بلقيس(18+)

البارت الثالث

وسديت الخط ودخل مروان للغرفه وجان عصبي حيل 

واني صار وجهي اصفر حيل وكلت مرواان.....

مروان: من سمعتها تخابر واحد وتتواعد هيه وياه فقدت اعصابي لزمتها من ايدها حيل 

وج هاي المن تواعدين ويامن تحجين احجي 

بلقيس: مروان انته فاهم غلط خلني افهمك والله ماسويت شي غلط

مروان : ما صدكتها ضربتها بكل قوتي وعلئ صياحها صعدت امي للغرفه تريد تخلصها من ايدي 

سحر(العمه) : كاعده ب الهول ما احس غير صياح بغرفه مروان وبلقيس تصيح وج عمه الحكي عليه 

مروان: جريت امي وطلعتها بره الغرفه ودخلت وقفلت الباب من جوه وشبعتها كتل ودفرات حته نسيت هيه حامل لحد ما فقدت الوعي  اخذت الموبايل مالتها وطلعت 

سحر (العمه) : وك يمه شبيك وياها شمسويه البنيه كلي روحي شوفيها شمسويه هاي الي انتي جبتها جنه الج

بلقيس: صحيت ع روحي لكيت روحي مزوركه من الضرب وعمتي كتلي شمسويه ولج خبلتي ابني واجه مروان صاحها وحجالها كولشي عمتي صعدت ضربتني وكلتلي هاي تاليها هيج تسوين متزوجه وتواعدين زلم وضلت تتلفظ بالفاظ محلوة وضلت تشتم ب امي ومشت الايام وضليت عايشه مثل الخدامه عدهم ومروان رجع ل سوالفه يسكر ويجي ب اليل يضربني وانام ع ضربه واكعد ع ضربه وعمتي تعاملني اصعب معامله ومتحجي وياي ب حك الشغل مال البيت والشغل كوله عليه واكمل شغل اصعد بغرفتي انام واذا اتاخر ب النومه اكعد بضربه من عمتي ومرات افكر اكول ليش هيج اليتيم يصير بي هالشكل لان ما عندي احد هيج يصير بيه كوله من احمد ابن جيرانه وبعدها احمد اختفئ ما ادري وين صار 

ومرت الايام واني علئ هاي الحاله  متحمله بس علمود الطفل الي بطني هو منطيني امل بهاي الدنيه اكول يجي ويعوضني الله بي وصرت حامل 3 اشهر و منتظره شوكت يجي الطفل حته العب وياه واكعد ارضعه واغير ملابسه اتعلقت بي حيل حته مرات اكعد احجي وياه عبالك موجود يمي 

وفد يوم اخذتني عمتي للدكتورة حته اخذ سونار واشوف وضعي شلونه واخذت سونار وكولشي جان تمام فرحت حيل لان الطفل زين ورجعنه من الدكتوره وصلنه للبيت شفنه احمد ابن جيرانه وهم رجع يباوعلي وعمتي انتبهت ودخلنه وصعدت ابدل وما اسمع غير صياح ب الشارع وطلعنه اني وعمتي نشوف شكو ولكينه احمد ومروان يتاعركون بوسكات وب الكوه دخلنه مروان للبيت اني شفته مجروح جبت كطن حته اداوي اجتي عمتي وكلتلي وخري ي وجه المصايب كوله منج فكرتي ابني 

اني صعدت لغرفتي وكعدت ابجي اووووف شوكت اخلص والله تعبت 

وضليت ع هاي الحاله مروان من يومها ما طخ لسانه لساني وكام مو بس يجي سكران ويضربني وياخذ حبوب وكل ليله وياه اكره نفسي  وكام يعرف بنات ويوميه اسمعه يخابر وحده شكل بعد ما يضربني وينام وياي غصب ما ادري اسمي هاي خيانه الي يخابر يوميه بنيه شكل وهو نايم يمي خيانه كدام عيني راح اموووت 

مو بس اتحملت الضرب والاهانه واعيش وانام كل ليله وي انسان ما عنده ذره رحمه اتحملت الي ما تتحمله اي انثئ اتحملت اشوف زوجي يخوني كدام عيني واسمع وما اكدر احجي احس راح اموووت كل هذا متحملته بس علمود ابني 

تعبت نفسيتي حيل وما رضيت انام وي مروان وجان هو سكران لدرجه ضل يضربني و وكعت ع الكاع وضل يضرف دفرات ب بطني 

وماحسيت غير الصبح جنت بالمستشفئ وجانت الممرضه دا تحطلي مغذي سالتها اني ليش اهنا وابني بي شي بس ما جاوبت وكلتي زوجج واكف ب الباب  وهسه الدكتوره تكوله عن حالتج وطلعت الممرضه من الغرفه وضليت وحدي

مروان: جنت واكف ب الباب طلعت الدكتوره وسالتها كالت للاسف خسرنا الجنين وصار عدها نزيف واضطريت اشيل بيت الرحم يعني زوجكتك هسه فاقده الرحم  كتلها يعني شنو كالت يعني مستحيل تكدر تصير ام مره ثانيه شدو حيلكم وحاول تواسيها

مروان: واكف احجي وي الدكتوره وما نسمع غير صوت ب غرفه بلقيس دخلنا لكينه بلقيس واكعه يم الباب وسامعه حجي الدكتوره 

وفاقده الوعي .....

شنو موقف بلقيس وشلون راح تتقبل هاي الحقيقه المره وشنو ردة فعلها كل هاي الاشياء راح تعرفوها ب البارت الرابع 

شنو رايكم بهذا البارت ومنو متحمس للبارت الجاي