قاعدة خاتة يدها في خدها و سرحانة ~
ياا بت الشاي دا ما فار و طفي النار ااسه حنجيب فحم تاني من ووين ؟!
شالت البراد بسرعه و صفت الشاي في الكبابي اللي كان ظاهر عليها القدم و مختوتة في صينية مصدأة من كترة الإستخدام 😔
نادي أخووك خليهو يجي يشرب الشاي قبل يبرد
ردت بصوت هادئ : حاضر يمة
إلتفوا كلهم في دائرة و كل واحد شال كبايتو ~
أمييي الليله برضو الشاي مسيييخ 😭😭😭
زينب : و انا اعمل شنو ؟ كويس انو في شاي زاتوو ، إستحمل يا ولدي و ربنا بيفرجها ان شاء الله
لكن ما ممكن تلاته يوم نشربوا كدا بدون سكر 😠
كانت ساكته و بتسمع في النقاش ، و لمن كتر الشكوي ردت بي صوت عالي :
احمد ربك و اشرب و انت ساكت ، و عشان تعرف بقي الايام الجاية دي كلها ما حيكون في شاي و لا غيرو ، التذمر حقك دا زاتو الجايب لينا الفقررر احمد ربك ياخ
خاف من نهرها العالي دا ، المعروف عنها انها حنينه و طيوبة و نادرا ما تعلي صوتها 😪
مسك كبايتو من سكات و شرب و قام ~
زينب : حنعمل شنو يا رفيف ؟!
و هي بترفع الكبابي : ما بعرف يا امي ، الوضع كل يوم ماشئ أصعب و نحنا بنستحمل لكن ولدك انتي عارفاهو 😭😭
زينب : انا قعدت يوميين كفاية ، بعد دا حنزل الشغل
رفيف : يمةة لاا انتي عيانة ، ارتاحي صحتك بالدنياا 😘
زينب : لكن يا بتي حنقعد كدا ؟ الوضع ما مستحمل
رفيف سكتت لإنو بالجد الوضع متدهور شدديد و لو امها ما نزلت الشغل حتبقي مشكلة 😔
اردفت : طيب يا يمة انا كمان حمشي لي خالتو فاطمة مش قالت ليك عندها لي شغل ، احسن من اقعد كدا ساي
زينب: لكن يا بتي منو الحيقعد مع اخوك ؟!
رفيف : يقعد براهو كفاية دلعناهو ، و الوضع دا لازم كلو زول يقوم يشوف ليهو شغله
زينب : دا كلام شنو يا بتي 😶 الولد صغير
يمةةة وليد عمرو 12 خليهو انا بتكلم معاهو 😒
زينب : اعملي اللي بتشوفيهو انا تعبته
رفيف مشت لي حجه فاطمة ~
حجة زينب مسحت دمعتها و رددت حسبي الله و نعم الوكيل فيك حسبي الله و نعم الوكيل ، مشيت و ما سألت عن حالنا و لا أحوالنا و حرمتني من بتي كمان 😭😭😭
و خليتني مخبيه الحقيقه من اولادي 💔
حسبي الله عليك و ع العملتو فينا 😔 و ع العملو أهلك 😭
