جزء،،14
مشت السياره تقريبا ساعه طلعنا بيها بغداد .
آراس سألتني اشو طلعنا بغداد وين بيتكم😰
جاوبته بالناصريه
جان صوتنا عالي لان صوت ااسياره والهوا قوي
عدلت ﮔعدتها لزمت ثلاجه جانت موجوده الجماعه ناهبيها ووﮔفت ناصريه شنو😳
عبالي داخل بغداد ....
جانت مذهوله ومتفاجأه
انا هم اتفاجأت عبالي تعرف انا من الجنوب
ﮔلت الها لا ..درت وجهي من وجهها اتوقعت ﮕلبه راح يوگف ...
يعني ماكو غير حل ....انهارت وظلت تبچي...
ما جاوبتها ....ما احب اناقشها لان احساسي اتجاها ما تغير اعتبرها طفله ..
مرت فترة صمت ....السياره وﮔفت وآراس ما بطلت بچي دموعه تنزل بدون صوت
نزل الرجال ﮔلت الها مسحي دموعچ بسرعه .....
الرجال ﮔلي هاي حدود بغداد احنا منا مطلع لقريتنا ..واذا تردون..(باوع ع آراس) ترحون ويانا تباتون والصبح تطلعون ..الوكت تأخر ما تحصلون سياره ...
ما ارتاحيت اله
چان لازم اقرر خلال ثواني ...السما صارت ظلمه من الغيم
فكرت بيها خفت عليها هواي من نروح وياهم ومن نبقى هنا
بالاخير قررت نروح وياهم سألته القريه بعيده لو قريبه ع ااشارع
ﮔال نص ساعه مشي وربع ساعه بسياره ..
ﮔلت اله توكل
لقى عليها نظره بطرف عينه وراح ...
قلقت اكثر اتلمست سلاحي جوه القميص
چانت ٱراس ساكته ومقهوره
دخلنا بشارع فرعي ومن بعيد بينت اشجار ...صعد بينا ع سده عاليه من الطرفين چانت بيوت بناءها حديث ......اجاوزنا االبيوت ...ونزلنا ع مساحه بيها بيوت طين بيتين قريبات ..وگفت السياره .....نزل الرجال والولد ....
اخذت جنطتها ..اجه الولد ..ﮔلي اطيني انزل البنيه
ﮔلت اله باحتقار :انا انزله
نزلت قبلها چانوا بعدهم واگفين ...ضوجوني ما ادري شيقصدون معقوله جزء،من ضيافتهم ..لو قصدهم غير شي.
مديت ايدي الها لزمتني ونزلتها
مشينا مسافه قليله وصلنا لبيوتهم ﮔعدنا بغرفه صغيره وبيها غراض هوسه شباك صغير ناصي وفراش قديم ..كعدت ما شفت آراس ﮔلت للولد ...البنيه وين ﮔلي بيت اخوي بصفنا ..ﮔمت بسرعه وطلعت بره الغرفه اتلاﮔه وياي الرجال ﮔلت اله وينها
لاتخاف يا عمي يم النسوان اشر ع بيت ﮔبالنا ...ﮔلت اله سويلي طريق اريدها ...جنت احچي بعصبيه
راح ورحت وراه
صاح بأسم مره....سمعت صوت مره ﮔالت اله شتريد
ﮔله صيحي البنيه صاحبها يريدها ويباوع عليه بأستهزاء،
اجاهلت كلمته ونظراته ...وانتظرتها ....
طلعت اراس ما انتبهت عليها اشگد ضايجه مقهوره مصدومه
المهم شفتها ...اخذتها ع جهه الوضع اشلونه جوا
زين جاوبت ببرود
اكو شي غريب
مثل شنو
يمج ولد لوبس بنات
بس بنات ..
تخلص الليله ونرتاح يم اهلي ...
لا تخوفني
لا تخافين ماكو شي بس قلق عليج ..
#رزان
