قصة فرح

الجزء 13

#قصة_فرح
الجزء الثالث عشر
بقلمي
#همسات_الليل(ام آيه)

صبااا...
فرح اگدر احجي وياج...
اي طبعا حبيبتي...
شعندچ گولي اسمعج....
فروحه مثل متعرفين اثير قبل فتره گاللها لماما...
يريد بنيه وماما رشحتج اله....
و هو انعجب بيچ وبأخلاقچ ورادچ من دون كل البنات الي ذكرتهم اله ماما.....
شفتي حچت امي بالموضوع ويه بيبي ...
بس اتأجل الموضوع لان تريدين تدرسين...
بس هو بقى على امل طول هالوكت...
لان يحبچ وشاريچ ...
واني الصراحه اتمناج اله لان انتي بلسم وماكو منج...
ولايگتله والله وهو مناسب الچ....
مو لان اخويه...
بس هو هم ورده مال الله وتقريبا يشبه طبايعچ...
واذا على موضوع الدراسة ترى يخليج تكملين...
وماما تعرفيها شگد حبابه وفقيره...
ومتتدخل بخصوصيات احد...
وصدگيني والله امي خبصتني اكثر منه ...
فكري بالموضوع فروحه ورجعيلي جواب...
ان شاء الله ...

بقيت افكر بالموضوع كم يوم ...
وجنت محتاره ومتردده.....
القرار صعب...
اني چنت مقرره ما اتزوج طول عمري...
بس بيبي والمقربين ضغطوا عليه حتى يقنعوني...

صاحتني بيبي وطبينا بالصاله انا وياها ومروه.. .
تحجي بيبي ويايه واني دموعي تجري...
بيبي...
يمه فروحه..ادري بيج يابنيتي گلبچ يم ابن عمچ...
بس يايمه الولد راح لنصيبه...
ولازم انتي هم تشوفين دربچ..
والله متمنيت امنيه بحياتي ...
بگد ما تمنيت تجمعكم مخده وحده تنامون عليها بتالي الليل انتي ولهيب...
بس شنسوي لحكم الله وقضاءه...
ربچ من يريد شي محد يعترض...
انا أريد وانتي تريدين والله يفعل مايريد...
يمه أثير خوش ولد وشاغول وشاريچ...
ارضي بي يابنيتي...
ترى محد دايملج...
اني اذا عشت وياچ اليوم يجوز باجر ما اصبح بنيتي...
اسم الله بيبي من عمري على عمرچ...
لابنتي هاي حقيقه والموت حق علينا...
ترى محد يدوملج...
اخوتچ كلمن يلتهي بحياته...
الي متزوج يلتهي ويه مرته واطفاله...
والما متزوج يجي يوم و يتزوج...
وخواتچ يعني هم يجي نصيبهن ويمشن...
خو ما دايماتلج....
وابوج عمره طويل ان شاءالله هم مدايملچ...
وامچ هاي الي منعرف خبر عنها...
ميته عدله الله اعلم...
مأيسين وغاسلين ايدنا منها...
مروه....
يولي الولد شاريج و ميتعيب...
لتضيعي خوش نصيب...
اخذي الي يحبج احسن يولي...
لابد يجي يوم وتزوجين...
كلام بيبي كله صح ...بس شسوي لگلبي...

فرح...
بعد الضغط بالاقناع والتفكير الي تعبني...
گدرت اقتنع بعقلي...بس گلبي رافض...
كلشي صار بسرعه...
ردت انهمزم من خيبتي لان ما تمر ليله عليه والادموعي تجري مشتاقه للهيب....