زهرة و سامر وصلو المستشفي و ضربو ف تلفون رفيف ، تغريد ورتهم هم وين بالظبط !
طلعوا ليها و شكروها و أدتهم الشنطة ، و مشت ~
إتوجهوا للدكتور و فهموا الحاصل !
سامر : ما حتوري أمها ?
زهرة : دي حترووح فيها ، الحمدلله الدكتور طمنا .. نخليها ترتاح شوية و نرجعها معانا !
اسه انت امشي جيب الأدوية دي !
🌸🌸
ووين إنتي نحنا جمب البوابة ?
تغريد : نازله خلاص !
يا أخت دقيقه دقيقه
تغريد التفتت : ايووا
سامر : شكرا ليك بجد ، انتي ما عارفه نحنا كنا مقلقين كيف !
تغريد : العفو و لو ، دا الواجب 😊
سامر : تسلمي .. لسه الدنيا بخير 😍
تغريد : الله يخليك ... انت اخوها ?
سامر : اممم تقدري تقولي كدا !
تغريد : ربنا يقومها بالسلامة و شافت أحمد و ماجد !
سامر : محتاجة توصيل ?
تغريد : شكرا بس داك اخوي و اشارت نحوهم
سامر : تمام ... يلا سلام
تغريد : الله يسلمك !
سامر التفت عليهم تاني كأنو بحاول يستوعب حاجة و مشي وراها : وقف بعاين ليهم بي تفحص قبل ما يردف بصوت متردد : احمد ... ماجد ???
أحمد عاين ليهو بصمت !
سامر : شنو يا شباب ما إتذكرتوني ??
و قال بطريقه مرحة انا عايز موووية صحه 😂😂
ماجد و احمد في نفس الوقت : ساامر الدلووع 😨😨😨
سامر ضحك : يااهو بشحمو و لحمو 😂
سلمو عليهو بالأحضان !
ماجد : و الله لييك ووحشة يا مان .. زززمن ياخ
سامر : اخبااركم شنو بالله
احمد : انت اختفييت ووين بعد النتايج ما سمعنا منك خبر ?
سامر : قصة طووويله ما بتتحكي في وقفتنا دي ، لازم نتلاقي يوم و نقعد بمزاج !
أحمد : ان شاء الله قريب ,, خيير مالك بي جاي ?
تغريد همست ليهو انو دا اخو البت الجات معاها !
سامر : خيير بس عندي اختي هنا !
احمد : اها الله يشفيها
ماجد : نحنا نستأذن بعد دا !
سامر : وووين 😒😒😒 تعالو سلمو ع أمي ما تخافو حتكون متذكراكم ياخ 😂
