#ملاذي_الأمن
همس القوارير
البارت الاول
هكذا هي الحياة امور واحداث وقصص بعضها مؤلمه وبعضها مفعمه بالحب والعشق والبعض الاخر مفعمه بالاحزان وبعضها مليئة بالاحساس اليوم قصتي تتكلم عن حب عشيقين اهلكتهم الحياة وافعمتهم بالاحزان ورغم الكل بقي من العشق ما بقى
من صباح الله خير شبيكم يا ماما دگعدوا وراكم دوام علاوي گوم حبيبي رائد والله اخرتنا دگوم يا روحي اوووف منكم اني راح احضر ريوگ الي ميگعد دولكت مي بارد وينزل على راسه اهاااا لحضه وين رايحين اني فاطمه ام رائد وعلاوي وديمه عين السيح واخر العنگود زوجي ابراهيم مدرس لغه انگليزي واني ربة بيت هااا نسيت اگوللكم يدلعوني بطه
فاطمه
ابراهيم دگعد هسه الگاها منك لو من الجهال دگعد يا عيني
ابراهيم
گعدت معوده من الصبح صوتج واصل لسابع جار متگوليلي شنو سالفتج
فاطمه
اوووف متشوفهم ميگعدون والباص راح يجي وهمه نايمين
رائد صف سادس ابتدائي وعلاوي بالثالث ودمدومه بعدها عمرها سنه ونص كملت ريوگهم وصحتهم يتريگون
فاطمه
تعال علوش حبيبي خلي ارتب قميصك والربطه غسلت حبيبي
علاوي
اي ماما غسلت وفرشت اسناني
فاطمه
عفيه حبيبي فديتك والله ورائد حبيبي
رائد
اي ماما كملت
فاطمه
من بعد ما تريگو واخذوا جنطهم وراحوا عالمدرسه بقى ابراهيم گاعد يمي
ابراهيم
اگولج بطه البارحه اجاني جيرانكم قبل ابو فاطمه يگول جنت ساكن يمهم علمود ابن اخته حتى ادرسه خصوصي
فاطمه
ابو فاطمه منو
ما اتذكر واحد يمنا قبل يسمونا ابو فاطمه قصدك يم اهلي جان ساكن
ابراهيم
اي بلي يم اهلج يمكن اسمه رائد البراق
فاطمه
هاا رائد هااا لالا ما اعرفه يا رائد
ابراهيم
شبيج غصيتي يمعوده المهم اني اتأخرت واني هم اعتذرت منه گتله اعذرني ما ادرس خصوصي يلا حبي باي عود سوينا سمج عالغدى مشتهي اليوم
فاطمه
من عيوني
طلع ابراهيم واني بعدني على گعدتي أوكف يا زمن وياك العتاب خذت مني العزيز بغير اسباب اخذته شلون مني ضوه عيوني هذني اوووووووف رجعني سنين ليوره مگدرت اشيل السفره رجعت بيه الذكريات اووف يا رائد اني رايحه للمدرسه صف ثالث متوسط اسمعه ورايه
