قصة فرح

فرح 8

#قصة_فرح
البارت الثامن
#بقلمي
#همسات_الليل(ام آيه)

لهيب...
اسمع حجي بيبي الي سممني..
ورجلي مبطلتها هز من التوتر ...
اي بيبي كملي ...
فرح شنو جان جوابها من سألها عمي...
والله يا لهيب البنيه تفاجئت...
ومنطت جواب ...
وابوها گلها اليوم گدامج وباجر ...
فكري وگلبي السالفه بدماغج ورجعيلي خبر...
لهيب....خير ان شاءالله...
طلعت بالحديقه حاس نفسي راح ينگطع...
وحتى هوه الله وگف بره...
صعدت عندي الخبالات فول...
وطبيت للبيت ...
رحت گبل على غرفه بيبي الي تنام فرح بيها...
فتحت الباب بدون ماادگها...
فررررررح...

يمه ....
شكو شصار....
گمزت ارگض من فراشي...من قوة دفعة الباب...
ها شكو ياستار شبيك...
سد الباب واجه  عليه...
هاخانم لازم عاجبج اثير ...
و خلاج مسطوره هالسطره ومدوخج...
فرح...عرفت بيبي حجتله وخبلته....
الله يستر من طباگاته....

مو هيج السالفه لهيب والله...
شنو لعددددد ....فهميني
لخاطررررر  ربج...
يحجي وصاير عصبي نار ...
جان اكو ملزمه  على الميز بصف راسي...
شالها وشمرها بالگاع...
لهيب على كيفك اهده الله يخليك والله خوفتني....
شبيك يا عيني....
شبيه ....بقيتي بي عقل انتي...
ليش مگتيلي على عريس الغفله...
والله اريد اگولك بس شفت الوكت مو مناسب...
شوكت مناسب عندج خاتونه...
مناسب من باجر ترجعين لابوچ خبر بالموافقه...
هاي شبيك يالهيب....
الله يخليك اهده ...
عيب ليسمعونه بيبي وعمو وخاله هسه شيگولون...
خل يسمعون ...
وشيگولون خل يگولون...
اجتي بسمه على صياح خبوله...
بسمه....
شكو شبيكم صوتكم واصل للهول...
لهيب ....ماكو شي بسمه...
اطلعي وسدي الباب وراچ...

شفت مو اكولك نصي صوتك عيب...

انتي اسكتي يا بايعه العشره وناكره الوفى....
ليش هيج تحجي يا لهيب...
وشلون گدرت تحكم عليه...
ها .....
گتيلي....
حكمت عليج ياخانم من سكوتج...
سكتي ومگتيلي  على الموضوع...
و الي فهمته يعني انتي رايدته..
لا والله  مو صحيح وانت ظالمني ...
مو هذا سبب سكوتي...
لعد شنو السبب....
والله استحي اگلك...
ليش يابه.....
لان مااحب افرض نفسي على احد...
ليش اني احد ...
متدرين انتي النفس الي اتنفسه ...
وروحي معلگه بيج...
فرح....فرفحت روحي بحجايته...
لچ اني صابر كل هالسنين ...
ومنتظر احصل تعيني واخطبج...
حتى اكون جدير بيج...
واهلج ميشوفوني مو مناسب...
لج بابا هم تشكين بحبي الج...
والله احبج والله...
واموت عليج..
وما اخليج تصيرين لغيري....
فرح دمعت عيوني وبجيت...
والله اذا انت تحبني قاط اني احبك قاطات...
اجه وحضني من شافني ابجي...
وباسني من راسي...
حبيبتي احنه انخلقنا لبعض...
وميفرگنا بس الموت....
وبعز بچيتي جتني الضحكه وضحكت....
ههههههههههه...
شبيج تضحكين فطيره...
اضحك عليك ....
ليش يابه تستهزئين..
لان ضعفت گدامج من وره حبچ...
لاو الله بالعكس..
بس قبل كم يوم گتلي لتتسرعين بالحكم ...
واليوم انت ماشاءالله حطمت الرقم القياسي بحكمك الغلط...
شسوي لبيبيتج خلت الدم براسي يفور...
اطمن عيني...
باجر ارجع جواب لبابا بالرفض...
عفيه حبيبتي...
واني بس احصل التعيين والله راسا احجي ويه عمي...
ان شاءالله...