قصة فرح

فرح 10

#قصة_فرح
البارت العاشر
#بقلمي
#هميات_الليل(ام آيه)

بسمه....
تطورت العلاقه بيني وبين أيسر...
دائما نطلع نروح  كوفيهات و للمطاعم....
شكله چان شاب كلش مرتب ...
دائما يگلي اني حالتي زينه وبيتنه بكذا منطقه ...
وعندي سيارة...
مرات يجي بيها ...ومرات هوايه لا...
من چنت اسأله على سيارته...
يگولي لو بالتصليح لو يم اخويه..
المهم.....
بقت ايام قليله على الامتحانات النهائيه...

مره كاعدين بكوفي ونسولف....
أيسر .....
نعم....
كافي بسمه اني تعبت بعد ما اتحمل فراگج...
طلعات المطاعم مترويني...
اني ليلي ما انامه بس افكر بيج...
عيوني متغمض ابقى مشتاقلج...
اريد نطلع طلعه وداعيه قبل متعطلين...
وعاجبني احتفل اني وياج وحدنه...
اتمنى ياريت حبيبي....
بس شلون و وين...
والله اني هم اموت عليك ...
ادوام ترى بس علمودك...
ما اشبع من شوفتك...
شوفلك مكان  و وين تريد حتى نروحله....
اوكي...
اگلج عمتي رايحه للشمال سفره وبقت مفتاح شقتها يمي حتى ابقى اطمن على البيت...
شتگولين اذا نروحلنه ساعه ونرجع...
لا ما أگدر ايسر...
بربك انت شلون تحجي هيچ وتطلب مني ها الطلب...
والله ازعل منج اذا متروحين ويايه.....
لا عفيه أيسر ما أگدر ...
شنو ما عندج ثقه بيه...
لا بلي عندي ثقه بيك حبيبي....
بس ...
شنو بس...
ما اعرف أيسر..
هاهيه گوليها انتي متأمنين بيه...
لا والله....
لتحلفيلي ولا ابد...
هاهيه انتي بينتي على حقيقتج...
طول هالاشهر اني وياج....
وتعرفين احبچ وانتي مو واثقه بيه..
كافي بسمه  بينت حقيقتج..
گومي حتى ارجعج للبيت...

رجعني أيسر للبيت وطول الطريق محجه زعلان مني...
وراها التهيت بالامتحانات وامتحنت وكملت....
بدت معاملة ألي ايسر تتغير...
تلفوناته قلت كلش ...
وبايع ثگل عليه ...
زعلان مني ..
بسمه...بيني وبين نفسي...
واذا بقيت ويا وحدنه قابل شيريد يسوي..
ماكو شي يجي بالغصب...
قررت اخابره وخابرته...
هلو حبيبي...
هلو بسمه...
بعدك زعلان ...
لا عادي....
شرايده مني مشغول حاليا...
اريد اشوفك...
مو متگدرين تطلعين من البيت...
اي ما أگدر ...
لعد شلون تشوفيني...
تعالي للبيت...
شنو ...من كل عقلج...
اي والله...
وشلون ...واهلج...
معليك اني ارتبها...
بيوم الي تروح اختي تبات بيت جدو اخابرك...
والباقين شلون...
بابا ومرته من التسعه ينامون...
واخويه ومرته بالعشره يفوتون لغرفتهم يكملون التعليله..
وأيمن يطلع ميرجع قريب الوحده وأكثر الامرار بايت بره البيت....
يعني ثقه...
لتورطيني...
اي والله شبيك...
من تروح اختي لبيت جدو انطيك خبر...
اوكي ...اتفقنا...