قصة فرح

الجزء 5

#قصة_فرح
البارت الخامس
بقلمي
#همسات_الليل(ام آيه)

لهيب.....
گعدت الصبح وشفت فرح سامعه كلامي ولابسه الحجاب.....
زاد غروري وفرحت....
الدوام كله وفرح مغابت عن بالي ....
رغم البنات بالكليه اشكال والوان وصار كم سنه ....
منملت عيوني من اي وحده...
بس هي احسها تختلف عن الكل ...
يمكن لان ترباة ايدي....
كملت اخر محاظره وطلعت بوجهي للبيت ...
ومريت على مكتبه بالمنطقه وعجبني اجيب هديه لفرح لان لبست الحجاب..
مريت اخذتلها ورده حمره مغلفه ...
واخذتلها  (دبوس) على شكل فيونكه  تحطه بالحجاب...

من وصلت البيت چان  اكرم واگف يم باب بيتهم ومن شافني اجه عليه.. .
ها لهيب الله يساعدك..
هلا كرومي ...
اگلك لهيب...
گول داد.....
اليوم واني دامشي على الشارع العام شفت بنت عمك فرح...
شبيها !!!!!
تمشي ولاحگها ايمن اخو مروان بيت الحدادين...
هاي ابن ال.....
اي وشصار...
الله شاهد البنيه تمشي سريع ...
چانت خايفه وصاحت عليه بنص الشارع ورحت اركض عليها...
ومن شافني ايمن راح انهزم....
صدگ تحجي !!!!!
اي والله..
اني اعلمه ابن الحرام اذا مادفنه بيتهم اليوم بهالظهريه...
مو هيج لهيب اعصابك...
اصعد ويايه اكرم...
وين ...
اروح اربي هالناقص...
لهيب.....اكرم من سولفلي شبت نار بظلوعي....
وفقدت اعصابي ....
ذيج الساعه الي اشوفه بوجهي يمكن اموته....
على كيفك يالهيب راح تگلبنه...
وصلنا لبيتهم...
اكرم.....الدنيا الظهر والعالم كلمن بيته ...
لهيب مثل المخبل لزم باب بيت ايمن ومروان هجمه بالدگ...
هي هي مو هيچ هجمتوا الباب ....
هاي منو ...

لهيب .....طلعولي مروان وايمن....
وبلا وعي وگعت دگ بوكسات بوجه ايمن...
ها ياناقص بنات الناس لعبه ...
والله اكسر رجلك اذا بعد تمشي وره بنت عمي....
فقدت ومادري بعد بالدنيا...
اضرب بلاوعي وساعه انضرب ....
صرنه اني واكرم عليهم...
والتمت العالم بالظهريه....
وطلع ابوهم ...
وفكونا...
ابو مروان وايمن...والله الا اشتكي عليك بالمركز واخيسك بالحبوس ...
تايهيلك   احنه...
تتهجم على بيوت الناس بالظاهري...
اشتكي وشوف اذا ماخليك تزف ولد هالاسبوع للمگبره..
يول  ناقص تهدد...
محد ناقص غير ابنك العار...
اي اهدد ....
من تربي ولدك صحيح عود روح اشتكي...
بنات الناس مو لعبه...
والله والخلقك اذا اشوفك ماشي بنفس الطريق الي تمشي بي بنت عمي....
اقره على روحك الفاتحه ايمن...
ابو ايمن من عرف ابنه لاحگ فرح ...
وشافني مليان شر...
گام يهدي بالنفوس...
يله ابني احسبها علينا وخل نقصر الشر ...
انتوا بحالكم واحنا بحالنا...
وابني وعد مني متشوفه بعد لابدربك ولا بدرك اختك...
اكرم.....صعدنا بالسياره ودنرجع للبيت...
لك انت صدگ مخبل ....
والتوبه اگلك سالفه...
سد حلگك بله...
يعني بنت عمي وعرضي ينداس وتريدني اسكت واعبر ....
شگالولك مگرن وماعندي غيره...
يول شكوووو ...
شكولك اتحبها...
سد بوزك وامشي ...
ارعن هذا عرضي...