زينب حكت لرفيف كل الحصل ، و السبب الخلاها تكذب عليهم !
و عن كل معاناتها .. رفيف ما قدرت تستوعب و بس دموعها نازلة !
زينب : رفيف سامحيني يا بتي غصبا عني 😔
رفيف بي إنفعال : إنتي حرمتينا من بابا ?
زينب : يا بتي هو كان شايف عمايلهم و ساكت , و لو كان يهمو أمرنا كان جا و فتش علينا !
رفيف شالت شنتطتها : أنا إتأخرته لازم امشي
زينب : يا بتي حتطلعي و إنتي زعلانة كدا ?!
رفيف : خليني يا يمة عليك الله ، الفيني مكفيني و ياريت ما تجيبي سيرة لوليد
زينب : يا بتي ما تمشي انا بضرب لزهرة أعتذر ليها
رفيف طلعت بسرعة متجاهلة صوت أمها و أخوها البناديها 😢
طلعت وحدة تانيه ملامحها بااهته ما بتتفسر ,,, طلعت و هي ما عارفة ماشة وين بس خلت رجلها تسوقها و هي بتفكر في كل كلمة قالتها أمها 💔
🌸🌸
فلاش باااك ~
زينب كانت ساكنه مع أسرتها في قرية صغيرة !
رغم إنهم كانو بفتقدوا لمعظم أساسيات الحياة ، إلا إنهم كانو مبسوطين !
زينب أكبر وحدة في أخوانها و كانت جميلة جدا ، و لونها الخمري و شعرها الطويل 😍
أولاد الفريق كانو مغرمين بيها لكن ماف حد قدر يصلها 😌
كانت بتطمح دايما لحياة أفضل ، و يومها كان بنتهي بين مساعدتها لي أمها ف أشغال البيت ، أو تمشي تساعد أبوها في الرعي و الزراعة !
و رغم إنها ما درست الا إنها إنسانة فاهمة شديد !
🌸
حسن كان بحب السياحة و طوالي كان في حالة سفر !
كان بحب يستكشف و يجمع ذكريات من كل حته يسافرها 😍
و كانت أجمل صدفة بالنسبة ليهو لمن سافر مع صحبو لقرية زينب و قابلها 🙈
شافها و إنبهر بيها و بي جمالها الطبيعي ما قدر يمنع نفسو من التفكير المستمر فيها !
قضي مدة شهر مع صحبو ، و خلاص الكل إتعود عليهو و إعتبروه واحد منهم و فيهم !
قاليهو بهظار : ما لقيت ليك عروسه لسه حسن : بصراحه يا سعد انا كنت عاوز أفتح معاك الموضوع ,,, أنا شفته وحدة أول ما جينا بس ما قادر أنساها 😍
و الغريبة إني ما شفتها تاني 😔
سعد : كأني عرفتك بتقصد منو ، أصلا ماف غيرها بتبهر كل الشافها 😍👌
حسن بفرح : بتتكلم جد ??
يعني بتعرف بيتهم ?
بتعرف أهلها ?
