البارت الرابع عشرررررر
طلعت من المطار ورحت للدوام واول ماوصلت للمكتب
دكو الباب
...ادخل
.... مساء الخير سيدي نجيبهم
....دخلهم
دخلن ثلاث نسوان وياهن ولد يطلع عمرة 17سنه من هذوله الي موكف شعرى وحواجبه رفيعه
ولابس أسوارة بيدة
وندكت الباب مرة ثانيه.
..ادخل
....هلا نقيب رفعت ادخل.
...جابوهم
...اي شوف شكولهم
....حثالات
..اكعد
باوعت على النسوان اشرت على وحدة كصيرة وسمينه
...انتي شنو اسمج
....سميه
...شكد عمرج
...43سنه
....ها بيبي يعني
شصيرين منهم
...خالتهم
....هذوله اخوة
...اي
باوعت على وحدة منزله راسها ولابسه عبابه
....انتي شنو اسمج.
...وردة
....لامبين عليج وردة
الثالثه جانت. راسمه على جسمها والحواجب عبالك مال شيطان
ولابسه كومه حلقات بااذانها
...اي سولفولي شلون قتلتو الضحيه حسام
...احنا معلينا
....انت اسكت خلي خالتك تحجي عيب تاخذ دورها على الاقل احترم وجودها
....ههههه اي والله ياهشام مديحترم وجود خالته
...اي ست سميه شلون قتلتو
....مو احنا قتلانا.
،...يعني مناوين تعترفون اوكي
خلي اشوفلكم واحد يرتب وضعيتكم
....اني اكلك
....اي وردة مو اسمج يله احجي داسمع
.....رنين اختي واشرت على ام الحلقات الي باذانها تعرفت على حسام بالتلفون
وبعدها بدو يتقابلون وصارت بينهم علاقه وهوجانت حالته الماديه زينه وبدت يصرف عليها وينطيها فلوس
خالتي كالت خلي انجبه للبيت ونخطفه ونهدد اهله وينطونا فلوس رتبو الوضع واتفقو بينهم
بس اني ماجنت اقبل بس هددوني وسكتت
واضطريت اسكت الي صار انو رنين خابرته وكالتله اهلي مو بالبيت تعال
وهو شويه واجى حتى جان بالدوام وطلع من الدوام واجى
وخلتله منوم بالشرب مالته ولمن شرب بعد كام ميسيطر على نفسه
وكع من طوله وبعدها خالتي كالت اجيب واحد هي تعرفه هيجي ضخم ويخوف شكله حتى تخوف بي حسام
وصدك سوو الي رادو وشدو حسام وخابرو اهله وكامو يهددوهم بي
واهله خلال كم ساعه اتفقو ويا صديق خالتي على الفلوس ورتبو الوضع واخذو تقريبا خمس دفاتر
وكالو اذا نعوفه مراح نخلص هو عرفنا
ضربو اربع طلقات بالمسدس مال صديق خالتي حمزة
ورا بيتنا اكو قطعه جبيرة فارغه حفرو بالليل ودفنو هناك
..هو مزوج مو
....اي عندة اربع جهال
...وين وديتو سيارته
...صديق خالتي اخذها
....وتاليتكم انكشفتو الجوارين شايفيكم ومبلغين عنكم
اريد افتهم ليش مو حرام عليكم انسان تقتلو وتساومون على روحه علمود كم فلس
وبعدين تقتلو ودفنو بخرابه وانتو خلك نسوان وهذا شبه بنيه
وياكم شنو هالقابليه ولج انتي شكد عمرج انتي ام الحلقات بااذانج
....17سنه
...الله واكبر
....17سنه وكعتي هيج رجال شكبره
والله لااشوفكم ايام اسود من وجهكم
تعالو طلعوهم وشوفوهم انو الله حق
...اي سيدي
..ها هشام شو نفعلت كلش احنا يوميه تمر علينا هيج حالات
...مويجوز احنا بمكانه
....الله يبعدنها عن هيج شكول ليش شعبالك هذا درب النسوان
اكو غضب الله مونسوان واحد يبتعد عنهن وعن دربهن ويقنع بلي عندة
.سكتت لان الحاله الي شفتها يمكن هي من ضمن فد ميت حاله اشوفها بشغلي
بس حسيت مستني بشي
يمكن اني لو متعرف على وحدة مثل هذني جان تاليتي انقتلت ونذبيت بالخرابه اول مرة افكر بيها من هذا المفهوم انو المفروض الانسان يتعض من الاشياء الي تصير كدامه
ميت الف فكرة ودتني وجابتني
