البارت الخامس عشرررررر
......هشام اريد اكلك شي
....خير
....بيوم الي دنسافر سمعت مرتك تحجي ويا امها ودكللها
لا اني احبه مااريد يصير بي شي عوفي
واني اعتقد امها متحبك من يوم الي شافتك من اجتي لبيتي بيوم الي اصوبت انت
وهي اجتي تذكر و جانت نظراتها كلها كرة الك اني حبيت احذرك ولا هي ليش ددكلها لاامها انتي معليج بي
الا اذا تريد تسويلك شي دربالك ولاتأمن
....رواء دتكذبين خاف لان ضوجين منها
....اني ماااكذب لان ماعندي مصلحه بهذا الشي بس
حبيت انبهك وانت بعد أعرف بمصلحتك
وأعرف بلي تزوجتها ودخلتها لبيتك بس مااعتقد هي تريد تأذيك
اصور امها
...اشكرج لان كلتيلي بس ليش ماكلتيلي من جنتي بالبيت
...جنت ناويه اكلك بس شويه التهيت بموضوع السفر
وهسه اذكرت وكتلك
....خوش
..يله اني رايحه لان راح اطلع فد شويه ويابيت اختي
.....زين طلعي
...اني مداخذ رأيك لان انت ماعندك حكم عليه
....دروحي بابه
وسديت التلفون
....هشام
....ها
....شبيك ويا رواء هدورة
....مابيه شي
...شلون وياك مدكلي
....ماادري والله
....راح يدمرنك
.... صدك تحجي يابه والله أنهيها هي وهذيج
..ههههه
....انت المن تحب منهن مدكلي
.....هههههه
.....شوتضحك
....سؤالك صعب
...اي صعب والمشكله اثنينهن يحبنك
....طلعن تلاثه يحبني هههه
....صدك ليش اكو وحدة هم
...اي
وسولفتله على وسن
.... لالا موخوش شغله ابني لاتلعب ويابنات الناس عدهن حوبه متشوف الله مدينطيك الراحه حرام تكسر كلوبهن
....يابه والله جزت منهن وكرهت حتى النسوان بس هسه دايخ مابين منار وراء
تعبت والله
....مو علااساس سافر
...اي يجوز بعد يومين مدام منار بيت اهلها
.....هشام صدك اريد اكلك شي
....كول
....امك
....اهووو هم رجعت لنفس الموضوع اروح اطلع احسن
...لشوكت
....لحد مااموت مااريدها لذكرني بيها
راح اطلع محتاج شي مني
....لا
رحت لدوام واخذت اجازة تبدي من يوم الخميس
ولمدة عشر ايام
وخابرت منار وشفتها شلونها ورحت لبيتي
بيتي اني ورواء
جانت ملابسي هناك رحت أخذها
ودخلت للبيت ورحت على الكامره صار عندي واهس
كلما اجى اروح اشوف
شكو ماكو جان ماكو شي بالتسجيل صعدت فوك
ودخلت لغرفة ادم وعلاوي جنت مشتاقلهم
رحت كعدت على جربايه ادم
جان الغطى مالته سوبر مان هو يحبه كلش
وعلاوي يحب السيارات
فجان الغطه مالته عليه سيارة
انتبهت اكو اوراق اصغار على الحايط
رحت وكفت يمهن
جانت اربع اوراق ومكتوبه بخط رواء
وحدة مكتوب عليها بابا يحب ماما
وحدة بابا يحب علاوي وثالثه بابا يحب ادومي
والاخيرة مكتوب عليها ماما تحبكم كلكم
ظليت واكف وصافن على الاوراق وكلش حزنت وحسيت
بغصه
كمت احجي بصوت عالي ويا نفسي واكول
مااعرف اذا راح اكدر ألمكم مرة ثانيه
واني الي ضيعتكم كون اكدر ارجعكم بس
اكيد صعب
من تنتهي قصه تبدي قصه وجع ودورات ينتهي الي يجمعنا.
