إنجيل مُحَمّدْ

هروب

يلا بينا نستخبى..
بس ايه جدوى المحاولة؟..
العيون دايخين ورانا..
ناس..
و شرطة..
و أمن دولة..
حتي كل شيخ و قس..
و كل دين موجود فيه كهنة..
حتى تمثال الشهيد..
صابعه شاور لاتجاهنا..
العيون واسعين ورانا..
و السيوف عايزين رقابنا..
- الحياة ف الدنيا حرب..
بس قولي للي جابنا..
يلا قبل الليل ما يجي..
نستخبى ف أي مبني...
عيبنا ع الواقع و ظلمه..
ما ارتضاش غير لما عابنا..

كنت هستناكي فرصة..  نازلة جري على السلالم..
كان زمانا بدأنا رقصة.. غيرت شكل العوالم ..
كان زمان رب الحروب .. انحنى و أصبح مسالم..

لولا عينك جت ف عيني..
كان شعاع النور حرقهم..
لولا ايدك جوة أيدي...
كان رصاصهم..  اخترقهم..
لولا كل شئ عاجبهم..
بس عمره ما كان عاجبنا..
كان زمانا رقصنا حالا..
بس في ناس بتراقبنا..