دورات نظل نمشي بالغلط حتى لو احنا نعرف هذاالشي موصح بس تجينا صدمه
وتخلينا نصحى على زمانه
واني خلال كم شهر حياتي نقلبت رأسا على عقب
اوف اوف كلش دخت اليوم عبالك اول قضيه تجيني من هالنوع ولان صارلي فترة ملتهي بنفسي وبس
خلصت دوامي طلعت ورحت للبيت شفت منار مسويه غدة
وكلش طبيعيه وياابويه وابويه وياخذ وينطي وياها بالكلام
واول مادخلت تلكتني
...حبيبي الله يساعدك
...الله يسلمج
...يله حبيبي روح غسل وبدل ملابسك دنتغدى
اني وياك وعمو
باوعت على ابويه غمزلي وضحك
هزيتله راسي
صعدت غسلت وبدلت ملابسي ونزلت جوة
تغدينا وشويه كعدت يم ابويه
وسولفتله على القضيه الي اليوم اجتني
وبعدها نمت شويه وبدلت العصر وطلعت
رحت للمكان الي كلتلي عليه وسن
نزلت من السيارة وكفت بصفها باوعت منا منا
مجان اكو احد دكيت عليها مجاوبتني اني اعتقدت عدها لعبه تريد تسويها
وكفت وانتظرت قريب الربع ساعه
سمعت صوت منداريت
باوعت بالمرايه جانت بس هي. وحدها
اجتي تقربت مني وكفت كدامي
جانت لابسه حجاب وهي قبل مجانت محجبه
شكلها حلو كلت بكلبي انت صدك ماعرفت وحدة محلوة بس جنت ناوي اكمشها واسوي بيها مثل مسوت برواء
...شلونك
....شتريدين
...اريد اشوفك
...ها تشوفيني
..اي
...شضامتلي وسن غمزتلها بمكر
شتريدين اسوين كوليلي
....مااريد شي خلي نروح نكعد هناك على المصطبه
....اوف احجي مو مال كعدة وسوالف عندي شغل
.... شويه ميفرق عندك
مديت يدي يعني امشي كدامي
مشت ورحنا كعدنا على المصطبه
...اي احجي.
...شخبارك
....احجي خلصيني بعد شخبارك وشلونك وانتي مسويه مصيبه صدك ماخفتي مني
.....لعد انت ماخفت مني
....هههه دشوفين هاي المنطقه كلها مؤمنه يعني انتي مطلعين منا فلتعبين نفسج اختصري
....اي عادي
اي نقهرت على مرتك لولا ردت اشوفك شلون صعب تاذي بشر وتوجعا وتخلي ينام ويكعد على كابوس
مزعج
....وين تريدين توصلين بهالحجي الزايد الي مابي معنى
....تعرف شكد حبيتك اني اول يوم شفتك اجيت للكليه
من دخلت انت اني باوعت بوجهك وكفت الدنيا وصارت كأنما شاشه سودة بس انت الي دتتحرك بس انت الصورة الي دتنبض من وسط هذا السواد
كله
انتبهت انت عليه دباوع عليك ابتسمت بوجهي
كلبي وكف وبعدها دخلت جوة للجامعه وبعدين طلعت
وباوعتلي
ولمن شفتك انداريت ورحت نقهرت حسيت عبالك صار سنين اعرفك وهسه رحت مني حتى صديقاتي كالولي تخبلتي
ومنهن الضحكت وكالتلي لو اني الا اركض ورا
اخذت عقلي من اول مرة شفتك
وبعد يومين شفتك باب الكليه ونزلت ودخلت للكليه تقصدت اتأخر حتى اشوفك من تطلع وهم شفتني من طلعت بس هالمرة انت تقربت مني
وحجيت ويايه ولحد الان اذكر مشيتك وخطواتك وكلامك ونظراتك
وكلتلي بوقتها
.....صباح الخير
ورديت كتلك ...صباح الخير ات
كتلي (((شكلج مميز وظل بالي من اول مرة شفتج
تشبهين وردة الكاردينيا
ابتسمت بخجل
وكتلك ليش
..لان من اول مانشوف هاي الوردة الجميله لرفيعه الذوق
نحس بالنقاء بالنسمات الي تتراقص على اطراف اصابعنا من شدت الجمال والاعجاب الي نشعر بي
وضحكتلي ضحكه كلش جذابه
وكتلي فرصه سعيدة وعفتني ورحت
حسيت نفسي راح اتخربط وكلبي يريد يطلع من صدري
ودعيت ربي اشوفك مرة ثانيه
ولمن رحت ودخلت للمحاضرة طلعت ورقه وقلم وكمت اكتب الكلمات الي كلتها الي
لحد ماانتبه عليه الاستاذ وحجه عليه