رحت لغرفه رواء وغرفتي باوعت على الجربايه وذكرت كمت مرة نمت عليها
ورواء تنام بصفي لو بحضني وكم مرة هي زعلت ودارت وجهها ونامت ودمعتها على خدها وكم مرة
مهتميت الها ودرت ظهري عليها ونمت
وعفتها تسهر بحزنها
جنت تعبان وتعبي مو بجسدي بعواطفي بااحساسي
بشعوري ردت انام بلكي يوكف تفكيري
وتخف شويه دكات كلبي
كعدت ونزعت قميصي وحذائي
وتمددت وظليت شويه كاعد وبعدها نمت ودرت وجهي وشفت رواء نايمه بصفي ومغمضه عيونها
فرحت وتقربت منها وخليت يدي على خدها وكمت امشي يدي على كل جسمها وهي تضحك وهي مغمضه عيونها
...اريد انام.
...باعيني اريدج انتي هيانج يمي
فتحت عينها
....يا شبيك هو ليش اني وين رحت غير يمك
....لتروحين من عندي
..مااروح لمكان
جريتها قوي ونومتها على يدي وظليت العب بشعرها
وهي تبتسم وبااصبعي امشي يدي على شفتها وخدودها
هي تحب اسويلها هيج
بستها من خدها
...هشام
...ها حبي
....احبك
.....واني هم احبج هوايه
....لتروح يم غيري بعد
...لا مااروح
شبكتني قوي وكامت تلعب بشعري
بستها من شفايفها وسمعت صوت نداريت شفت
منار واكفه تباوع عليه وتبجي وبيدها صورة
وفزيت من الحلم وجنت
كاطع النفس لحظات حسيت نفسي صدك ويا رواء
ونايمه يمي وفرحان وكلبي يدك وبعدها شفت منار
واكفه و تباوع عليه بقهر ماادري شلون شعور صار عندي
بس خليت يدي على كلبي وجان يدك قوي
كلش كعدت على الجربايه
وكلش اختنكت وبعدها نزلت جوة
وسويتلي جاي
وظليت ضابج وبعدها بدلت واخذت ملابس ردتهن وكلت خلي امر على منار اشوفها شلون صارت ولو مااريد اشوف امها
لان ضوجني بس مضطر
رحت لبيت اهلها جانت اكو سيارة واكفه بالباب
نزلت باوعت على السيارة
الباب مفتوحه مال برة دخلت ودكيت باب المطبخ
اجى ولد شاب
فتح الباب
....نعم
كتله
....منو انت
...انت منو
جتي ام منار
....كالت للولد هذا زوج منار
رفعت حواجبها وكالت تفضل
دخلت جوة ومهتميت وباوعت هذا الولد كام يحجي وياها
وظلت شويه تحجي وياة وبعدين
وراح
دخلت شفت منار نايمه على القنفه
من شافتني عدلت نفسها وكعدت
....هلووو حبيبي
....هذا منو
..ابن خالتي
...وشديسوي هنا
....مو سوك لماما
.....وليش ماكلتيلي ادزلكم السايق
...لا هو دائما يسوك لاامي
....ضجت بس سكتت
شلون صرتي
....الحمدلله ولو كلش صعب اكوم واكعد وكله بمساعدت ماما
مناك اسمع امها دكول
...طبعا قابل منو يساعدج
كل واحد يذب حمله على اهله لا رجال ولا صخام
كمت وكفت لان جنت كاعد ونداريت عليها وعيني تغيرت وكامت تجدح
بحيث هي خافت
....شوفي اخر مرة احذرج انتي ام مرتي وداحترمج واني مااخلي خاطر لااي احد لتحجين ويايه حجي زايد
عيب عليج بدال متعلمين بنتج على الاخلاق والتعامل الزين كاعدة تجاوزين مرة مرتين طوفتهن الج لاعبالج اني اخاف ولاعبالج الافلام الي دسويها من ورا ظهري ماادري بيهن بس عايفج
بس من توصل لحدها متتوقعين شسوي
....هشام حبيبي ترة ماما موقصدها
....لا قصدي مو هو دفعج من الدرج مو يروح يجيب مرته هذيج كل مرة
