#ملاذي_الأمن
همس القوارير
البارت السابع
امي
شعجب اليوم مغبشه شنو البارحه ما عندج سهره
فاطمه
لا ما عندي
امي
اني راح اطلع عود غسلي مواعين
فاطمه
انتي ما تشبعين من الطلعه حسسينا انتي امي حسي بينا شوي ما تملين ولا تجزعين
امي
وسم ان شاءالله صاير لسانج طويل وينرادله گص
فاطمه
اي ينرادله گص واذا انتي مره گصيه
امي گامت وضربتني راشدي
فاطمه
تضربيني عبالج اسكت لو ارضى لو تقتليني وتخلينهم يگطعوني وصل هم ما اسكت اني تعبت منج
امي
اطلع احسلي الحجي ضايع وياج
فاطمه
اي روحي احسلج بعد دمري حياتنا بعد وبعد فكري بس بروحج حطميني فوگ ما اني متحطمه انتي مو أم مستحيل انتي ما تنحسبين ويه الامهات
أمي
شجاج اليوم تخبلتي امشي من وجهي ما اريد اشوفج لا ابتلي بيج
عافتني وطلعت اوووف يا ناري منو الي يطفيها رحت لغرفتها كسرت كل عطورها ومكياجها كل شغلاتها عالميز كسرتها اجتي يسرى وسن يركضن
يسرى
شكو شصاير شبيج
لزمتني وطلعتني بره دست عالگزاز ونجرحن رجلي
وسن
شبيج تخبلتي والله اله تجي امي واگوللها
داروح اكتلها ولزمتني يسرى وغسللتلي وطلعت الكزاز من رجلي وانطتني حبوب ڤاليوم حتى تهدى اعصابي وانام ورى ساعه نمت بعد ما حسيت بتعب وارهاق احس دمرت اعصابي وما گعدت اله وكت العصر جابتلي يسرى اكل واكلت وما طلعت من الغرفه امي طبعا راجعه للبيت وشايفه كولشي وساكته تخاف تعاركني وابوي ووضاح موجود تخاف لا افضحها مرت هيج الايام لا طعم ولا ذوق بس بقينا اني ورائد كل خميس نلتقي بالسطح ساعه يشاقيني وساعه يحبني وساعه ننقهر على وضعنا وندور حل ومرات يجيبلي وياه دب وشغلات ورد وجابلي گلاده عليها گلب مقسوم نصين واحد يمه وواحد يمي قررنا ما ننزعها طول العمر جنت كول شغلاته الي يجيبها الي والي متعلقه بيه اضمها عندي بجنطة سفر خالتها فوگ كنتوري رسايله واروراقه الي يشمرهن الي من السطح والدببه والورد الي يجيبه واساور وگلايد وعلى مرتين جابلي ساعه ومرات ينطيني مصرف يگولي انتي مسئوله مني ضلينا هيج فتره طويله وقررت يسرى تتزوج هي وفهد وجان احتفال جبير وكولش حلو بقيت ابجي عليها هوايه منو ألي غيرها ومنو عندي غيرها تركتنا وراحت يسرى وعافتني بهمي ويه امي ووسن ووضاح وأبويه وكلهم ما يحبوني والسبب امي لان حرضتهم عليه عدت فتره يوميه عركه ويه امي ما أكدر اتقبل الوضع مستحيل لازم الگي حل ما اتحملها هالشكل فد يوم اجاني رائد
رائد
بطه امي اصرت عليه لازم اتزوج بنت اختها المرحومه وخيرتني بينها وبينج وتعاركت وياهم ومقبلت
فاطمه
لا رائد فدوه اروحلك والله ما اتحمل رائد اموت
رائد
وربي غصبن عني گولي شسوي هذول اهلي وامي وابوي واخواني كلهم ضدي صدگيني مو بيدي
فاطمه ومنهاره من البجي
لازم ترفض اترجاك ترفض والله تموتني ودمر حياتي
رائد
حتى لو تزوجت ما اعوفج
فاطمه
لا ما اگدر ابقى وياك لو اني لو زواجك من بنت خالتك
رائد
الاختيار صعب بطه رحميني والله ما اگدر على الاثنين امي البارحه تخربطت من رفضت وغضبت عليه
فاطمه
واني منو يرحمني رائد اختار لو اني لو بنت خالتك
رائد
خلاص الي بينا انتهى واختار بنت خالتي انتي جبرتيني
فاطمه
وأني
رائد
انتي روحي ودنيتي غصبن عني قسما بالله
فاطمه
الي ديصير هوايه ما اگدر اتحمله هيج بهالبساطه عشرة عمر تروح
رائد
انتي انطيني حل اتزوج وما اعوفج
فاطمه
مستحيل ما اقبل لو ألي لوحدي لو كلمن يروح لطريقه
رائد
اني اسف وهذا اختيارج واني احبج
تدرون شنو حالي وكتها شايفين الي بانيله بيت احلام ومخلي بيه كول املاكه وكل حياته وديشوفه يوگع گدامه وهو يتفرج ومبيده شي يسويه هيج جان حالي تركني واگفه بمكاني ويلتفت عليه عباله راح اصيحه خلاني وراح نزلت واني محطمه كليا نزلت واني ودعت الفرح لاخر مره بحياتي نزلت وتركت ملاذي الامن وعفت كولشي حلو منو ألي ومنو يواسيني وين اروح اباع بالبيت فارغ اريد شي اسويه واحطمه وادمره ماكو يمي شي طلعت للحديقه واني مدمره كوليا رحت اخذت ٣ حبوب ڨاليوم حتى تهدئ اعصابي لا مو قصدي انتحر بس ردت اهدئ شوي سلمت امري لله ونمت بأرض الحديقه وابجي بحرگه حتى لا احد يسمعني ويحس عليه وهو اصلا محد حاس بيه ما اعرف شنو صار بيه وكتها انهارت اعصابي وتدمرت اوووف شلون اصبر شلون اتحمل شلون اواسي نفسي شنو الكلمه الي اواسي نفسي بيها اووف ياكلمة صبر معناها موت بلا حجي