بس جنت سعيدة والدنيا ماسايعتني
جنت اول سنه ادخل كليه ومحبيت من قبل وبعدها شفتك واخذت رقمك واتصلت بيك
وكمت اتنفسك مثل الهوى مثل المي اذا منشربه نموت
كامو يخطبوني ومااقبل وقفت حياتي عليك
انتظرتك وانتظرتك وانتظرتك لحد مامل الصبر مني
لحد متعب تعبي حبيتك
ماكدرت اشوف غيرك كلما اكعد وحدي اذكر من اكعد وياك بمكان وانت متباوع بعيني
جنت اكلك ليش مجاوبني
هسه عرفت انو انت متباوع عليه لان عينك تكذب
لان مابيها احساس الي ثلث اسنين وياك
جنت دائما غامض ومتحجي شي عن حياتك
بس حبي خلاني عميه وثوله وغبيه فسكتت جنت يكفي اسمع صوتك واشوفك كلما تريد و كلما اشوفك احسك ضايج
جنت اكول يجوز شغله اقنع نفسي تلث اسنين
واني انتظر منك كلمه وحدة
ثلاث سنين واني انتظر دكلي اجي اخطبج
وبعدها عرفت مزوج وهم قبلت وكتلك مو مشكله اصير مرة ثانيه بديت تبتعد عني ودكلي مااكدر
شوفي حالج ثلاث سنوات موقف حالي هسه تريدني اشوفه
كمت اريد اشوفك بس لحظات حتى احس روحي تتنفس احس بيه روح
وانت جنت ترفض
كرهتك بس رجعت حبيتك وهم رديت كرهتك
ردت اتحمل بعدك ردت ابتعد عنك واعيش حياتي واعوض الفات بس ماكدرت صرت مثل المخبله
ادورك بكل مكان بكل الناس بكل دكت باب بكل نفس
بكل صوت بكل ذرة احساس
بس مالكيتك وانت ماحنيت
عشرتي صارت مثل التراب الي نداس بالرجل
ردت انتقم منك بااي طريقه
تعرف شسويت دزيت اثنين على مرتك حتى يضربوها ويحركون كلبك
مثل ماحركت كلبي بس اعرف هي مالها ذنب بس ردت اشوف حركت دمك
بس ماكدر كلبي مينطيني من اشوفك كلبي يصير مثل الطفل
جانت
هي تحجي واني اباوع عليها واشوف حركاتها وملامحها الي تتغير ويا كل كلمه
وحسيت بكل كلمه كالتها وكاانما سجينه ودتدخل بكلبي
...ساكت ياهشام ساكت لو جرحي ماهمك
...اسف
...ههههه الله اول مرة اسمعك دكولها معقوله انت مجروح
وكمت تحس مثلنا
...بس كل هذا مومبرر للي سويتي يعني تعتقدين لو صاير شي بعائلتي ارحمج
...لو اريد أذيهم جان اذيتهم بس جنت اريد اضوجك واحرك كلبك لااكثر
واني وصلت لغايتي اول مرة اشوفك مهزوز
اني احسك بدون متحجي
لان اني حبيتك بكل قطرة دم بيه
اذا تريد تكمشني فااني كدامك وهياني بس لتلعب على بنات الناس صعب ادوس على انسان عندة مشاعر وتاذي شكد ظلمت وشكد جرحت
...وسن اني اعتذر عن الثلاث سنوات الي ضاعت منج
بس انتي هم غلطتي لتنكرين
واني اتمنالج تلكين النفس الضايع منج
مراح احاسبج بس هالمرة بس مرة ثانيه مراح ارحمج
هذوله عائلتي
وحاولي تسويلج عائله كلنا نضيع بداخل انفسنا
وكلنا ضيعنا عواطفنا بس لازم نوصل لمرحله نوكف
اني هم ضايع ومداعرف الملم حياتي
...اوف احس جبل ونزال مني ردت دكلي اسف واعتذر
ردت تبررلي شي ردت تبرد كلبي بكلمه
...هسه خلص ماكو شي بيننا
...اي خلص راح تكمشني وتسجني لولا
...لا
..ليش
...ياغافلين الكم الله
....ونعمه بالله
...جنت ناوي اذا اشوفج اشرب من دمج بس كل انسان يدفع ثمن
...اي صحيح
وكامت وكفت وعدلت ملابسها
...احذرك من النسوان يدمرنك لتظن بذكائك تغلبهن
مستحيل المراة تنتقم عشر اضعاف انتقام الرجل
دربالك
وداعا لان اتمنى ماالتقي بيك بعد وامحيك من ذاكرتي
ومشت وظليت كاعد على المصطبه وحدي
اني هوايه ظلمت بحياتي واول مرة اعترف انو الماضي