.....لا اني وكعت من الدرج مو هو دفعني
....لجذبين
...والله مداجذب
....ياثوله ياغبرة موميت واحد رادج
،....ترة تعديتي حدودج داحترم انتي مرة جبيرة
واني بيتج
......اي يابه خلفله عليك
...كافي ماما الله يخليج
...سكتي انتي
عيني ياباشا على كولتها
وتأشر على بتها
اني بنتي بعد مترجع يمك الا اذا طلك مرتك بالمحكمه
ونشوف الورقه بعينه وتكطع علاقتك بيها نهائيا
وألا والله افرك بالمحاكم
...تريدين اطلك بتج هسه كدامج وهم افرج اني بالمحاكم لتخافين
سكتت ومجاوبتني
...هشام حبيبي ترة هي شويه ماما عصبيه
....بعد مالج رجعه وابقي يم امج وراح اخليج معلكه لاطايله سما ولا طايله كاع
وباوعت على امها
وكتلها
روحي فريني بالمحاكم واني اشوفكم من اوصل حدي شسوي
....اي اخذتها لحم وشمرتها عظم حسبي الله ونعمه الوكيل
.... هشام خلي احجي وياك
....لا
وعفتها وطلعت
وجنت باقي على شعرايه واطلكها
صدك غثتني امها شلون لسان من اجتني قبل على البيت جانت تتمسكن والله ناس مانعرفهم شنو الا لمن نعاشرهم
مرات نشوف الناس من برة مثل الملائكه ومن نتقرب منهم نكتشف وجوهم
وكام تلفوني يدك منار جانت
ومجاوبتها
وظلت تلح واني سويت التلفون صامت.
واليوم الكآبه كلش صاعدةخابرت اصدقائي وطلعنا.
ورجعت بوقت متاخر للبيت
وشفت تلفوني بي 30مكالمه من منار وكومه رساله
وتسجيل صوتي من ادم وعلاوي
سمعت التسجيل وكمت اضحك على اصواتهم وكلامهم
وصل مسج جديد
....جاوبني هشام
خابرت عليها
...الووو
جان صوتها مال وحدة باجيه هوايه
....ها منار
.....ليش هيج تتعامل ويايه والله حرام عليك
،...روحي احجي وياامج شفتي اسلوبها مرة شكبرها
متعرف تحجي
....رجاءا لتحجي على امي
....لعد ليش مخابرتني روحي
....انت ليش متحس بيه
....واني منو يحس بيه
....متريدني كلي خلي تشفى جروحي من وكت
.... شوفي اذا انتي متعلمه من امج وسوالف افرك محاكم وغيرها روحي اذن
...اني مااريد محاكم ولا الي قابليه
بس اريد اتفاهم وياك اني كلش نهزت شخصيتي من صرت يمك
...هااااااا
...اي هاااااا هذا انت هذا احساسك بيه مو كلي احبها ل رواء وحتى انسحب بهدوء
....انتي تعرفين طلكت رواء وكدامج لوكاعدة تسوين نفسج متعرفين
....اعرف بس اعرف انت هم تكدر ترجعها مرة ثانيه شنو يعني شي صعب اسهل منه ماكو
واعرف تاليتي انداس بالرجل
بس هي قويه هي تحبك او متحبك ماادري بس حتى لو تحبك متحبك بضعف تحبك بقوتها متشوف انت كمت تريدها
بس اني حبيتك بكل احساسي لهذا السبب كمت انت دوس على احساسي وكمت تعتبر وجودي وعدمه نفس الشي تمنيت اليوم دكول لاامي اني احبها وهي مرتي
انت أذيت كلبي كلش ياهشام
اني من اجيت انطيتك كلبي انطيته
بحسن نيه جنت مطمنه من انطيتك كلبي
بس شنو انت ضمنت انو خلص اني سلمتك أمري
فكمت ادوس عليه بديت تتعدى عليه وتجرحني
وكمت تخليني ادمع كل يوم اني حزينه لان نطيتك كلبي
تلوم امي ليش متلوم نفسك على جرحك لكل الي حبوك
يمكن هالمرة راح ارجع منار واكول خلص يكفي وجودك وعدمه مايفرق عندي
