البارت الخامس
....ليش دتسكت كلي تحبها
....كافي رواء
....راح تتركني
ورفعت راسها تباوع عليه
ظليت ساكت بعدين كتلها
....لا ماااعوفج
،....تحبني
..... لتسئليني عن حبج
....ليش
.....الجواب عندج
...هشام اني مااتخيل حياتي بدونك بس اني ضعيفه من اني يمك
وجانت بعدها تبجي
رفعت راسها ومسحت دموعها ومشيت يدي
على خدها وشفتها وخرت خصله من شعرها جانت مبلله بالدموع
ونازله على وجهها
.....اني حلوة لو انت تشوفني محلوة
شنو الي بيه ميعجبك
....تعرفين شي يارواء الدنيا تفتر وتفتر وتوكف يمج مثل ماتوكف يمها
ماااعرف شنو الي ديصير ويايه
....تعرف شكد صعب عليه من اسئل رجلي وابو اطفالي
انت تحب وحدة غيري تعرف شنو المرحله الى واصلتلها يعني
اني فاقدة كل الامل
بس شعوري يشبه شعور الموت من اشوف جسمك يمي وكلبك يمها واكوم اتعذب اكثر اني مااتخيل انو ممكن اشوفك ويا غيري مجرد التفكير يخليني ادكطع
الفكرة تخليني انجن
بس اتعذب لفترة احسن من مااتعذب طول حياتي
وجع يوم ولا وجع دوم
.....اني حرت وياج وحرت بزماني وتعبت من كلشي
وكرهت حياتي وكرهت نفسي شتريدين كوليلي
اني مثل الي عين بالجنه وعين بالنار
ماتنعمي عيوني واخلص
شتريدون فهموني
ترة تعبت
.....اني ماااريد اعيش وياك اريدك اطلكني اعرف مااتخيل حياتي بدونك واموت اذا راح تعوفني
واعرف مااتحمل فكرت تروح يم غيري بس لازم تنتهي من حياتي خلص
...اني مااكدر اعوف ادم وعلاوي
...واني مراح احرمك منهم انت ابوهم بااي وقت تريد تشوفهم تعال حتى لو نص الليل هم تعال شوفهم
....لعد ليش كاعده تبجين اذا مقررة هيج
.....لان ميته من القهر
......تذكرين شكد
وسكتت ماكملت
.....هشام انت تغيرت هوايه يمكن نكدر نصلح شي او ثنين بس منكدر نصلح كلشي بيننا
ذكرت اشياء هوايه جرحتني بيها رواء
ورحت عليها وجريتها قوي
.....موكلشي نكدر تحجي كافي اسوين دور المظلومه والبريئه ورغم هذا انتي تعرفين انتي من تبجين اني اضعف
بس اني ماعندي ثقه بيج خلص ليش احبج عمر كامل واعرفج مدومين
.....شلون مراح تكدر تنسى
.....لج اني مااذكرج ومااحجي كدامج بس اني ماأنسى
كافي لتسوين تمثليات عليه
.....انت تعرف احبك
....دورات اكول اي تحبني وتعبدني يمكن بس ارجع واكول لا دورات اكول نست وعاشت بس ارجع واكول لا
كذابه تمثل دورات اكول من اني يمها كلشي بيها يريدني
واكول من هي بحضني تعيش بغير دنيا ودورات اكول لا
وارد واكول لنفسي اني مااحبها او احبها او تعودت عليها
او يربطني بيها الاطفال بس
تعبت لحد ماعفتج وكمت اهرب لكل وحدة تتمنى كلمه مني
اني اصلا مااثق بالنسوان من قبل وانتي اجيتي كملتي
هذا الموضوع
بس شي واحد مستغربه
انو اني ليش مطول بالي هلكد عليج
شنو الي منتظرة منج
اني مراح اعوفج بس اني هم اريد اعيش
.....تريد تزوج
....ماادري بعدني ممقرر يجوز اي
.... واني لازم اقبل وارضى واكعد بالبيت اربي الجهال
وانتظرك تجيني كلما يعجبك من تتعارك وياها من ضوج
منها من تريد شي
هذا الي تريدة
....ماااريد شي بس كافي خلص سدي الموضوع
ونداريت وابتعدت عنها
ولمن داصعد على الدرج كمشت يدي
.....اني راح اعوفك راح اطلك منك بس اريد ابقى الليله وياك
يمك
اريد اغفى بحضنك اريد اخذ من ريحتك واضمها بيه
