قصة فرح

الجزء 9

#قصة_فرح
البارت 9
#بقلمي
#همسات_الليل(ام آيه)

مروه...  اكلج فروحه...
گولي حبي...
راح اسرج سر بس عليج الله لتگولين لا أي احد...
گولي اختي حبيبتي سرج بير....
تدرين اني احب لهيب ....
فرح........ !!!!!!
احبه و بجنون واموت عليه...
فرح....
الاحساس مينوصف...
بس عبالك صوت صاروخ عالي وفجاءة حسيته وگع على بيتنا ومحاني اني والبيت محي...
واحس طلقه فجرت گلبي تفجر.... .
حاسه عيوني تجري دمع من تيزاب...
وگلبي ينزف دم من نار..
شبيج سكتي...
هااا لا ماكو شي بس فاجئتيني...
ساعديني حبابه...
شتريدين مني اسويلج...
اريد تحجين ويا ......
!!!!!!!
وترغبي بيه...
شنو شلون يعني...
ابقي جملي اطباعي ...
ومدحي بتصرفاتي گدامه...
ليش...
مو احس هو ابد محاس بيه...
فرح....الحب والمشاعر من الله تجي مو بالحجي...
هاي شبيج فرح..
يعني مو اني اختج حبيبتج...
اي والله اختي وحبيبتي...
اوووف (بگلبي )وهي هاي المصيبه...
مراح تساعديني...
والله مروه ماعندي جرئه..
المشاعر متجي بالمدح ...
خلي كلشي للزمن...
مروه....تدرين شگد احبه لهيب...
من اشوفه گلبي يدگ سريع...
وافرح واطير...
فرح....مروه تحجي واني متگطعه حاسه نار بصدري....
شلون دنيا حطتني بدولابها وتفر بيه ومناويه تنزلني وتريحني...
شوكت يجي اليوم الي يوگف بيه هالدولاب وارتاح...
مروه....فرح تدرين اذا ميصير لهيب الي اموت يمكن والله...
اسم الله عليج...
بقت مروه تسولف بحبيبي وتتغزل گدامي...
وهو الي اني وحدي وملكي...
بقت تحجي الما نامت...
بقيت اتگلب بفراشي وابچي بسكوت وگلبي محروگ....
ليش ياربي...
من دون الدنيا كلها ....
يااختي گلبج مدگ  غير لروحي وگلبي....
دماغي احسه يريد يطلع من راسي من الضغط....
اذن الفجر واني گاعده...
اسمع كلام الله وزاد البجي مالتي ...
وعله صوتي واشهگ وابچي...
ماادري بنفسي واي شي بالدنيا......
انتهيت...
مروه گعدت على صوت البچي مالتي...
شبيج فروحه حبيبتي ...
ليش تبجين....
شكو حبيبتي...
ماكو شي بس اشتاقيت لامي...
(احچي چذب بس حتى اداري على دموعي....لان امي اخر شخص بالدنيا افكر اشتاقله...)
حبيبتي الله يهديها عليكم وتنجمعون بالخير...
كافي فروحه...
شوفي شلون بچيتيني...
حبيبتي فروحه اني اختج وامج...
لچ والله احمدالله رزقني بيج انتي وبسمه...
وبالذات انتي...
يولي مو عمار وايمن اخوتي من امي وابويه...
بس ربي يشهد انتي اغلى منهم...
احسج ويه دمي...
يولي من تمرضتي ...
علمودج عرفت الصلاة وتقربت لرب العالمين وگمت اصلي ...
حتى ربي يشفيج وميحرمني منچ...
لچ والله لو روحي تريديها متغلى عليچ فروحه....
انتي اختي وحبيبتي وصديقتي الغاليه...
فرح....اسمع حچي مروه وبچيها ...
اتگطع گلبي بالزايد ...
وحضنتها وگمنا نبجي اثنينا...
وزدت اكثر....
تعوذت من الشيطان ...
وگمنا اني ومروه توضينا وصلينا الفجر ...
رجعت بفراشي ...
دعيت الله يبرد گلبي من يم لهيب ...
واذا مو قسمتي يبعده عن طريقي...