كلبي جان هديه اني هديته إلك بس انت ماعرفت تحافظ على كلبي
اني راح انسحب بدون مادكلي
روحي محاكم
ماكو داعي
جنت مخنوكه بهذا الكلام ردت بس اكوله الك
....منار باجر اجي اشوفج ونحجي لان بعد باجر اسافر
...باي
وسديت التلفون
اوف شطوله هاليوم ومن قهر لقهر
مناويه ياشمس طلعين مناويه ياايام تمرين وتغيرين شي وترجعين كلشي لمكانه
ردت اليوم يخلص بس النوم مجان يريدة يخلص جان
مجافيني
وظليت سهران للفجر
وبعدها نمت وجنت ادخل بكابوس واطلع من حلم
وفزيت على كابوس
من الصبح
داومت وجان باجر خميس وموعد سفرتي
فاليوم لازم ارتب وضعي على السفرة
شلت هم لروحتي لبيت منار
بس كتلها اجيج لازم اروح
ورحت العصر الها
وخابرتها
كتلها
....طلعي بالكراج مااافوت جوة
....تعال ماما ماموجودة طالعه وشلون امشي اني
دخلت لان هي متكدر وزين هاي الغراب امها ماكو بالبيت
...منار
....تعال اني هنا بالغرفه
رحتلها
....اكعد
..لا داريد اروح اني باجر راح اسافر
....اي
...اي احجي منار شكو حجي واكف بحلكج
.....اني كتلك البارحه الي اريد اكوله
....ونهايه الكلام شنو.
....نطلك
.....مدكولولي شنو السالفه يا هي الشافتني وكلتلي طلكني
استغفرالله
انتي محد مااثر عليج وكاعدة معززة مكرمه شنو بعد
....اي صحيح اكل واشرب حالي حال الحيوان هم ياكل وهم يشرب بس الحيوان هم يحس
واني داحس وتعرف المشكله شنو انت تسمع كلامي ومتهتم
عتابي صار عادي تعرف ليش مولان انت متحس بس لانك متحبني
لان لو تحبني تحسني قبل مااحجي تعرف وجعي قبل مااكول شنو يوجعني
انت هانت عليك دمعتي واني الغلطت لاتظن اني داحاسبك على شي لا اني الغلطانه واني الي راح ادفع الثمن
...كلام امج
....ههههه لا كلامي صبرت وصبرت وبعد مابيه شبر واحد يكدر يصبر عليك
اني غلطت اعرف وكتلك
واني قررت اعز نفسي واحترم ذاتي
والله بهاي الفترة الكصيرةعشت وجع يمكن الانسان مايعيشه بميت سنه
موبيدي وجعي زيادة عن الناس
وجانت تبتسم وتخفى باابتسامتها ملامح حزنها
بس بعدين طكت دمعتها
والله حبيتك اعرف اني استاهل بس شسوي كلبي ضعف
اريد اخذك وحدي اريدك متحس بحضن غيري
بس بعدين حسيت حضنك بارد
وبعدها اكيد راح يصير حضنك مثل الجليد
اي عبالي ازوجك انسيك كلشي واخليك بس الي وحدي
اني حبيت الباشا بس اكتشفت انو اني جنت مثل الدوة الي يسكن الالم ويسكن الوجع بس مفعوله مكام يفيد بحبه وحدة
كمت تريد اكثر فقربتني منك اكثر كلتلي احبج وانت كلبك مو الي
الكلمه جانت باردة مثل قربك من اني يمك وحضنك ميدفيني
اني نار وانت مي كلما اشتعل طفيني
بس كلت مومشكله راح ابقى
يمه واخلي عينه متشوف غيري بعد
هو عافها جنت اقنع نفسي بس
مداكدر هسه اكذب اكثر على روحي انت
كلبك يطشر منك من تشوفها
من يوم الي اجتي للبيت وجنى هستونه مزوجين وحجت
ولمن خلصت كلامها وطلعت
جانت عيونك عليها ومارمشت
وكلبك يدك ويا كل صوت خطوة بكعبها
ماادري اذا اني ضحيتك لو انت ضحيتي
بس لا اني ضحيه غبائي وثقت بيك ومن عادت
الي يحب يوثق بلي يحبه
كلما داكون يمك اكثر ديكون التخلص منك اوجع
