كانت قاعدة قصادو و كل شوية
تحضنو بكل شوق الدنيا و حنان الأمهات 😍
ياااه كنت قايلة إني حموت قبل ما ترجع و نتلم تاني 😢
سامر : يا ماما خلاص أنا جيت و تاني ماف شئ بفرقنا ، حكون قدامك كدا 24 ساعه لمن تزهجي مني 😂
زهرة : ما ممكن أزهج أبدا إنت قطعه من روحي ، ما عارف انا كنت حاسه بوحدة كيف ، انت بعيد و ابوك كمان و انا كنت بحاول أشغل نفسي بالشغل 😔
سامر و هو ببوس كفها : ربنا يخليك لينا يا ست الكل إنتي ، و يا ستي كمان بابا مصيرو يجي إنتي عارفه عنادو ، لمن هو يقرر براه حيجي !
و قال بمرح : ووين سهي و سامي ... ما سامع صوتهم !
زهرة ضحكت : ي دوب إتذكرتهم ، أنا إفتكرتك نسيت إنو عندك أخوان
سامر : ايووا كدا فكيها و ورينا ضحكتك الحلوة ، و بعدين إنتي ما أديتيني فرصة زاتو 😂
زهرة و هي بتضربو : يا ولد بطل شقاوة و ع فكرة حتي أنا كمان تاني حنساهم ما دام انت جيت 🙈
ع العموم هم حيجو اسه بعد دا الدوام بخلص !
سامر : مشتااق ليهم جدا جدا
زهرة ضحكت : انا ما وريتهم انك حتجي الليله ، قلته تفاجئهم 😍
سامر : جبته ليهم هدايا حتفرحهم
زهرة : جيتك براها فرحة كبيرة 😘
و ع فكرة في رفيف كمان بس اسه ما قاعدة بتجي المساء 😍
سامر : رفييف مين ?
زهرة : نسيتها ??
الحكيت ليك عنها
سامر : اهااا البت البدل خالتي فاطمة
زهرة : ايوا 😒
سامر : صحيح يا ماما خالتي فاطمة كيفها ? و صحتها كيف ?
زهرة : كويسة الحمدلله ، بس انت عارف كبرت و الشغل بقي صعب
سامر : لازم ازورها يوم ان شاء الله 💞
البت دي واثقه فيها يا ماما ??
زهرة : رفيف غير و انا بثق فيها و بطمن ليها و حتي العيال كمان متعودين عليها جدا و بحبوها و أردفت بخبث و هي بتراقب ردت فعلو " إنت زاتك لمن تشوفها حتحبها "
سامر : يعني انا كنت مظلووم ، يا ريت لو كان ف رفيف في زمني ع الاقل ما كنت حتحبس 😂😂
زهرة : انت بتسميها حبسة ، انا بسميها خوف عليكم 😢
سامر : يلللا أنا جعاان و مشتااق لي أكلك 😍
زهرة عرفت إنو بتهرب ضحكت : ثوواني و يكون جاهز
