بتعاين للورقه عشان تتأكد من العنوان ..!
عاينت للبيت القدامها ، أقل ما يقال الفيلت ا القدامها 😍
صح ولا حاجه مقارنه بوضعهم زمان ، بس اسه الوضع اتغير 😢
إترددت في رن الجرس !
حاجه جواها بتقول ليها أرجعي ، بس هي محتاجه الشغل دا بشدة 💔
إتنهدت و رنتو ..."
جات سيدة أنيقه ما بيظهر عليها التقدم ف السن ~
قالت بي تردد : دا بيت خالتي زهرة ?
مرحب بيك دي أنا زاتي 😊
رفيف : انا رفيف جيت من طرف خالتي فاطمة ، قالت إنك محتاجه لي وحدة تشتغل عندك
زهرة : أيوووا ، إتفضلي
🌸
دخلت و هي بتتأمل ف التصميم حق البيت ، اللي رغم بساطتو كان فخم 👌
زهرة : إتفضلي أقعدي ، ثواني و بجيك
قعدت و هي بتردد ما شاء الله ، تبارك الله
جات زهرة و مدت ليها العصير و الإبتسامة ع وجهها تظهر قدر شنو هي مرة بشوشة 😍
زهرة : طبعا إنتي براك شايفه البيت كبير كيف .. و أنا براي فيهو ، و بي صراحه ما بحب ادخل حد غريب الزمن بقي ما مضمون !
بس فاطمة دي من زمان معاي و زولة ثقه ، بس اسه هي كبرت و الشغل بقي صعب عليها !
لكن ما دام إنتي جاية من طرفها معناتو برضو ثقه 😊
و بما إني معظم وقتي ف الشغل ، فما بلقي وقت لي اي نشاط تاني
عاوزاك تهتمي بنظافة البيت و بالعيال ،و اهم شي بتعرفي تطبخي ??
رفيف عاينت ليها بإستغراب 😰
زهرة : فاطمة كانت بتطبخ للعيال ، لاني بكون برة طوالي و في المناسبات برضو بتطبخ و بتعمل الحلويات
رفيف : بس انا كنت مفتكرة اني حنظف و خلاص !!
زهرة : فاطمة ما فهمتك ?
إنو انتي حتستقري هنا ، و في غرفة مجهزة ليك فاطمة كانت بتقعد فيها
رفيف : أستقر هنا ??
زهرة : ايوا انا قلته لي فاطمة اني عاوزة وحدة تكون في البيت 24 ساعه
انا ممكن فجأة اعمل اجتماع ، عزومة ، حفله ، لازم تكوني موجودة !
رفيف : بس ما بقدر اخلي امي و اخوي براهم 😢
زهرة : بإمكانك ترجعي ليهم اخر الاسبوع ، و الخيار برجع ليك بس صدقيني حتاخدي راتب كويس و زي ما انتي شايفه كل سبل الراحه متوفرة ،و ملابسك و كل احتياجاتك حوفرها 😍
