جزء،11
بيت اقارب المقدم جنت سارح واعرف الي اسويه بدون فائده ....المقدم يحچي ويه الولد ويسولف الهم ع وضعيتنا ....
اتعاطفوا ويانا وﮔلولنا الوضع مو مال واحد يدور ع شخص ما يعرف موجود هنا لولا ....
سكتت ...اعرف الي گاله صحيح وجاي اخاطر بروحي وروح المقدم
يقنعون بيه .وانا ساكت عشت لحظه من الصراع وهم يحچون يمكن بوحده من المستشفيات الي ما شفناها ..واذا رجعت لكركوك شأگل لاخو مقدام لو ل آراس ..واهلي ما مفكر اصلا ارجع واعوف كلشي وراي بلا حل صعب دماغي 9يرفض الفكره
المقدم ﮔلي حمزه الصبح،شنو برنامجك 8ويضحك يورث بجگارته
ﮔلت اله انت توكل للرمادي
ﮔلي وانت؟!
ﮔلت اله ابقى ب بغداد ادور باقي المستشفيات
واحد من الموجودين ﮔلي العناد ما يفيدك ..
ﮔلت اله مو بيدي والله
المقدام سكت وﮔلهم عنودي اعرفه هو الي اجه من النجف وعاند وراح لكركوك ...
الصبح طلعنا ونفس روتين كل يوم بس هاليومين اخطر واصعب وكل مكان ما الﮔاهم اقترب للخيبه اكثر ....ومرت ساعات وساعات اكلنا ويانا وترمز چاي جابه المقدم من اقاربهم ...شكرته ع موقفه .....رد هذا عملنا وواجبنا تجاه الآمر ..وانت واحد من افرادنا .
صار الليل حسينا بالخطر والحيره ...استحيت لان ورطت المقدم وياي وموقفه وياي خجلني اكثر دخلنا بساحه جانت بيه اشكم سياره.. ااساحه اهليه يم مجمع سكني
دخنا ونمنا بسرعه ..الصبح ﮔعدنا ع هورن سياره تحركت من الساحه سلم علينا ..والمقدم سأله ع بانزين خانه نفول منها دلانا ع وحده ومشينا الها ...فولنا بانزين
ﮔلي هوايه مستشفيات دورنا وماكو يمكن طلع لسوريا وبعون الله موجود عند هله هسه
جاوبته يارريت الله يسمع من حلگك
ﮔلي وانت ارجع لاهلك اوصلك للنهضه والله يسهل الك دربك
جاوبته ارجع وياك
ﮔلي وين ترجع
اروح لكركوك اخو مقدام منتظرني ....تفكيري راح يم آراس اشلون اتركها بدون ما اعرف مصير اهلها لو مصير مقدام ...
گلي :بكيفك بس خايف عليك من عنادك من النجف لحد هسه تعاند ..ارحم نفسك واهلك
اذكرت اهلي صار يومين ما متصل 😔
وصلنا للرمادي ساعه 10 تقريبا ..
ﮔلي ننزل نرتاح بيتنا وبعدين نروح لكركوك
ﮔلت اله لا انا اروح وحدي ارجع لبيتكم..نزلني وانا اكمل طريقي
ضحك ياول من كل عقلك اهدك هنا وحدك اشتعرف اشتندل انت
كمل سياقته..
ﮔلت اله تعبتك هواي ما اعرف اشلون اشكرك سيدي
ياول انت حليبك طاهر وابن اجاويد ..عرفتك هناك واتأكدت هسه
جاوبته سيدي وانت ابن اصول
وصلنا لكركوك ﮔلت اله تﮔدر ترجع سيدي
ﮔلي اوصلك لبيت مقدام واروح
ﮔلت اخاف تتأخر وهنا الرتب خطره ...سيدي ارجع ما دام بعد الوكت ظهر ..سلمت عليه وراح
امشي بالشارع ردت سياره توصلني لمنطقة مقدام ما حصلت ...اخر شي صعدت بكوستر جان متجه لطريق يوصلني قريب ع المنطقه ...وصلت بعد ساعه من المشي لبيتهم ..طلع الي اخو وهو ما مصدﮔ عباله بيه شي اخرني .دخلت للبيت ..وانا فشلان ..يسألني ع اخبار اخو ..
ﮕلت اله ماكو .بكل مكان اعرفه ..وع الاغلب رايح لسوريا ...بعد ما عدنا غير ننتظره
ضاج ﮔلي اتوقعته ما يجي وياك بس اتمنيت اخبار منه
جاوبته ..يا اخي دورت عليهم بغداد وتكريت والانبار .والمقدم وياي ..مو انت اتمنيت انا اتمنيت اعرف شي عنهم
ﮔلي ادري بيك ...وچنت شاك ترجع لهنا مره ثانيه
ﮔلت اله حقك لان ما تعرفني
ﮔلي لا والله الاوضاع الي بره تخلي الواحد يطلع ما يرجع ...
#رزان