مااثر عليه الحياة الي شفتها بطفولتي سوت عندي
رغبه انو اوصل لكل وحدة اريدها يس مااثق بيها
ولاامن بيها مااعرف منيه بيهن اخذت كل كلبي احس كلبي صاير اجزاء
كل وحدة باكت شويه منه
اني ظلمت ونظلمت
صعدت سيارتي وخابرت على رواء ماكو خابرت على اختها
كالت وصلو ونايمين لان تعبانين
...اوكي من تكعد خلي تخابرني
رجعت للبيت وصاير مو مثل قبل اطلع واسهر ويااصدقائي ماعندي واهس ورحي طافرة
رجعت للبيت
وابويه جان ماكو ومنار كاعدة تحجي ويا امها بالتلفون
من شافتني سلمت على امها وسدت التلفون وجتني
....هاباشا شلونك
...زين
...وين جنت
..عندي شغل
..اني ضايجه خلي نطلع
...هسه وقتها دشوفين الوضع مو مناسب باجر عود
...حباب ضايجه
....والله تعبان وضايج على باجر من وكت حتى نطلع
....ليش ضايج علمودها
....منو
...رواء
...منار كبري عد وبطلي هاي الشغلات
...شوكت اطلكها
....ماادري
....راح تسافر يمها
....اي راح اسافر ارتب وضعهم بعد كم يوم
...اجى وياك لعد
...اني مااطول يومين تلاثه وارجع
....لااجي وياك
...منار كافي عيني يله اني جوعان اريد عشه
...مابيه حيل اسوي
...شوفي منا لنص ساعه اشوف الاكل على الميز
والا ماتلومين الانفسج
....لازم اني خدامه .
....ياالله وهسه تالي
...انت مقتنع بتصرفاتك ويايه خالني راس حاجه شنو
راحت بقيتني جتي وديتني ولازم اسكت ولازم مااجادلك
انت ليش ددوس بطني ها لان احبك
تحبها خلص طلكني وروح الها ليش كاعد تتكلب علمودها
....روحي سوي اكل اريد اسمم
...اريد احجي ترة طك كلبي كلي وين راح تخلص سالفتنا
شنو يعني هاملني بالبيت لو نسيت اني مرتك
انطيني حل
...بعدين
...لا موبعدين هسه
اذا صدك رجال اخذ موقف
وماحسيت الا على صوت الراشدي
احترمي نفسج ولطولين لسانج هوايه نطيتج مجال
يله ولي منا ومااسمعلج نفس تريدين تطلكين روحي هذيج المحاكم
روحي طلكي
....حرامات بيك حبي مع الاسف
مع الاسف عليك انت متستاهل
صعدت ركض على الدرج واني درت وجهي وسمعت صوت اخ اخ وصوت طبطب
نداريت شفتا دتوكع من الدرج وصلت يمها جانت
تعيط وتبجي
ودكول رجلي توجعني
لبستها جبه وشلتها وخليتها بالسيارة ليورة
وهي تبجي وتعيط وديتها للمستشفى
واول ماوصلنا شلتها ودخلتها للمسشفى وجانت بس طوارئ لان دنيا لليل
كالو لازم اشعه
طلعت رجلها مكسورة
ومنا ومنا جبروها لرجلها
ورجعتها للبيت ومن الصبح اجتي امها وتحجي
ودكلي انت دافعها من الدرج
ودكول لمنار امشي لبيتنا
باوعت عليها
كتلها
...اذا تريدين تروحين وياامج روحي
ورحت وكفت يم الشباك اباوع على الحديقه
وصعدت امها فوك جابت ملابس مال منار
وكعدتها على العربانه
...هشام
بدون ماالتفت الها
...ها
...اني بس كم يوم اروح لحد مارجلي صير زينه وارجع لان انت صعب عليك داريني
....خوش
...مع السلامه
...الله وياج
واخذتها امها وراحت
...هشام
...هايابه
...تلفونك ديدك
.....اي
رحت على التلفون جانت رواء
....الوو
...الوو هلو هشام
...حمدلله على السلامه
.....الله يسلمك
...شلونكم شلون جانت السفرة
...الحمدلله كلها تمام
...اي زين
....ادم وعلاوي شلونهم
...زينين كاعدين يلعبون ويا جهال اختي
...دربالج عليهم
....ان شاءالله
...شوكت تجي
...منا ليومين
...اوكي
....عود خلي يخابروني ادم وعلاوي اريد احجي وياهم
....هشام اريد اكلك شي
يتبع ..
#الكاتبه #روجمان
