أحمد كان بمشي كل يوم نفس المكان ,, عسي يقابلها 💔
بس الحظ كان معاكسو و لا مرة لقاها 😢
🌸
معقولة يعني ?!
الشفتو يكون مجرد تخيلات ?
ماجد : أحمد بسم الله 😓
بعدين انت وراك مسؤوليات حتخليها و تفضل تفتش ف البت دي يعني "
أحمد : بس لازم القاها ... إنت ما عارف الحاسيهو شنو 😢
ماجد ضحك : حب يعني 😂 إنت ما بتاع الحركات دي ما تحاول تقنع
أحمد : ما بعرف ، بس إحساس غريب
ماجد : انا ما عندي كلام اقولو ، بس صدقني لو ربنا مقدر ليكم تتقابلو تاني حتتقابلو 💕
عشان كدا ما تشغل بالك و خليها تجي زي ما تجي 😄
أحمد : كلامك صح .. انا ما حفكر فيها كتير 💔
ماجد : خلينا من الحبكانيات دي ، انا جعان يلا نفطر ~
🌸🌸🌸
رفيف كانت بتحكي لي عنك طوالي .. و ظاهر إنها متعلقه بيك شديد 😍
زينب : نحنا ما لينا غير بعض ف الدنيا دي ، ربنا يخليها لي 💞
زهرة : رفيف ما شاء الله عليها ماف منها 😍
زينب و هي بتخت القهوة قدامها : الله يخليك يا ست الكل جمايلك
علينا كترت ، ربنا يزيدك
و أعذرينا يعني البيت ما ع قدر المقام و الأكل ع قد الحال 😔
زهرة : معقولة بس ، كذا حزعل و الله .. الليله أجمل يوم ف حياتي .. طولته ما ضحكته من قلبي او أكلته اكل طاعم زي دا 😍
تسلم يدك 😘
رفيف : يعني اكلي ما سمح انا 😭
زهرة ضحكت : سمح سمح .. بس طبعا امك الشيف الكبير 😉
رفيف : حصدقك 🙊
زينب : وين وليد يا بت ?
رفيف : قعد يلعب مع سامي و سهي
زهرة : عارفه يا يمة ، العيلة ماف زيها .. حتي و لو قاعدة ف غرفه واحدة بس .. اللمة ما بتقدر بثمن 💔
زينب : ااي و الله .. رفيف ورتني انو راجلك مغترب ، و عندك ولد بدرس برة
زهرة : راجلي جاري ورا اكل العيش حتي انو قرب ينسانا ، مرات بحس اني بقيت زيو و همي القروش ، لدرجه بهمل العيال 😢
بس يجو و نتلم تاني ما دايرة شي
زينب : الله يلم شملكم قريب 💞
زهرة : أمييين يا رب ... صحيح رفيف كانت قالت لي انو ابوها اتوفي من زمان .. ليه ما عرستي تاني
