم الله يمه ليش شنو شفت عليها...
ليش شفتها ماشيه ويه واحد....
اي ماعوزها تمشي ويه واحد و تصادق ...
حتى اذبحها واگطع لحمها واشمره لچلاب الشوارع....

لعد شبيك ياوليدي  .....
استهدي برحمانك  و وخر عنها مو هيج ترفس بيها راح تموتها....
والله والله والله....
اذا اشوفج بعد  تعتبين عتبه الباب بهذا شكلج...
وهاي ملابسج الا ادميج ياحقيره...
العالم من يشوفوج طابه وطالعه من بيتنا ...
مراح يگولون هاي بت سلطان...
راح يگولون هاي بت مثنى واخت لهيب المگرن.....
لهيب......من خررررررب حظي ....
هسه سويتيني علج بحلگ ولد المنطقه وبين اصدقائي....
من الله ياخذج ويخلصني منچ ومن شرج يا عار....

فرح....لهيب بطبعه عصبي...
بس بحياتي مشفته تخبل مثل اليوم...
حرام عليك اخخخخخ....
كافي تضربني هالضرب و تحجي عليَ هيج اني مو عار ...
اني اشرف منك ، ومحد يگدر يجيبني بحجايه...

لهيب....سدي حلگج لا اگص لسانج هذا الي چنه المنشار وكافي ترادديني ...
من باجر تولين لمدرستج وانتي لابسه الحجاب....
ما البس الحجاب والله ....
شتريد تسوي سوي طز بيك .....
ماحبه ومالبسه..