بلقيس(18+)

البارت السادس

صحيت لكيت روحي ب المستشفئ احس جسمي كله مكسر و وجع قوي اجتي ممرضه وسالتني عن اسمي وكتلها بلقيس. انطتني ابره ب المغذي سالتها شنو الي صار كالت انتي تعرضتي لحادث وصاحب السياره نقلج للمستشفئ وهسه يجي الطبيب يشوف حالتج ..
وره شوي اجه الطبيب وكلي ها بلقيس شلون صرتي كتله دكتور وجع ب كل جسمي وراسي حيل ياذيني دنك راسه ب ياس وكال لازم احد من اهلج يجي للمستشفئ
اني ظليت صافنه لا يا ربي شراح اسوي شلون ادبرها فكرت انطي عنوان عمتي هيفاء اكيد هيه راح تفهمني
وفعلا انطيت رقم بيتها الارضي للدكتور لان هذا الرقم حافظته من واني صغيره
وبعد ساعه تقريبا اني جنت نايمه لان احس راسي ثكيل ما اكدر افتح عيوني اجتي عمتي هيفاء
اني شفتها كلبي فز كتلها عمه
ظلت تباوع عليه عبالك تريد تاكلني بنظراته ؟؟
كلتلي وج نزلتي راسنه وكسرتي وجهي هاي تاليها تشردين من بيت رجلج واني دموعي كامت تجري كتلها عمه هو مروان هم محسوب زوج هاذ مو رجال ما تدرين شصار بيه جنت عايشه ب جحيم وهيه ظلت تصيح عليه و تكول وج مروان كالب الدنيه عليج يكول اله اذبحها اني ظليت ابجي لحد ما فقدت الوعي

وبعدها صحيت شفت عمتي تحجي وي الدكتور وتكوله اكتبلها ع خروج من المستشفئ
الدكتور بس لسه لازمها رعايه!!
عمتي اني اهتم بيها

اجه الدكتور وياه ممرضه سوالي تحاليل وفحوصات كال لعمتي لازم تهتم ب غذائها لان الظاهر صارلها فتره ما تاكل زين عدها فقر دم حاد وكتبلي ع ادويه وفيتامينات وكتبلي علئ خروج من المستشفئ

طلعنه اني وعمتي من المستشفئ احس رايحه للموت برجليه يارب رحمتك متت بعد ما اتحمل
صعدنه اني وعمتي ب السياره سالتها واني عيوني غركانه بالدموع
وين رايحين ؟؟؟
وعمتي ساكته
عمه فدوئ لاترجعيني ل مروان بعد ما اكدر اعيش وياه

جاوبتني عمتي راح اخذج ل بيتي ويصير خير اشوف شلون تخلص وياج

ضليت ساكته الطريق كله بس عيوني ما ترضئ تسكت دموعي تجري وافكر يا ترئ شنو الي صار بعد ما شردت وشراح يسوي بيه مروان بعد ما يعرف اني رجعت واحمد عايش ولا مات واكيد مرته مراح تسكت
احس حطيت نفسي ب مستنقع ما اكدر اطلع منه ولا اخلص روحي ياربي شلون راح تخلص

وصلنه ل بيت عمتي دخلنه وطبعا لكيت بناته يباوعن عليه بشماته

ما حجيت شي صعدت اخذت علاج ونمت !!
اجت عمتي كعدتني كلتلي اريد احجي وياج بس جان بعيونها حزن كتلها عمه كبل لا تحجين اي شي حبابه لا ترجعيني لمروان

دنكت راسه ب يأس عمه وج افتهمي اني ما دايمه الج استري علئ نفسج وارضي ب مروان

انتي هسه عبالج اذا تطلكتي راح تعيشين مرتاحه نظره المجتمع للمطلكه موحلوه اريد كبل لا اموت
اطمأن عليج انفجرت من البجي وكتلها عمه وج يا امان وانتي كاعد توديني للموت بايدج