#ملاذي_الأمن
همس القوارير
البارت الثالث
من بعد الكتله الي اكلتها محد يحجي وياي لا أبويه ولا اخواني من طلعت دأروح للدوام أصر وضاح يوديني ويجيبني جانت فترة امتحانات من طلعنا شفته رائد ديطلع من بيتهم من شاف وضاح وياي تفاجئ وسوه نفسه ديگعد على عتبة الباب ومدنگ طبعا رحت مزورگه للمدرسه ومنو تسألني من صديقاتي گتلهم وگعت من الدرج ضليت يوميه اروح ويه وضاح للمدرسه هو يجيبني وهو يوديني واشوفه لرائد راد يموت عليه وميگدر يحجي يخاف عليه من وضاح اووف بس اتمنى اگوله اني بدونك ضايعه بالرغم اهلي كولهم وياي بس احس بغربه لان رائد بعيد عني مشتاقتله حيل خلصت فترة امتحانات اخر السنه بالگوه يالله وگعت بدرس واحد لان جانت نفسيتي تعبانه وضغط عليه فما گدرت اجيب درجات طبعا امي شدت وياي من ورى هالحادثه وضليت اني ما احجي وياها واكرهها واحقد عليها بالاول لان دتخون ابويه وثانيا لان حرضتهم اخواني وأبويه عليه وثالثا لان حرمتي من شوفت رائد يوميه اتعارك وياها بس اسكت لان اخاف على رائد خاف تحرضهم يقتلونه كولشي اتوقع منها فد مره هي طالعه گلت خليني اصعد فوگ طگت روحي من گعدت البيت وضايجه لان صارلي عشر ايام مشايفه ملاذي الأمن صعدت فوگ داتمشى بالسطح واشوف حجاره نشمرت عليه وبيها ورقه باوعت لگيته رائد على سطحهم ويأشرلي اخذ الورقه
كاتب بيها
حبيبتي راح اموت شبيج شصاير انوكل گلبي عليج ليش هيج زرگه شنو ضاربينج گوليلي شصار دروا بعلاقتنا وضربوج گولي اشريلي براسج رفعت راسي وأشرتله ودموعي صبن هو گام يضرب بالحايط ويمه كرسي شاله ورگعه بالگاع وضل يروح ويرجع بالسطع واني اباوع عليه وابجي هو شفته لاول مره اشوفه دموعه نزل كتب ورقه وشمرها عليه
فاطمه اريد اشوفج اريد حل خمس دقايق وارجعج اشرتله براسي ما أگدر يذبحوني
ضل محتار يروح ويرجع كتب ورقه وگال بليل صعدي للسطح اريد اشوفج اشرتله أي نزلت لگيت امي بعدها مجايه قبل المغرب بشويه اجتي طبعا گالت رايحه للسوگ اجتي كولشي مجايبه عرفتها مجانت بالسوگ جانت طالعه الله وأعلم ويامن ضليت اكل بروحي الي ديصير ما أگدر اتحمله هي صح امي بس لو ينطوني گلاص دم منها اشربه على الحقد الي حقدته عليها هنوب زادت بسوالفها وشدت وياي كولش اذا ابويه لو اخواني موجودين تصحيح عليه صيحوا لختكم هاي ام الولد ام الدروب ختجي تسمم بلكت الله ياخذها كول حجيها هيج وياي حياتي جحيم بالبيت منبوذه ومكروهه من قبل الكل بس خواتي يحبني لان يعرفن بيه مضلومه وساكته صارت دنيا ليل وكلمن نام بغرفته بعد ما أمنت الكل نام امي طبعا راحت للديوان تخابر واني على اطراف اصابيعي صعدت وفتحت السرگي وسديته للباب حتى محد يحس توني فتت للسطع ولزمني رائد
فاطمه
يمه عزه شجابك هنا شلون طفرت
رائد
بعد ما اتحمل مشتاقلج
فاطمه
رائد الله يخليك وربي ما اتحمل ضرب بعد اني جسمي ميتحمل مو مال ضرب
رائد
وين ضربوج براسج وباسني بخدج وباسنس وبأيدج وباسني والله اسف كله بسببي ما اعرف شسوي منو ضربج وضاح ومنو گاله
فاطمه
سالفه طويله تعال نگعد اسولفلك امي طلعت تدري بعلاقتنا وگالت لبابا ولوضاح وهم ضربوني وضل وضاح يوديني ويجيبني للمدرسه يخافون لا التقي بيك
رائد
والحل شنو
فاطمه
والله ما أدري
رائد
لازم اجي اخطبج
فاطمه
مو هسه لازم الامور تبرد يم اهلي لان مستحيل ينطونك هسه
رائد
وشلون ما أكدر اتحمل
فاطمه
اصبر حبيبي لحد ما اكمل وانت تكون نفسك سنه هيج واني الك وما اصير لغيرك وعد مني وما يفرقني عنك غير الموت
رائد
والله خايف لا اخسرج خلينا نحلف ونشد راية العباس على الي يخون
فاطمه
وحق ابا الفضل العباس يا رائد ما اعوفك لحد ما اشوفك انت مترديني
رائد
وحق ابا الفضل العباس ما تحلالي ولا احب مره غيرج
خلاص هذا العهد بينا مدى الحياة وما يفرقنا بس الموت
فاطمه
ربي لا يحرمني منك والله هالايام الي مرت عليه جحيم لان مشفتك
رائد
واني مشتاقلج كومه دتعاي لحضني
ما انكر الي اسويه غلط وما انكر الي اسويه حرام بس ما أگدر امنع نفسي لان أحبه جانت بينا بوس واحضان بالرغم ادري بيها غلط بس جنت ما أگدر امنع نفسي عنه احبه اكثر من امي وابويه واخواني احسه هو أهلي وناسي معوضني عن الكل هو ملاذي الأمن مرت ايام وليالي امي على حالها واني ورائد كول خميس نلتقي بالسطح ويوميه اصعد يشمري ورقه غراميه جنت اخذ الاوراق واضمها ذكرى لأولادنا
