#ملاذي_الأمن
همس القوارير
البارت ١٢. والاخير
فاطمه
عندي رائد وعلي وديمه
رائد
مسميته على اسمي رائد
فاطمه
اي ردته يبقى ذكرى حلوه بحياتي واتمنى ما تخرب
رائد
لا تخافين ما جيت اخرب حياتج اني حبيت اودعج
فاطمه
ليش وين رايح
رائد
راح اطلع اسكن بالخارج اخذ عائلتي واروح
فاطمه
انت مرتاح بحياتك
رائد
لا والله من عفتج ما ارتاحيت ولا يوم تزوجت بنت خالتي ونسلبت راحتي يوميه تتعارك ويه امي وخواتي لحد ما امي گالت اطلعوا من البيت ما اريدها وانت بين فتره وفتره تعال زورنا وتندمت لان ما خذتج ألي يوميه تگولي لو ماخذه بطه احسن هذه حوبتها وعزلت بيها بيت لوحد ويوميه مشاكل اهلك حجوا عليه يم فلانه ويم علانه مشاكل الها اول مالها اخر بس الجهال كسرو ضهري وخلاص قررت اطلع من العراق واعيش حياتي بلكت ينصلح حالها بس ما اتصور لان حوبتج وراي
فاطمه
الله يساعدك ويسعدك والله اتمنالك السعاده
رائد
من گلبج
فاطمه
انت مو تعرفني تگدر تعرف من گلبي لو لا
رائد
اي والله محد يعرفج غيري فاطمه ابريلي الذمه الله عليج والله حوبتج معايفتني لان انتي فقيره واني ضلمتج
فاطمه
خلاص رائد مبري الذمه انت والديك وربي يسهل امرك هذا أمر رب العالمين ولازم نرضى بيه
رائد
مشكوره يالغاليه وربي يحفضلج اولادج لسه غصه بروحي من اتذكرج بس الدنيا ما ساعدتنا توعديني تصيرلي بالجنه
فاطمه
تواعدنا من قبل تذكر وشدينا راية العباس وافترگنا
رائد
عسى ولعل نلتقي بالجنه لسه نفسي بيج وما تحلالي غيرج
فاطمه
الله وياك ونلتقي بالجنه ان شاءالله
رائد
اي والله هذا املنا نلتقي بالجنه ديري بالج على نفسج وربي يحفضج
فاطمه
وانت دير بالك على نفسك وبيتك واولادك وربي يسعدك
هذه اخر كلام بيني وبينه وسمعت مسافر للنمسا ومستقر هناك ووضعه تمام واني عايشه حياتي بحلوها وبمرها وهبت حياتي لزوجي وأولادي ورائد انتهى من حياتي
الى هنا نهاية قصتنا الى هنا تنتهي مسيرتنا مع بقايا احباب فرقتهم الحياة بأمل ان يلتقوا بالجنه لا في الدنيا الفانيه اختارو اخرتهم على دنياهم واحترم كل منهم رأي الاخر هو هذا الحب الحقيقي لا ان أدمر حياة من احب بوعود واحاديث كاذبه لا استسلام لرغبات شخصيه وشيطانيه تودي الى التهلكه عاش كل منهم حياته وبقى على حاله الى الان ارادو ان يبقى حبهم طاهر وتلتقي ارواحهم عند بارئهم هذه هي مكافئتهم ان يلتقوا في جنات الخلد قبل ان نرتكب الاخطاء يجب علينا ان نفكر في عوائلنا في ابنائنا وفي بناتنا فان غلطت المرأة بقيت نقطة سوداء في حياتها والناس لا تنسى فلنكن حذرين ونستعذ بالله من الشيطان الرجيم ونسلم امرنا الى مدبر الامور رب العالمين ونحن نختم هنا قصتنا بانتضار ارائكم وتعليقاتكم ودمتم سالمين
