#ملاذي_الأمن
همس القوارير
البارت الثاني
من نسحبت للغرفه والغرفه ضلمه بس بيها شباك عالشارع ويجي منه ضوه شفته رائد قفل الباب وحصرني وحضني عالحايط
فاطمه
عزه رائد هاي شنو لا بربك لا تفضحني خليني اطلع لحد يحس علينا
رائد
من الصبح انتضرج ودعيت يومي كوله ان تنزلين لوحدج وراحن عيوني واني مراقب الدرج وتردين اعوفج لا حبيبتي ما حزرتي
فاطمه
رائد حبيبي والله شيگولون عليه واني طالعه من غرفتك
رائد
يگولون الي يگولونه اني احبج واموت عليج وانتي مرتي وبنتي وروح روحي ومن غيرج ما اعيش
فاطمه
وانت حبيبي وحياتي شوكت رب العالمين يجمعني وياك بهالغرفه ونعيش سوه
رائد
ان شاءالله يارب باعي اني داشتغل ويه ابويه وينطيني يوميه داجمع نيشانج ومهرج بس مو تطلبين عالي هههه
فاطمه
وانت شنو تشوفني ما استاهل
رائد
اصلا شنو اقدملج قليل بحقج لو احطلج القمر والنجوم هم قليل بحقج
فاطمه
فدوه اروحلك والله لا اريد مهر ولا اريد من الدنيا شي بس انت دخليني اطلع فدوه لعينك والله ممرتاحه
رائد
قبل لا تطلعين تعالي اشوفج غرفتي
هم حالتهم الماديه كولش زينه من شغل الاضويه شفت سرير ابو نفر وعليه شراشف سمائي كولش مرتب وكنتور ابو بابين وشمعه ملابس وميز تواليت صغير وميز الخ عليه تلفزيون وستائر مثل الشراشف
فاطمه
والله حلوه وكبيره تكفينا من نتزوج
رائد
ههه اي تكفينا وهذا السرير ما اغيره حتى نبقى واحد حاشگ بالخ
فاطمه
ههههه متجوز من سوالفك ديلا شوفلي الطريق خلي اطلع راح تخلص الحفله
رائد
ليش مستعجله والله ما شبعت منج احبج يا عمري
وباسني من خدي
دفعته عني
فاطمه
رائد فدوه والله خايفه دروح شوفلي الطريق خلي اطلع
رائد
ماشي يا جبانه لسانج شطوله وتخافين
وراح شافلي الطريق امان وباسني وطلعت من الغرفه وحتى المي نسيته ما اخذت لخواتي