للاسف ياباشا انت بقايا عظمه
انت بدونها ميت لوتعرف شكد صعب عليه هذا الكلام
كل حرف ديطلع مني ديشك كلبي ويقسمه نصين
بس لشوكت نكذب على روحنا لشوكت نكول لا احنا الافضل
كلي احبها وخلص ياهشام
اذكر من اجتي وكلتلك الحسناء ام شعر الاحمر
كم حسناء مرت بحياتك ياباشا
كم وحدة وكم وحدة حبتك مثلي ويجوز اكثر
تعرف ليش
....ليش
....لانك تتفنن بكلشي لانك تبهر
بس ياترى منيه الحسناء الوحيدة بحياتك
اعرف الي مرن عليك هوايه واكيد كلهن حلوات
لانك متختار وحدة عاديه
بس اكيد وحدة بس اخذت كلبك ياباشا
والمشكله بيك مدتقبل تعترف بحبك حتى لنفسك
انت احلى شعور عشته واسوء تجربه مرت عليه
انت جرحتني جرح عميق يرادله سنين يله يطيب
واني كتلك من قبل الي تحب واحد مثلك تلعب بالنار
واني حتركت بنارك
وهاي تاليتي بحسرتي
روح ياهشام وشوف دربك وين تاليته
اني اصبحت رقم بحياتك مومهم اذا زوجتني ولا لا
بس مريت عليك
تقربت منها ومسحت دموعها وكعدت بصفها
....اني مشتاق لمنار الي جانت تسمعني من احجي
وتحجي ويايه بعقل وبمنطق وجانت تهون عليه
..مابقى شي من هذيج منار هسه هاي الصفت منها
الله على غباء الانسان من يوكع نفسه بمصيبه جبيرة
وبعدين مايكدر يطلع منها واذا كدر يخلص
يكون مثل الميت الي يبقى منه بس اعظامه
....ماادري شكلج
...ههه هههه عادي لدكول شي
اني بعد مابيه حيل اكول شي مابيه حيل ابجي دمعتي وكفت
...اني راح اسافر ومن نرجع نتحاجه بهذا الموضوع
....ماكو داعي خلص الكلام
....الي بيه مكفيني يامنار
....توصل بالسلامه.
درت وجهي وظليت افر براسي
...الله يسلمج
ونطيتها فلوس خليتها يمها وطلعت
ورجعت للبيت وهاليوم كله كظيته بالبيت
ماطلعت ونمت من وكت ولمن كعدت وجان الجو تراب
وفوكاها سفرتي ضجت من هاي السفرة.
بس بدلت واجاني السايق وسلمت على والدي ورحت وصلت للمطار وتأخرت السفرة بسبب الجو وظليت بالمطار
لحد ماكالو وصلت الطيارة للمدرج
وبعدها بشويه صعدنا للطيارة
وطارت بيه وصلت للاردن
واول ماطلعت من المطار رحت لفندف حجزت وارتاحيت والعصر خابرت على رواء
وكتلها وصلت للاردن وكالت احنا بمطعم ويااصدقاء زوج اختي
تجي
كتلها
...اوكي
دلتني المطعم ورحت
دخلت للمطعم وظليت اباوع لحد مالمحت رواء كاعدة
هي انتبهت عليه من بعيد وكامت وكفت
ضحكتلها
وهي جانت تبستم واول ماوصلت للطاوله مالتهم
وكف زوج اختها واختها وسلمت عليهم
وكانو كاعدات بنات اثنين ولد شاب وياهم
ظلن يباوعن عليه
اجتي منار وحضنتني وباستني من خدي
وهمست بااذاني
....ميعرفون بشي بيت اختي وعيب كدام العالم
...اي
وجرت كرسي بصفها وكعدت
...وين ادم وعلي
...بالبيت
...يم نسرين بنت فاديه
...ها
البنيه الي كاعدة كدامي ظلت تباوع عليه
كلت بكلبي استفغرالله هاي هم اني متحارش بيها
وجنت مااباوعها لان جنت ملتهي اباوع
على رواء واحجي ويا الكاعدين
بعدين باوعتني كلتلي
....العفو
...نعم
....انت موتشغل بالدوله موصحيح
ياستار ياربي
.... اي نعم
يتبع.....
#الكاتبه #روجمان
