جزء ،17
ابو السياره ظل يحچي ويه الحجي يﮔله اطينا الولد والبنيه
الحجي ﮔله روح
رحت يمه ﮔلته اشينطيك اغم ؟
رفع ايده والحجي عاط بيه ورجع ايده
وطلعهم
بقيت واگف وحاير اشلون اخلص منهم ....هم عشيره وملتمين والظاهر باطلين
رجع الحجي واكيد اتفق ويه ابو السياره
چنت اباوع عليه بغضب ...
گلي نام وباچر تنحل
ﮔلت اله اعتبرني دخيل عند الله وعندك ..اذا ارجع لابن عمك مايصير خير
ﮔلي تهددنا
لا ما عاذ الله ...بس هم فاسدين ..وما اطيهم الي يردونا الا ع جثتي وجثتها
يصير خير تنام هنا لو يمها
ﮔلت اله يمها عفتها مصخنه
ك
طلع ورحت ورا ..وصل للغرفه دخلت وهو راح
لﮔيتها نايمه وع راسها وصله اصور الحجيه مخليه عليها كماده تخفض حرارتها
شفت طاسة مي يمها ع ميز ..لزمت ايدها جانت حرارتها مرتفعه
خفت لا يصير عليها شي من الهبطه
غيرت كمادتها اتمنيت لو واصل لاهلي ع الاقل مأمن عليها بلا هاي الورطه
مرت ساعه وانا ابدل كمادته كل اشويه
چانت تتفزز بنومتها ومرات تسكت
اريد انام بس نعاس ماكو قلق افكر بيها وبالجاي باچر .....سمعت الحجي والحجيه يحچون وكت صلاة..طلعت الهم ...الحجي سالني اشلون صارت
ﮔلت اله بعدها مصخنه ...دخلت الحجيه وانا طلعت اتوضأ ..ﮔلي الحجي ما نمت
لا خفت عليها
الحجي ضحك ما مبين عليك تخاف
ما علقت
راح للصاله ورحت وراه صلينا سوا ....رجعت بيه الذكرى لابوي ..هسه اشلون حاله وحال امي ...اكيد ظال بالهم المفروض واصل يمهم انا تنهدت
ﮔمت ردت اطلع ..الحجي ﮔلي الحجيه يمها ...
تعال اتريگ وياي ...
ﮔعدنا نتريگ ما اشتهي الاكل بالي يم موضوعنا شيسوي بينا الحجي الصبح
ما حبيت احچي وياه بالموضوع حتى لا انصدم
..
ظل يسولف ع الحرب .....ﮔلي الاميركان ضربوا جسر الچباب ليله بيوم
ما اطونا عطوه احنا نفلشه الهم
ضحكت
صدعوا روسنا بالطك ...ردنا يسكتون واحنا نهدمه الهم
بديت اسوالفنا ع الحرب ....عرف بيه نقيب بالجيش واستفسر مني ع الجيش الي بالنجف وبالمنطقه الغربيه ..الحجيه ﮔطعت سوالفنا ﮔالت البنيه صحت .انا ﮔمت واترخصت من الحجي اروح الها
..وصلت يمها چانت فاتحه عيونها ع النص ...
لزمت ﮔصتها حرارتها بعدها مرتفعه ...ضجت
ﮔالت اريد اروح للحمام ..
ميلت الغطى من يمها ونزلت رجليها ...
نزلت ومشت خطوات منتچيه ع الحايط طلعت قبلها وصلتها للحمام قبل لاتدخل ﮔلت الها اغسلي رجليج حتى تهبط الحراره
رفعت بنطرونها من يم رجليها حتى تغسلهم .....اتأكدت هي طفله ...اول مره هيج اعتني بشخص واهتم بيه لدرجه اخذه للحمام واعدل ملابسه ..
چانت مستسلمه الي حسيتها جزء مني
بقيت انتظر ..طلعت بعد دقايق ...غسلت ع مغسله قريبه ايدها ووجهها ..
رجعنا للغرفه ...نامت ع الچربايه ...رادت تگعد عدلت الها المخده ..
نزلت حافة البنطرون ...شكرتني ...
عفوا ☺
ﮔالت جوعانه
فرحت من طلبت اكل ادري بيها ماماكله من البارحه....رحت للحجيه وسويت صينيه بيها اشكال الاكل ...شربت بس حليب وبالﮔوه تاكل خبز ..
ها بعدچ مصخنه ...ﮔالت قليل بس جسمي نحلان ...
دنﮔت للﮔاع اذكرت الي صار البارحه مر عليه مثل الفلم الاحداثه سريعه
خليت ايديها ع وجهها وﮔالت اشصار ؟!بصوت يرجف
خير ان شاء الله
سكتت ..ميلت اديها من وجهه
لاتخافين الحجي ادمي ومبين خير اذا صرتي زينه الصبح نروح لاهلنا
ﮔالت ما اروح ...ظلت تبچي واذا جووي ورانا
ما يجون اهدأ بيها ...اطلب من الحجي يوصلونا بسيارتهم ....
بلي مثل الرجال والولد .الي جابونا هنا 😖
مو كل الناس مو اوادم ..اكو ناس زينه
اخاف رجعني لكركوك
صارت عيوني براسي
ما حچيت خليت راسي ع المخده ردت انام ...شيخلصها هاي ااسالفه
ﮔعدت الضحى اسمع صوت الحجيه تگعد بيه ..يمه ﮔوم الحجي يريدك ...عبالي امي تگعدني انقهرت ...شلت جسمي چانت آراس ﮔاعده تباوع عليه ..طلعت غسلت دخلت للديوان ...چان ابو السياره موجود وجايب وياه زلم ..ويردوني ويتهددون
الحجيﮔلي ...تعال اسمع حتى الحچي يصير ﮔبالك
اسمع انا ﮔولوا
ابو السياره ..عاد نفس الاسطوانه مالته ...وزاد عليها سيارته اتكسرت بعد ما اخذته
ﮔلت اله انا وﮔفتكم لو انتم وﮔفتوا ....
انتم سلابه وردتوا سلبون وتغتصبون...شفتونا وحدنا وطمعتوا ....
ظل يغلط عليه
گلت الهم باوعوا
عندي عشيره مثل اي واحد والبنيه عشيرته من كركوك ابوها آمر بالجيش طلع وبقت البنيه لان قوات البشمرگه منعتنا نوصل ....داخل حرب وطالع شايف الموت الف مره .....
انتم زلم وسويتوا وليه عليه ...ارجع البنيه اذا مو لاهلي ف لكركوك والي تردوه انا حاضر ...#رزان
