بلقيس(18+)

البارت الخامس

ما احس غير ايد انحطت ع جتفي كمت مفزوعه باوعت مره لابسه عبايه اسلاميه وشال اسود شكلها وحاطه مكياج فول ظليت اباوع عليها ل لحظه وكالت انتي منين وليش نايمه اهنا ضايعه من اهلج هزيت راسي نعم
كالت اصعدي وياي ب السياره اخذج يمي ونشوف حل ....
رغم انو شكلها غريب مو راحه ب اضطريت اسعد وياهه لان ماكو كدامي غير حل وفعلا رحت وياهه
ظليت ساكته الطريق كوله وبعد ما وصلنه لبيتها جان ب منطقه اسمها الطوايل ب بغداد
دخلنه للبيت البيت عباره عن بنات كومه ولابسات ملابس عاريه وملابس نوم ومكياج وتدخين
وكولهن يباوعن عليه اني افتهمت السالفه وعرفت هاي المره تشتغل ب تاجير البنات وهاذ بيت مشبوه ياربي اني شسويت بروحي وين اجيت وشلون راح اخلص من هاي الورطه وبعدين اجتي بنيه اسمها هدئ تصيح لهاي المره عمه كلتها اخذي هاي البنيه خلي تسبح وتبدل وجبيها
اخذتني هدئ ردت ادخل للحمام انطتني تراك دخلت للحمام فتحت الدوش وكعدت ابجي واسال روحي اني شسويت خصرت كولشي شلون ياربي تعبت ......
كعدت ابجي واتذكر الي صار ويايه جنت احلم اصير صيدلانيه وهاي تاليها عايشه ب بيت دعاره !!!
خلصت وطلعت لكيت هدئ واكفه منتظرتني ب باب الحمام كالت العمه تنتظرج كتلها هيه شسمها كالت اسمها عمه صحيلها عمه اخذتني لغرفتها كتلها خير عمه كالت تعاي اكعدي واحجيلي شنو سالفتج حجيتلها كل الي صار وياي
كالت انتي لازم متطلعين ابد كتلها لعد شنو قابل ابقه عايشه اهنا صارت عصبيه عليه وجان تصيح بيه ليش عيني شبيها العيشه اهنا نسيتي وين جنتي نايمه قبل شوي اني دنكت راسي صاحت هدئ كالتلها اخذيها خلي تنام يمج
رحت وي هدئ دخلت غرفه ماثثه وكامله بيها 2 سرير وكعدت ع واحد وهدئ كعدت كبالي كتلها انتي من شوكت اهنا؟؟؟
كالت اني اهلي زوجوني اني وصغيره غصب انطوني لواحد بكد ابويه شفت وياه الضيم ومن ضرب واهانات مو بس منه ومن ولده وظليت وياه سنه و ما تحملت اظل اكثر تعبت من العيشه وياه وشردت وتعرفت ع سوزان
كتلها سوزان ؟؟؟
كالت اي سوزان العمه
هزيت راسي يعني كملي
كالت اي ما جان كدامي غير اني اوافق ع اي شي تطلبه مني وجابتني اهنا واتعرفت ع البنات اهنا وعرفت انو هيه تاجر بنات ليل
وانجرفت وياها لهذا المستنقع الي كرهني حياتي ب الزايد بس همي اعيش واخذ فلوس
ضليت ساكته
كالتلي وانتي شنو سالفتج
حجيتلها قصتي كالت وهسه شراح تسوين كتلها اني مستحيل اشتغل هيج دنكت راسها بخجل كتلها لا موقصدي بس ما اكدر لازم اشرد منا هزت راسها لا متكدرين انسي هاذ الموضوع البيت محكم وبس تطلعين من البيت ف متكدرين تطلعين من هاي المنطقه لان كولها شقق مشبوها ومامنه كولش زين وقبلج طلعن ورجعتهن وخلت زلمها يشبعوهن ضرب ويعتدون عليهن
ضليت ساكته ونزلت راسي ب ياس ونمنه وما حسيت غير الصبح تكعدني هدئ الصبح كالت يله لازم ننزل ع الريوك نزلنه البنات بس يباوعن عليه بحقد يريدن ياكلني بنظراتهن سوزان كالت بلقيس تعاي اكعدي يمي رحت كعدت يمها راح يموتن بس يباوعن عليه ب تعجب
ومن كملنه ريوك كعدت وي سوزان وكتلها عمه اريد اطلب منج طلب كالت اي اطلبي كتلها اني ما اكدر ع هاذ الشغل اني مستعده اعيش خدامه اهنا بس ما اكدر اسوي الي تريدي هزت راسه كالت ماشي انتي اهنا تنظفين وتطبخين كتلها ماشي
ومشت الايام واني اشتغل انظف البيت واغسل ملابس واشوف شلون يجون الزلم ياخذون البنات ويرجعوهن وانام ب ليل ميته من التعب وفد يوم دا انظف وجان يجن بنات اثنين يتامرن عليه اني امسح ب الكاع وهنه ياكلن حب ويشمرن ب الكاع وكفت وكتلهن شكو هاي ليش تسون هيج وكامن عليه يضربن بيه ويسبن بيه واني اصيح اجت هدئ تركض ب الكوه خلصتني من ايدهن واخذتني للغرفه ونمت
وثاني يوم الصبح حجيت ل سوزان كولشي بس ما صدكت بيه وسالتهن كامن يحلفن ويبجن وصدكتهن وكالتلي بلقيس بلا مشاكل وكافي سدي السالفه كلت لا هايهيه بنات الليل الي ما عدهن شرف يحلفهن والله ي الله بعد شيصير بيه اكثر ؟؟؟؟
ومشت الايام واني اشتغل وطبعا اتحملت كلامهن السم وغلطهن عليه وع اهلي وكمت اجمع الفلوس الي تنطينيها سوزان حته اشرد من هاذ البيت
وفد يوم هدئ جانت طالعه وي زبون تبات بره واني نمت وحدي ب الغرفه وبنص اليل ما احس غير واحد دخل عليه للغرفه وانقفلت الباب علينه من بره كمت مفزوعه صحت منو اجه يمي وحط ايده ع حلكي حاولت اقاوم بس ضربني وما كدرت اقاومه واغتصبني كعدت الصبح ع صياح هدئ وهيه تكعد بيه وتكولي وج شبيج منو سوه بيج هيج دخلتني للحمام غسلت واني ابجي كرهت روحي ياربي شسوي تعبت
ما حجيت شي ل سوزان لان اكيد مراح تصدكني
صبرت يومين لحد طابت الجروح الي بجسمي وبعدها قررت اشرد وبعد ما ناموا كولهم طلعت من باب المطبخ وطلعت خارج البيت كمت اركض اريد اطلع من المنطقه دخلت ب فرع ظلمه وشافوني ولد سكرانين وكاموا يركضون وراي واني اركض ب كل قوتي لان ادري الي تلزم شراح يصير بيها اتذكرت كلام هدي اركض ...واركض

لحد ما وصلت الشارع حاولت اركض اسرع حته الكه سياره اصعد بيها واخلص من هذوله الي يركضون وراي التفت دا اباوع وراي اريد اشوفهم
وما اسمع خير هورن مال سياره قوي باوعت كدامي بس ضوه مال سياره سريعه جايه عليه وبعدها فقدت الوي

اتمنئ عجبكم البارت
وشاركوني شنو توقعاتكم للبارت الجاي وشنو الي راح يصير وي بلقيس