#ملاذي_الأمن
همس القوارير
البارت العاشر
جنا گاعدين وخابرت وسن
وسن
الووو بطه
فاطمه
هاا ولج شبيج شصاير ليش تبجين
وسن
امي نگلبت بيها السياره وهسه هي بالمستشفى حالتها خطره
بسرعه رحنا اني وبشرى وزوجها للمستشفى لگيناها مخلينها بالانعاش وحالتها خطره بقينا تقريبا اربع ساعات بالمستشفى طبعا قبل لا نطلع ذبينا الجهال على حماتها قريبين عليها وبقينا ننتضر رغم هي الي دمرتني بس انقهرت عليها وبجيت من طلع الدكتور گال عدها فطر بالجمجمه ولازمها راحه ورجلها مكسوره من الحوض تاخذلها فتره وتطيب بقت بالمستشفى وبقيت وياها انام واداريها ورى اربع ايام طلعناها وضعها احسن بس شافت الموت بعينه اضطريت ارجع لبيتنا بعد تقريبا شهر ونص من زواج رائد بس من رجعت كولشي رجع ذكرياتي طلعت الاوراق الي جان يدزها الي ويشمرها عالسطح والهدايا بجيت وبجيت لحد ما ارتاحيت ورجعتهم وضميتهم بمكانهم ضليت اخدم امي وأمي لا طبه ولا طلعه ولا تلفون فد يوم وديتها للتواليت ورجعتها لمكانها
امي
بطه تدرين اخر الناس جنت اتوقعه يخدمني انتي
فاطمه
مهما يكون انتي أمي
أمي
اني اسفه ماما لان دمرت حياتج اني اسفه لان ما اهتميتلكم وفكرت بس بنفسي جان ممكن اترك ابوكم واتفرغ الكم محد يفيدني غيركم. وتبجي
فاطمه
مصار شي العمر گدامج وتگدرين تعوضينا
أمي
والله راح اتوب تسامحيني ماما
فاطمه
اي ماما اسامحج واني منو حتى ما اسامح
رجعت لغرفتي وبجيت بعديش تطلبين السماح صرتي نقطه سوده بحياتنا والناس ما تنسى الحمدلله على كل حال اهم شي تابت ورجعت لربها ولبيتها وعرفت الصح من الغلط تغيرت صارت حنونه وطيبه وتصلي وما تطلع من البيت ارتاحينه من هالسالفه واني بين فتره وفتره بليل اصعد فوگ اعيد ذكرياتي اشتم هوى وارتاح وبعدين انزل اصعد الگي مكان فارغ وما بيه طعم جانت بيه روح وفرح ودفوا وحنيه صار مهجور فد يوم اني داصعد فوگ واحس اكو فد حركه اني خفت دارجع وكمشني وحصرني عالحايط وخله ايده على حلگي
رائد
اششششش لا تحجين مشتاقلج
فاطمه
دفعته وبعدته عني شكو شتريد جاي اجيت بعد ما شبعت وضربته
رائد
احبج ولا يوم تخيلتها مو انتي وما أكدر انساج وجنت متاكد انتي منسيتيني
فاطمه
لا تخبلني روح لا الم عليك خلگ الله اجيت بعديش عگب ما بديت اتجاوز المحنه عگب اخذت عافيتي وحياتي والله ما تلمسني ولا تتقربلي
رائد حضني عليه وجرني حيل
صايره قويه ومستگويه عليه جنتي تذوبين بين ايديه
فاطمه
ذاك اول من جنت الي وبس هسه لا راحت فاطمه السهله الي جانت تسوي المستحيل حتى ترضيك عوفني داگولك عوفني
رائد
گولي بعدج تحبيني گولي عمرج ما نسيتيني گولي ردت اموت من غيرك
فاطمه
ههههههه والله فطير انت خلاص گتلك عوفني اگولك عوفني اني مو فاطمه الأوليه كولشي بيه تغيير والفضل الك طبعا
رائد
ولا لحضه نسيتج والله انتي عمري ما اعوفج ما أكدر عفتها واجيتج اسبوع زواجي واني يوميه هنا انتضرج وانتي ماكو
فاطمه
انت الي ردتها وانت الي اختاريتها اشبع بيها گوه لميت نفسي گوه استعاديت قواي عوفني لخاطر الله
ودفعته
من عافني گتله
ما اگولك بس كلمه وحده والله ندمه والله ندمه والله ندمه عفته ونزلت جوه قفلت الباب
ونمت بفراشي اي ندمه اي متندمه لان حبيته
والله ندمه
مات جوة الكاع حبــــــك من عكب ما جان نجمــــــة
وشرجي صار العمر بعدك يل جنت بأيامي نسمــــــة
أحنة سبحة وطش خرزهة و ما نرد هيهـــات لمــــة
دنيا جذابـة و وكيحـة و هالوكـت مـا عنده ذمـــــــــة
... و أني حزني الجـــان جاهل من هجركم صـار زلمـــة
ـوآلله ندمـــــة
بيـة وصلت أنسـى أسـمي و ما نســيت بيوم أسـمـــه
و روحي بيني و بينه صارت لاهي يمي و لاهي يمـه
شـما أريـد الزمهة عـنك روحـي ما تنطـيني لـزمــــة
ـوآلله ندمـــــة
حصــدوا ببستان وردك و أنة حـسـرة عـلية شمــــه
و كالــوا المقـسـوم يحصل و أنتضر تجمعنا قسـمــة
و لو سـمعت جــدام مرت كلبـي فرفـح كال جدمـــــه
ـوآلله ندمـــــة
حـسـبت يذكر محــبتي و بالبواجي عيونـه تعمـــــه
و من ينام بغير حضني يصير تابوت على جسمه
بطلــت عينـك بواجي و رضت بشفافك البـسـمـــــة
ـوآلله ندمـــــة
شـمعــي نورته بطريقك و أنته شـمعاتك مظـلمـــــة
و كـلـي يـا نـوم الانامـه و يـاحـلـم كـلـي الاحـلمــــه
و كافي و أنساهم يا كلبي ذولة موش وجوه نعمة
تـكـتـب بـدمـك رسـايـل لـلـي مــا يـسـواش كـلـمــــه
و بـعـد لا تـحـمـدلـك أحـد تـالـي هـم تـحـتـاج ذمــــه والله ندمه
اووف يا رائد من عگب الموقف الي صار وياه حسيت يبقيني للتسليه لان تزوج وصارتله حياته منطيته مجال والسطح ما صعدته بس گوه جبرت نفسي ما اصعد صراع بيني وبين نفسي لو تدري من اعتازلك شسوي بيه العازه تدري شيحس الگلب لمن يريد اعزازه اووف يا رائد ضليت على هالحال ما اكذب عليكم من اتذكره اضعف واحن اله بس ما ردت ارخص نفسي اله حبيت ابقى ذكرى حلوه ومو شي رخيص حبيت اخلي نفسي حسره بگلبه ومو بالسهوله يحصلني جنت يمه وبين أيديه ورفسني واختار حياته جان بأمكانه يوگف بوجه اهله وجان بأمكانه ان يصبر ويگوللهم لو هي لو ابقى عمري كوله بلا عرس ليش قبل بهالسهوله مو كل طير ينوكل لحمه
