#ملاذي_الأمن
همس القوارير
البارت التاسع
من خلتني وطلعت بشرى گعدت افكر معقوله الي حجته معقوله هسه هو متونس واني شايله الهم والله ما ادري اشو تعبت بس من التفكير اه يا قهري معقوله يرگص وياهم ومتونس خابرت على وسن
فاطمه
الو وسن شلونج
وسن
هلو بطه شلونج هسه
فاطمه
الحمدلله اطلب منج طلب فدوه عمرج ما وگفتي وياي بس هسه اريدج وياي
وسن
والله اني احبج والي تردينه اسويه
فاطمه
باجر عرس رائد واريدج ترحين ومتخلينه يشوفج اوكي
وسن
ليش بطه والله ما اشتهي اروحلهم عگب الي سووه
فاطمه
لا فدوه روحي وگولي لأمي فاطمه گالت اريدج تشوفينه لرائد متونس لو مقهور بس لا تخلينه يشوفج وتحجيلي الصدگ الي يصير بالتفصيل
وسن
ماشي حبيبتي اروح ان شاءالله
الليل منمته افكر بكلام بشرى معقوله الي تگوله صح انتضر لباجر واشوف شنو يصير گوه غفيت ونمت ثاني يوم الصبح گعدت على هوسة البنات طلعت لگيت بشرى دتنضف المطبخ بقيت اساعدها بس ايدي متاخذ شغل اشتغل بدون وعي ولا فكر شسويت بيه يا رائد خليتها دتطبخ ورحت خابرت وسن وأكدت عليها تروح اليوم وهي گالت لا يضل بالج اروح تغدينا وكملنا وبقيت ألوب على نار وجمر اووف شيخلصه الوقت وبنفس اللحضه ما اريده يخلص چنت اخاف اذا يجي الليل ويزفونه وتنام بحضنه وجنت اريده يجي حتى اعرف هو صدگ فرحان لو مجبور المهم انتضرت منا لحد الليل انتضر وسن تدگ عليه ضليت اروح وارجع وتالي گابلت التلفون وکعدت خابرت عليها گال وضاح بعدها ما اجت ورى تقريبا نص ساعه دگت عليه
وسن
الوووو
فاطمه
هلو وسن هاا بشري
وسن
انطيني مجال
فاطمه
احر ما عندي ابرد ما عندج دحجي وفضيها
وسن
تدرين الصدگ والله متونس ويضحك وباس العروس من راسها وابشرج العروس تخرع سمينه صح بيضه بس عدها اسنان بارزه يعني كولش محلوه
فاطمه
المهم تزوج حلوه لو محلوه وفوگاها فرحان
وسن
