بلقيس(18+)

البارت التاسع

اتفاجئت من الكلام الي كاله مروان الي ومن قراره.!!

مروان : بلقيس اني اسف علئ كلشي اني دمرت حياتج ومستقبلج ادري بيج متحبيني ومراح تحبيني وجايه لان امي ضغطت عليج.
اني ظليت صافنه معقوله دا اسمع هذا الحجي من مروان!

وهو اتفاجئ كلي شبيج بلقيس صافنه

كتله مرووواااان بصوت عالي . انته جاي تعتذر؟ وعلئ شنو علئ مستقبلي . لو علئ الايام السوده الي عشتها وياك . ودموعي كامت تجري . وكل هاذ وكلت ميخالف . حتئ الامل الوحيد الي جان عندي بهاي الدنيه والي جان اغلئ من روحي انته اخذته مني برمشه عين موتت ابني حتئ قبل لا ينولد بهاي الدنيه وقبل لا اشوفه واشم ريحته مو بس هيج وصرت فاقده الرحم بسببك يعني بحياتي مراح اصير ام . كلت كل هاذ الكلام بصوت مبحوح وانفجرت من البجي من اتذكر شلون خسرت طفلي وحياتي الي جانت وي مروان .

وظليت اعاتب بي علئ كل لحظه اذاني واهاني بيها . اني بسببك شردت وخليت راس عمتي ب الكاع . وعشت شهور بيت دعاره وانهانيت وانضربت . واتعرضت للاغتصاب .

مروان:شلون اغتصاب وليش ما كتيلي ؟

بلقيس : شكول وانته جنت رايد تقتلني .

مروان : بس انتي هم خنتيني .

بلقيس: اي يمكن هاذ الغلط الوحيد الي ارتكبته بحياتي بس صدكني ما خنتك اله بعد ما اتاكدتت انك مراح تكون الي زوج جنت ادور علئ شخص الكه بي الحنان والحب . ما اكولك جان تصرفي صح لا غلطانه ودفعت الثمن غالي وراح اظل ادفع الثمن عمري كله.

مروان :بلقيس اني ما طلبت اشوفج حتئ نحجي ب الي راح اني اريد اكلج راح اطلكج وفورا اذيتج اهواي شوفي حياتج واتمنئ تكدرين تعوضين الاشياء الي خسرتيها وياي .

اني جنت مصدومه راح تطلكني ؟

مروان: اي راح اطلكج بس عندي شرط!

بلقيس: اي شنو شرطك ؟

مروان : امي تظلين يمها امي مالها احد غيرج هسه اذ موافقه ع شرطي نبلش ب اجراءات الطلاق من باجر ؟

بلقيس: اي موافقه .

مروان : ماشي اوعدج اطلكج ومراح ازعجج ابد .

وانتهت الزياره وطلعت ل عمتي عيوني حمر من وره البجي. سالتني شبيج كتلها امشي عمه ب البيت نحجي . ورجعنه للبيت ظلت تسال شكلج مروان شكو خو مابي شي . حجيتلها كلشي دار بيني وبين مروان .

كالت اي عمه بكيفج انتي تعبتي وي مروان هاذ قرارج. اني جنت تعبانه حيل صعدت نمت بغرفتي ارتاح ومن كد التعب غفيت . ما حسيت غير ع صوت موبايلي عمتي هيفاء فتحت خط الو ها عمه شلونج . جان تكل عمه صدك هاذ الحجي . كتلها يا حجي ؟ كالت راح تطلكين انتي ومروان .

كتلها اي عمه منين عرفتي . كالت مروان مخابر المحامي من السجن وكايله يبلش ب قضيه الطلاك باسرع وقت . والمحامي خابر عمج كمال وكاله .