جزء ،12
احچي ويه نفسي كل الي سويته ماجاب نتيجه ..ربي انت اعلم بحالهم وحالنا .ارحمنا
ﮔعدت والولد طلع لزمت التلفون واتصلت ع اهلي ..ابوي متلهف جان سمع صوتي وظل يحمد الله ...سالته عن حالهم وصحتهم ....
وهو يﮔلي وين چنت اختصرت اله الصار ...
ﮔلي وليدي تعال الي تﮔدر عليه سويته وزياده امك مريضه ولا اكل ولا شرب تعال يا ابني
ضجت ع امي حچيت وياها صوتها مخنوﮔ ومبين عليها التعب ﮔلت الها جايكم باچر
هي ما مصدگه ..حلفتني اجي ...
سديت التلفون منهم وانا مقهور ع اهلي واكثر ع اهل مقدام ...نمت بدون غدا جسمي مكسر من السياره وراسي تعبه التفكير ب آراس اذا رحت وين اخليها ما اﮔدر اعوفها هنا الناس شنو ذنبهم ...
ﮔعدني رنة التلفون واخو مقدام يجاوب فزيت مرعوب متمني مقدام المتصل ..طلع صديق اخوه
رجعت راسي للمخده كمل الاتصال
ﮔلي مبين عليك التعب..دخلت البنيه عليك لﮔتك نايم
جبت الغدا لﮔيتك
نايم
وفاتح حلﮔك عرفتك متعوب
ﮔلت اله فدوه التعب بس بدون نتيجه
بقت يم الله الي يرحمنا
ﮔلي الله كريم
طلع ورجع بيده العشا ...
نزلته منه ....اتعشيت انا وياه ....
سولفنا ع الاوضاع ابغداد التعبانه ..كملنا العشا وبقينا نسولف كسر خاطري جان قلق ع اخوه
ﮔلت اله باجر اتوكل لاهلي
والايام الجايه تجيب مقدام ..اصبر بيه واملي بالله قوي
شال الصينيه مبين مكسور ع اخو
طلعت روحي حسيت مكسور مثله
طلع ورا اشويه دخلت آراس .ما ادري فرحت ﮔلبي ظل يدگ قوي مثل المشتاق الها احسها طفلتي الصغيره
سلمت عليه وحمدت الله ع سلامتي..
ذبلانه اكثر ووجهها مبين عليه الحزن ..اباوع عليه احسها متغيره هواي
ﮔلت الي مستحيه من اهل مقدام ومنك
ليش😳
بسببنا ابنهم ماكو....وانت خاطرت بحياتك
ﮔلت الها لا هي هاي شغلتنا ليش جنود احنا غير نحمي الي يحتاج حمايه
فتحت عيونها وانا غمضت عيوني اشتهيت العسل الي بيهن
دارت وجهها وجسمها رادت تطلع
ﮔلت الها اعذريني يمكن يتأخر وصولج لاهلج ...بس ما بيدي شي
ابتسمت خفيف ﮔالت الي سألت عليك اول يومين ومحد انطاني جواب ظنيت رجعت لاهلك وعذرتك وشكرتك بداخلي ☺
هسه رجعت وانت مفتر 3 محافظات ع مود اهله واهلي ورجعت تعتذر ..ما اعذرك اشون؟!
..ابويه رجال شجاع وضباطه ابطال
طلعت ..ﮔلت الها بﮔلبي ويﮔلولي عوفها وارجع لديرتك...يمكن التفكير جان موتني
ﮔلت الها باجر ارجع لاهلي ...
اتفاجأت مثل الي نصدمت احسها ضاجت..ﮔالت الله وياك توصل بالسلامه ..مشت خطوات للباب
ﮔلت الها اوﮔفي ..
وﮔفت بس دارت نص جسمها ما تريد تبقى يمي شارده مني
وانتي
ﮔالت ادبر حالي .چانت تكابر
آراس ما اعوفج الا يم اهلج هنا ما تبقين ..قررت وانا ب بغداد ما اعوفج هنا ..
ﮔالت هاي محافظتي ..
ادري بس الناس وضعهم تعبان ع ابنهم
اذا تردين اوصلج لبيت واحد من اقربائج باي محافظه ...صفنت ابوجهي اشويه ..ﮔالت خالتي ابغداد بزيونه دزني الهم...
حاوبته زين باجر من الصبح نطلع حظري نفسج
ﮔالت ان شاء،الله
#رزان