درت وجهي عليها
وجانت عيونها مليانه دموع
نزلت من ثاني درجه وكفت على اول درجايه ومديت يدي وجريتها وكفتها يمي
......لتبجين تعرفين الشي الوحيد الي يوجع كلبي دموعج
....ليش
...ماااعرف
.....اني لوعندي امل ولو قليل وياك جان شفتني هسه تخبلت علمودك
.....اني اريد انام
.....اوكي
جانت تريد تنزل وكمشت يدها وصعدت الدرج وهي جانت تمشي ورايه
وصعدنا للغرفه كنت يمكن بحاجه لحضن
وهي هم جانتا بحاجه الي احنا نذب همومنا واحزانا بحضن بعض مو شرط لازم اكو رغبه بس يكون هناك احتياج
نمنه ونامت رواء يمي وجانت قريبه مني
وحسيتها قريبه بكلشي
الصبح كعدت جانت رواء نايمه وعلاوي نايم بنصنا
بسته من خدة
واخذت هدومي بلا مااطلع صوت ونزلت جوة وسبحت وجهزت نفسي وطلعت
جنت مالي واهس بااي شي
حتى لمن دزتلي منار مسج مجاوبتها
طلعت من الدوام من وكت ورحت اسوكت اغراض للبيت ورجعت
ولمن وصلت للبيت جانت رواء هي والجهال ماكو
فتحت الكنتور جان مابي هدوم
كعدت على الجربايه
وخابرت رواء ومجاوبتني
كمت رحتلها لبيت اهلها
وطلعتلي امها
....هلوو هشام
.....هلو رواء هنا
...اي
....وينها
....موجودة جوة نايمه
ممكن ادخل احجي وياها
....اي اكيد
دخلت وعلاوي وادم كمزو واجوي عليه وحضنوني
بيت اهل رواء جانت اكو غرفه جوة
وصلت يم باب الغرفه ودكيت الباب
مسمعت رد
فتحت الباب جانت رواء نايمه ومتغطيه ودايرة وجهها
.....رواء
تحركت بس مدارت وجهها ولمت نفسها وسحبت الغطه عليها
.....رواء
مجاوبتني وكفت اباوعها واني كلبي بي وجع
مااعرف ليش
مشيت ورحت كعدت على الجربايه كدامها
جانت مغمضه عينها وخدودها جانت حمرة كلش وشعرها جان متناثر على المخدة
.....رواء ليش
فتحت عينها وجانت تباوع بوجهي وتتنفس قوي
....ليش شنو
.....انتي ليش طلعتي من البيت
ابتسمت بحزن
....خلص اجي دوري ارجع لنفسي اني موضعيفه
بس انت خليتني اكون ضعيفه بخوفي من الماضي الي تعيرني بي بخوفي من عقدك بخوفي من انو تعوفني
وكامت كعدت ومدت رجلها ودفعت شعرها من وجهها
بس اني هسه راح ارجع لنفسي
راح اعيش مثل ماانت دائما جنت تعيش
....والبارحه
...البارحه جانت نهايه قصه عشنها من خمس سنوات
....دكدرين تنسيني
....احاول
....دربالج على نفسج
وكفت وجانت عيوني بعدها عليها وهي مجانت تباوعلي
.....انت هم دربالك على نفسك
بس
....شنو بس
....مااكدر اكلك طلكني وعيش سعيد لان صعب اتمنالك السعادة ويا وحدة غيري صعب كلش
.....اعرف
...ياريت لو تعرف
....متوقعتج راح تتعاملين هيج برود
....اي عبالك راح اعيط واغلط وانفعل
مو ليش واني خسرت شي ليش افقد احترامي وكرامتي هم
الي يريد يعيش بعيد عني خلص خلي يعيش وانت قررت ياهشام مراح يتغير شي
....اني ماقررت شي
....انت من زمان قررت من يوم الي بديت تعرف عليه نسوان ولغيت وجودي
....انتي السبب ذنبج لتنكرين
....اذن لازم ننفصل حتى نرتاح لان اثنينا غلطنه
.....الي تريدي يصير
....اشكرك
طلعت من يم رواء ورحت يم علاوي وادم جانو كاعدين بالكاع يلعبون بالسيارات
ومجانو يدرون بلي داير مدايرهم ماعدهم شي يقلقهم
حسدتهم وكلت ياريت ارجع طفل وذكرت انو اني حتى طفولتي جانت موطبيعيه وجانت عبارة عن كارثه
بستهم من راسهم
وكمت ولمن وكفت كلي ادم
...بابا نجي وياك
