بلقيس(18+)

الاخييييييييييير

ومرت الايام والسنين ....

صرت ب المرحله الرابعه هندسه هاي السنه اتخرج صح دكتور اركان ميدرسني بس طوال اربع سنوات وهو يحاول وياي صارحني بحبه الي بس اني رفضت بالرغم اني بديت انعجب بي بس ما ادري ليش بداخلي احساس يرفض. وعرفت انو هو متزوج وزوجته متوفيه وعنده اطفال اثنين.

عمتي هيفاء زوجت بناتههه وعمتي سحر كبرت ب العمر وصار نظرها ضعيف وحركتها قلت

صار دكتور اركان يراقبني دائما احسه وراي مثل ظلي لحد ما اجه يوم وطلب مني نكعد اني وياه بمكان ونحجي وكلي هاي اخر مره اسمعيني وبعدها مراح اتعرضلج ابد

كلت ل منئ هي اصرت عليه اكعد وياه واسمعه وفعلا وافقت جان اكو مطعم قريب يم الجامعه

اتواعدنه نلتقي بي وصلت قبله وجنت كاعده منتظرته

وهو وصل لكاني كاعدة اعتذر عن التاخير وكعد ونزل عصاير حجالي شلون اتوفت زوجته بمرض السرطان وتركتله بنت ولد وشلون رباهم يعني حجالي كولشي عن حياته وطلب يتقدملي ويخطبني من اهلي واكدلي انو مشاعره تجاهي صادقه .

اني كتله بس اني مطلقه هو اتفاجئ بس بعدين كال واني هم جنت متزوج سابقا وهذا م يمنع ارتباطنه

طلبت منه احجيله قصتي وهو كال اي اسمعج.

وفعلا حجيتله قصه زواجي كلها بالتفاصيل حتئ خيانتي لزوجي حجيتها وانو اني فاقده الرحم.

واتفاجئت من ردة فعله وقراره

باوعلي وكال الي صار وياج ب الماضي ما يهمني وهذا غلط اهلج لان اختاروا الج شخص ميناسبج واني بصراحه من عرفتج ماشفت منج اي تصرف غلط بلقيس اني نيتي صادقه وياج وحاب ارتبط بيج انطيني فرصة

اني اتفاجئت وشفت هو فعلا صريح وياي حجالي عن نفسه وعن عائلته واطفاله هو عايش وي امه

وبعدها اني ضليت ساكته

هو كلي شبيج صافنه افهم انو انتي موافقه
كتله موافقه علئ شنو ؟

كال بلقيس اني اريد تشوفين يوم اقدملج وكلشي يكون بيناتنه رسمي اني نيتي زواج وانتي كلها كم شهر وتتخرجين

اني كتله موافقه و بخجل وابتسمت

كال يمه فدوه للخجلانه وج صارلي 3 سنين انتظر هاي اللحظه واوعدج انسيج كلشي شفتي بحياتج

وفعلا رجعت حجيت ل عمتي وخابرت عمتي هيفاء كالت اليوم بالليل نجيكم اني وعمج كمال

واجوا ب الليل حجيتلهم كولشي عمو كال اي بيها الخير بس خلي اسال عليه ب البدايه خلال يومين نحسم الموضوع.......

وفعلا رجعت خبر ل اركان كتله شغلة يومين كال عمو كمال ونشوف نحدد موعد حته تجون

اركان : اوف وج لولو شوكت تصير حلالي بعد مابيه صبر