جزء،،10
سمعت كلامهم لان شفتهم اهدأ مني واعرف بالوضع ..ﮔعدنا ...وظلينا ناقش الحادث وعدت تفاصيل القصه من جديد ...الي متأكد منا سيارة الآمر طلعت وما ظل احد منهم بالمنطقه ومن اخذونا للمزرعه ما موجوده عائلة الآمر ..اتيقنا مقدام طلع بيهم ...بس وين ؟
لزمت التلفون واتصلت ع اهلي اطمن ابوي الي وصاني اخابره بكل فرصه ....
ابوي فرح من سمع صوتي وظل يحمد الله ..انطاني امي ...استحيت احجي وياها چانت قلقه وتطلب مني ارجع بسرعه وانا اجاوبها اي ..اي ..اي ..
غلقت التلفون
وبس خلص الغدا اتحركنا وبمستشفيات تكريت طلعنا لبلد واشكم قضاء،ماكو نتيجه ...رجعنا لبيت العميد ....هالمره جنت ادور بس بدون امل عرفت ادور بحلقه مفرغه وكل مره ارجع لنقطة البدايه تشابهت الليالي والبيوت والناس ﮔبالي ...ثاني يوم الصبح طلعنا للاقضيه والنواحي بمستشفياتها ومعارف العميد نسأل ومحد يعرف شي ...رجعنا بالليل رجعت وياي كل لحظه من يوم ما دخلت بيت الرجال الي بكركوك وبيت مقدام والمقدم شهاب ...وهسه العميد عبدالله ......
نفس الاحداث تنعاد شعور متعب احباط،دمرني ....
بالليل المقدم ﮔلي ...الي عليك سويته ياول ما قصرت
باوعت عليه بس بالي مو يمه
العميد ﮔلي الي بيدك سويته وشاهد الله ما قصرت
عجل روح لاهلك باجر اوصلك لبغداد ومناك روح لديرتك ...
انتبهت على المقدم 😯
سيدي ومقدام ...وبنت الآمر
ﮔلي خليها ابيت مقدام ومن يرجع لاهله يوصلها لاهلها
سكتت ماجاوبته
والعميد قنعني وجودي هنا بيه خطوره عليه
سكوتي صار اقوى ..
اشلون اعوفها ع مقدام وهو ما موجود مو رجوله ولا شهامه بداخلي اﮔول عيب علي اعوفها وارجع .....بس اشلون ابقى افتر ادور عليه .لو انتظر بيت مقدام الى ان يرجع ..واهلي اشلون وانا ما اعرف اشﮔد يتأخر ..
نمت ما حسيت ع نفسي الا بعد ما سمعت صوت مقدم شهاب يحچي بالتلفون ويه اهله
ﮔمت من فراشي ﮔوه احس اشﮔد ما انام ما اشبع نوم
غسلنا واتريگنا وودعنا العميد واتمنى تخلص السالفه ع خير ...والمقدم أكد اله يوصلني لبغداد حتى من بغداد اروح لاهلي ....بالطريق المقدم يقنعني ارجع لاهلي واشوكت مايرجع مقدام يوصل بنت الآمر ......خلص كلامه ...وفهمته ما اﮔدر اترك بنته يم ناس ابنهم بعده ما جاي واﮔلهم من يرجع بالسلامه خل يودي البنيه لاهلها 😞
ياول شنو فكرك اظل تفتر بالمحافظات وادور بمستشفياتها
ﮔلت اله ظلت بس بغداد 😰
المقدم استغرب😳...اي
سكتت احسه انصدم
اشبيها بغداد سالني وعينه عليه وعين ع الطريق درت وجهي ع جهة جامتي ..
ياول ادور بغداد عبالك تكريت لو الرمادي هاي بغداد جبيره اتعبك
ﮔلت اله اتعب جسمي ولا يتعب عقلي واظل الوم نفسي ليش ما دورت ب بغداد
جاوبني وبعد بغداد ارجع للموصل وروح للشمال انت خبل
جاوبته ورا فتره صمت الطريق الي طلع منا يوصل لهاي المحافظاات اتجه لجنوب لكركوك مو للشمال
ﮔلي لا وتحلل جنونك
ما جاوبته طريق بغداد خطر المقدم ما عافني ﮔلي اذا الله يحبنا نرجع سلامه ..ولو ما اصور ع هاي الوضعيه
طلبت منه يرجع وانا اكمل
ما قبل ﮔلي مو بس انت شهم .ومخبل
ابتسمت اله
بغداد محترﮔه والشوارع فارغه مدينة اشباح صوت الحرب اشكال الاصوات جبهه مفتوحه داخل مدينه
المستشفيات مفتوحه والاطبء قليل موجودين ..رحنا ع كل مستشفى بطريقنا ونندله ...ندور بوجوه المصاويب والمرضى ودخلنا ع ثلاجات الموتى شفنا جنود مستشهده هواي وناس من طلق ناري تايه ميته وجوهم انطبعت بالي وانا اركز عليها ...صار الليل دخلنا السياره بفرع ونمنا بيها .....نوم بخوف بكل لحظه نتوقع ننقتل .....
الصبح حركنا ااسياره وظلينا نفتر بمستشفيات بغداد ونفس النتيجه ...رحنا لبيت اقارب مقدم شهاب اكلنا وفولنا بانزين ...ﮔلي نرتاح وباجر نطلع استحيت اكسر كلامه وخاصه هو تحمل كل هذا مجبور وانا جبرته
#رزان