....لاحبيبي اليوم ابقى يم ماما لان هي ضايجه
باجر اني اجيك
ولمن نداريت جانت رواء واكفه باب الغرفه تباوع علينا
باوعتها وبعدين مشيت وطلعت ورحت انتجيت على السيارة وجان اكو عبالك سهم نابت بكلبي لااكدر ادخله
واخلص ولااكدر اطلعه وارتاح لان بكل الاحوال هو راح يقتلني
دورات احنا بيدنا كلشي نسوي بس بنفس الوقت منكدر نسوي شي
نحس بالعجز برغم قدرتنا نحس بلضعف برعم قوتنا
خليت راسي على السيارة ورجعته ليورة ورفعت عيني على السما
بس ضوة الشمس حجب عني الرؤيه
وبرغم الضوة جنت اشعر بالعتمه
لان العتمه بكلوبنا مو بحياتنا العتمه بداخلنا
تزلت راسي وباوعت على البيت
وفتحت باب السيارة وصعدت وبعدها سديتها
ولبست مناظري ومشيت وكاانما دامشي بلاهدف بلاطريق عبالك داهرب من مكان لمكان اخر
ورحت لبيت منار
وجنت متردد بالنزول ولكن فتحت الباب ونزلت
وتمشيت على كيفي عبالك ردت الطريق يصير اطول
دكيت الجرس
وشويه ونفتحت الباب
وجانت ام منار
....الضابط هشام ابو ادم اهلا وسهلا
تفضل
...للحقيقه حاب احجي وياج بموضوع
....اي اكيد بس خوما اكو شي قلقتني
....لا ماكو شي
....بس للحظه
....منار فتحي باب الصاله
جتي منار شافتني فتحت عينها ومشت بسرعه وفتحت الباب وراحت وبعدماشفتها
.....تفضل استريح
...اشكرج
....تشرب شي
... مااريد شي اشكرج
كلت لروحي اني جابني هنا وشنو اجيت ودخلت وشنو الي راح اسوي
....اي تفضل كلت رايدني بموضوع
....اي صحيح
اني اجاي اخطب بنتج منار
.حجيتها بدون تفكير
هي تفاجأت
...شنو انت مومزوج
...اي صحيح بس راح انفصل عن زوجتي
... اني مااعرف شحجي بس اني ليش ازوج بنتي لرجال مزوج وعندة جهال
....يجوز بنتج تقبل
....لا متقبل اني اعرفها
.... أسأليها
....ليش متأكد منها
....اسأليها لبتج واني انتظر منكم اتصال
.وطلعت بسرعه وعبالك جنت داهرب
اني شداسوي بروحي شوداني معقوله مصدوم لو شنو بس اني احبها لمنار موهذا الي جنت اريدة ازوجها ليش هسه متردد
اي هو هذا الصحيح خلص كافي افكر بس جان كلبي دكاته مو منتظمة
وجنت موطبيعي عندي اوجاع بس ماادري وين بالضبط
ورا تلث ساعات خابرتني منار
....الو باشا
....هلو منار
....انت ليش ماكلتلي انت راح تجي تخطبني وماكلتلي انت راح تنفصل عن زوجتك
...اي ماكلتلج
....ليش
....الي صار بعد شكالت امج
....سوتلي مشكله جبيرة
...ليش
...مو سئلتني وكتلها اي اقبل ازوجه كالتلي شلون تقبلين هو مزوج وعندة اطفال
وشلون دكدرين ترتاحين
....وتالي
...قبلت بس كالتلي اني معليه بشي ولمن تخسرين
وراح تخسرين هوايه اني ماااساعدج
....اي زين
...شنو الي زين
....لساعدج
.....يعني انت تركت زوجتك
....هي تركتني
....شلون يعني
....يعني متريد نستمر بزواجنا
....يعني مو انت تركتها
...لا
...اني مااعرف ليش داروح زايد وياك وليش مدافكر باانسانيه ومدافكر بعقل
كلبي ديدفعني الك واني دادفع نفسي بعيد عنك
بس مداكدر لكلبي تعبني
....كلشي راح يصير احسن
...تعتقد
...اكيد
......اني. راح ازوجك بس متاكدة راح اندم
بس اريدك احبك
....اني هم احبج
.....ماما كالت خلي يجي باجر نحجي سوا
..ان شاءالله
....شويه واخابرك
....تمام باي
...باي
ودفعت هذا اليوم دفع
وثاني يوم رحت لبيت منار
