#ملاذي_الأمن
همس القوارير
البارت ١١
بقيت اشهر على هالحاله وبديت اتناسى بس ما نسيت اتقدمولي اثنين ورفضت لان امي دائما تعبانه اختي وسن تزوجت وزوجنا وضاح همين وكبرت وصار عمري ٢٣ سنه فد يوم همين دأمشي وشفته لرائد هو ومرته وبنته اني دافوت بالبيت ما ادري بيه اسمع شخص يصيح بطه بطه تعالي التفت ولگيته هو ومرته وديصيح على بنته راحت عليه حضنها وشالها وباسها وامها دترتب بشعرها وهو عينه عليه ابد منزلها اني همين ما انكر ضعفت من شفته مسميها على اسمي لان ميريد ينساني ضليت واگفه بمكاني اباوع بعيونه نفس الشوگ ونفس الولع بس بحزن مو بفرح هذه اخر مره التقت بيها عيونا وهذه اخر مره شفت بيها رائد وهذه اخر دمعه تنزل بيها من عيوني عليه دخلت البيت تعبانه غسلت ونمت بفراشي تعبت من الدنيا ادري ما عندج غيرج تزيدين همه اوووف گلت خلاص صارتله حياته وعائلته وتذكرت راية العباس الشديناها بس اني مخنت هو الي خان گلت لازم اتزوج واشوف حياتي بعد خلاص تعبت بقيت فتره تقريبا على هالحال بيت اهلي ومن اضوج اروح افتر على خواتي نطلع ونغير جو ورى شهرين تقدملي ابراهيم مثل ما سولفتلكم عنه شافني بعرس صديقتي ونعجب بيه وحباني اكبر مني ١٠ سنوات انسان حباب وعملي وجدي بحياته الصح صح والغلط غلط بس عصبي حيل موتني بعصيبته بس نفسيته حلوه ومدللني وبيتي لوحدي اول سنه تزوجت بيها حملت وگلت اله اسميه رائد اخليه ذكرى ألي ذكرى حلوه من اتذكرها ترد روحي مو خيانه بس مجرد احساس براحه لان هو ماضي صنت زوجي وحياتي ولو ويرجع بيه الزمن حبيت اكون بحياته لو ألي لو ماكو اني هيج انانيه بحبي واحب امتلك الشي المهم كوله قسمه ونصيب لحد الان باقيه الرسايل والهدايا بيت اهلي ضامتهم بنفس الجنطه بس مجنت اشوفهم بس اتفرج عليهم من بعيد واتاكد اءا بعدهن نفسهن جنت قويه وتحملت كولشي واهلي شالو ما بقوا بنفس مكانهم وسمعت رائد صاير عنده تلاث اولاد وبنيه ويعاني من زوجته لان ما مرتاح وهامله نفسها وسمعت الف حسره والف أه يجرها من يتذكرني ومتندم لان ما تزوجني خليه يضوگ الي اني ضگته وعانيته امي تابت الحمدلله وصارت حياتها توبه وعباده بس ابويه مع الاسف وكل الاسف لا يحل ولا يربط ولحد الان يشرب وينام واخواتي كلهم مرتاحين بزواجهم واخواني همين تزوجوا وكونوا عائله وگاعدين نفس بيت اهلي لحد ما فد يوم اني گاعده اتفرج عالتلفزيون بغرفتي ودگ موبايلي رقم غريب جان بيه طبع اذا رقم غريب انطيه لبراهيم يجاوب واذا مموجود ارفعه ومن اسمعه صوت بنت يلا اجاوب بالاول مجاوبت بعدين شفته يلح جاوبت
الووو بطه
فاطمه صوت رجالي هذا يعرفني
نعم منو وياي
اووووف يا عشگ الصبى اوووف يا فرحة عمري
فاطمه
رائد
بلي رائد الي عمره ما نساج ولا راح ينساج ولا دقيقه
فاطمه
شذكرك بيه عگب هالسنين
رائد
وربي ما نسيتج ولا لحضه بطه لسه حبج يحرگ بروحي حرگ
فاطمه
كبرنا على هالسوالف واني متزوجه
لا تعيد الماضي
رائد
وربي ما رايد منج شي بس اسمع اخبارج مرتاحه انتي
فاطمه
من شوكت تهمك راحتي
رائد
تعرفين شصار بيه من تزوجت لليوم وربي اكل انتي وياي وانام انتي وياي وسميت بنتي الوحيده على اسمج فاطمه وبالگوه لگيت رقمج ردت اسمع صوتج
فاطمه
خلاص رائد هالحجي حرام ميجوز احنا اثنينا متزوجين واثنينا عدنا عائله
رائد
مراح اخذج من عائلتج بس گولي شنو عندج اطفال انتي مرتاحه
فاطمه
رائد شنو تريد لا تعبني وياك خليني عايشه حياتي
رائد
لا والله مراح اهدم حياتج بس اسمع اخبارج
