بلقيس(18+)

البارت الثامن

القاضي صاح النطق ب الحكم وكمنه وكفنه كلنه ..

راودني احساس غريب ما اعرف شنو ب الضبظ هل هو خوف من الي جاي لو خوف من ارجع للماضي اباوع لعمتي واشوف حسرتها علئ ابنها.

حجه القاضي اسم مروان الكامل ورقم القضيه وهاي الشغلات الي لازم يكولها ب لحظه الحكم ونطق الحكم بعدها جانت ب النسبه الي صدمة!

مروان انحكم 15 سنه مع الاشغال الشاقه اني جنت واكفه واباوع ب بوجوه عماتي وعمي كمال ومن القاضي كال الحكم جنت ساده ايديه حيل وظليت اضغط عليهن اتهسترت بمكاني وحسيت ع صوت عمتي وهي تصيح وك يمه مروان راح ابني

طلعنه عمو كمال من القاعه وعمتي تبجي وعمتي هيفاء تحاول تواسيها وتصبرني بس علئ شنو تصبرني علئ مستقبلي الي تدمر وع زوجي الي نحكم 15 سنه وما اعرف شنو مصيري اوووف ياربي ليش هيج دا يصير بيه لو امي وابويه عايشين راح يكون هيج حالي؟

طاعنه من المحكمه وصعدنه ب السياره راجعين للبيت طول الطريق واني افكر شراح يصر شلون راح استمر بهاي الحياه وشنو لسه ضاملي القدر .

وصلنه للبيت عمتي سحر تعبت حيل انطيته علاجها ودخلتها لغرفتها ترتاح . وعمتي هيفاء وعمو كمال رادوا يرحون وصوني ع عمتي وصبروني وعمتي شالت مبلغ خلته ب ايدي وكالتلي عمه ديري بالج ع نفسج وع عمتج واني انشاء الله ما اقصر وياكم وراحوا سديت الباب وبقينه اني وعمتي هيفاء ب البيت وحدنه ...

مرت الايام واني اخدم عمتي وانطيها علاجها بوقته وهي هم صارت زينه وياي وعمتي هيفاء تجي كل فتره تشوف احتياجاتنه وتروح .

ومر 3 اشهر واني علئ هذا الحال بس خلصنه فلوسنه اني وعمتي علئ علاجها وقبلها جانت اتعاب المحامي والقضيه وصرنه ع الحديده

وفد يوم اجتي يمنه جيرانه تشوف عمتي وشافت وضعنه وكالتلي بلقيس ليش ما تدورين وظيفه تعينج وتعنين عمتج كتلها واني وين اتعين اشو اكو متخرجين وكاعدين تريدين اني الي ما عندي شهاده اتعين ؟

كالتلي اكو دكتوره نسائيه اعرفها وتريد سكرتيره عدها ليش متخليني اشوفهه الج باوعت لعمتي كتلها عمه شنو رايج كالت عمه بكيفج كتلها اي اني موافقه كالت خوش اشوفها وارجعلج خبر .

فرحت بهاي فرصه الشغل هم ابعد عن جو البيت وهم اكدر اعالج عمتي ويسهل عليه مصروف البيت

وب اليل خابرت عمتي هيفاء وكتلها كيفت وكالت اي عمه الشغل مو عيب وديري بالج ع نفسج واني اجي باجر اشتريليج ملابس جديده حتئ تداومين بيها كتلها عمه هسه منو يكول توافق الدكتوره يجوز من تعرف اني ما متخرجه متوافق كالت لا انشاء الله توافق .

واجتي عمتي الصبح اخذتني للسوك ما خليت ملابس تعتب عليه اشترتلي كل الي عجبني و رحنه ل محل الحجابات نسقت حجابات وي الملابس وكم قطعه حذاء وجنط