وحجيت ويا امها مكانت حابه الموضوع بس وافقت
وكالت منار ماعدها احد لاعمام ولا خوال الي ميت والي مسافر والي ميندلنا
المهم زوجنا بالمحكمه وبماانو ضابط وعندي معارف ماطولت ابدا وحسيت هذا الزواج اسرع من البرق
وهما
رادو حفله بسيطه يسون لصديقاتها
ولااهلهم وكتلهم بس حفله وحدة
وبيومها اجي اخذها بالليل
ومر اسبوع وجانت منار دترتب للزواج وفرحانه
ماكعدتها بيت رواء حسيت هذا البيت يخص رواء وحدها
جان عندي بيت ثاني رتبته
وخلال هذا الاسبوع مرحت على اطفالي اشوفهم
يمكن جنت داهرب من رواء
خلص الاسبوع واليوم الحفله
ماجنت فرحان ولا جنت مو فرحان ماادري شداحس
مداعرف شبيه موهذا الي ردت اسوي بس برغم هذا مجنت مرتاح
طبعا محد يعرف بيه راح ازوج حتى والدي
صارت ساعه بالسته العصر
بديت ازين وغسلت وكمت اختار قاط البسه
وجهزت نفسي وخلصت ونزلت من الدرج وبين كل درجه ودرجه اوكف واباوع بمكان
وبعدها طلعت وشغلت سيارتي ورحت لبيت منار
جانت اكو كلوبات
هوايه وناس داخلين وناس طالعين وصوت اغاني
دكيت على منار
...الوو حبيبي وينك
....اني برة
....اي ادخل
....يله هسه ادخل
سديت التلفون من منار وداخلي بجيبي يس ظليت كامشه وكلت خلي اخابر ادم وعلاوي
دكيت على رواء
اعرف مو وكتها بس دكيت
وين يله جاوبني ادم
....بابا
....حبيبي شلونك
...انت ليش ماكو
....باجر اجيك واخذك زين
....اي
....وين علاوي
....نايم
....وين ماما
...كاعدة
....انطيها لتلفون لماما
...اي
سمعت صوتها
.....الوووو
.....شلونج رواء
...الحمدلله اشكرك على السؤال
...انت شلونك
....زين
...شنو علاوي ليش نايم خوما مريض
....مابي شي بس جان طالع ويا امي وتعبان
....اوكي حبيت اطمئن عنكم
...هشام اني بديت امشي بالمعامله مال طلاك
....اي زين
...مع السلامه هشام
...الله وياج
نداريت ودخلت وجانو فاتحين الباب مال صاله ومن شافوني كامو يهلهلون
وشفت منار طالعه عبالك حوريه بالبدله البيضه
ابتسمت الها ودخلت وكعدت بصفها
وجانو يركصون ويغنون
واني حسيت نفسي بغير هذا العالم
بقيت شويه وبعدين مليت
وشاورت منار
....شوكت تخلص الحفله
....ههه مستعجل
.....اي كلش هههه
.....هسه منا لشويه
...فضيها ترة ضجت وكلهن نسوان
...باشا طالع تخبل
...ههههه انتي هم طالعه تخبلين ام شعر الاحمر
...عجبتك
...كلش
......اشو مداحس الاعجاب هلكد بعينك
....شلون يعني اثبتلج
هنا اني معجب بيج
ههههه بالبيت عود
.....احبك هشام
....اني هم احبج
وخلصت الحفله واني كمت طلعت بالطرمه ومنار دخلوها جوة لبست شي طويل فوك البدله
وطلعوها وفتحولها الباب وساعدوها تصعد وجتي امها تحضنها وتبوسها وجانت دكوللها بصوت ناصي
...مجنت اريد الج هيج زواج كسرتي فرحتي بيج
.....ماما الله يخليج لضوجيني
.....الله يسعدج بنتي
باوعتلي وكالتليى
....دربالك عليها والله يسعدكم
...الله يسلمج
وصعدت بصفها وكمت اسوق وهي كمشت يدي
وصلنا للبيت وساعدتها انو تنزل وكمشت يدها وفتحت الباب ودخلتها جوة
وصعدت للطابق الثاني وياها وهي جانت خايفه وترجف
واني جنت كل شويه ابتسم الها
وصلنا للغرفه ودخلتها وراح كعدت على الجربايه واني جنت داسد الباب ورانا واول منداريت عليها تخيلت وجه
رواء بيها
وصفنت
ومتحركت
...حبيبي
يتبع .....
#الكاتبه #روجمان
