البارت التاسع
.....اوف يايابه ماادري شريد وماااعرف شريد اسوي
بس تعبان ومخنوك
...انت تريد رواء لو هاي الجديدة الي حتى مااعرف شسمها
....اسمها منار
...شحجي وياك شكلك ابني ازوج واني كلشي مالي علم
....وهسه عرفت يابه
.....كلي انت المن تريد
...ماادري
....ماكوشي اسمه مااريد لازم اكو وحدة تعيش وياها لو تعيش وياهن اثنينهن شكو بيها قابل اول واحد يزوج اثنين
.... منار اي ممكن تقبل بس رواء لا متقبل
....اي اني هم اريد اكلك رواء متقبل
....اني مااكدر اعوف ولدي
...لعد ليش رحت ازوجت
...لكيت بمنار شي ماموجود ب رواء بهسه اكو هوايه اشياء برواء ماموجودة بمنار
....هاي حزورة لو شنو
....ماادري
...ارسالك على بر واذا انت كلبك هاويهن اثنينهن وكدرت تتفق وياهن مابيها شي الشرع حلل اربعه
بس اذا برضاتهن ياابني موغصب عنهن
....اشوف شيطلع ويايه
....تعال لاتكطع بيه وتجيني كل كم يوم اني ماعندي بس انت ترة
.... يابه ميت مرة كتلك تعال عيش ويايه بالبيت ماقبلت
...اني احب الهدوء والراحه واحب اعيش بحريتي
....زين يابه اني امرلك بعد كل يوم
...راح تروح
...اي اروح محتاج شي
...لاابني سلامتك
...مع السلامه
....مع السلامه
ماعرفت وين اروح بس بعدين خابرت على اصدقائي وطلعنا بس ماتغيرت نفسيتي وظليت ضايج
وحرت يم منو منهن اروح
وحدة انا الجنه بالنسبه الها وحدة اني النار
وحدة تحيني بنفس وحدة تموتني بشوك
رواء برغم ضعفها بس قويه ومنار برغم جانت تبينلي انو هي قويه
بس طلعت هي ضعيفه واني ضعفها
وحدة بيهم تكملني بس وحدة
كلبي ديروح الها بس
دك تلفوني
....الو
....ها حبيبي وينك
....طالع
....شوكت تجي
....ليش مظلين يم امج اليوم وباجر اجي اخذج
....لااريد يمك
....راح اظل يم ابويه اليوم
....دتكذب عليه مووو
...ليش تعاندين كتلج ابقى وخلص
....اوكي
....يله باي
.....هشام
....ها
....راح تروح يمها
...استغفرالله روحي منار
وسديت التلفون
وظليت افتر بالسيارة ومابقيت مكان مارحتله لحد مصارت ساعه بالوحدة ونص
والشارع فرغ
وشفت الطريق الي داروحله هو الطريق الي يوصلني لرواء
وكفت كدام الباب ومادخلت ظليت بالسيارة
واكف
وشويه
وشفت تلفوني يطلع ضوة لان جنت خاله صامت
شفت رقم رواء
كلت اجاوبها لو اروحلها ولكن بعدين جاوبتها
.....الووو
....ليش واكف بالباب
....اريد احجي وياج
...اريد انام عندي دوام
....رواء كتلج اريد احجي وياج
سكتت وبعدين كالت
...تعال انزل
نزلت وقفلت السيارة ومشيت بخطوات ثقيله
فتحت الباب ودخلت وشفت رواء واكفه باب المطبخ
ولمن شافتني نزلت من الدرجايات الي امام باب المطبخ
وصلت يم الميز
وسحبت كرسي وكعدت
اني هم سحبت كرسي وكعدت
باوعتها
جانت متغيرة هوايه حتى لمعته عيونها رايحه
ظليت اباوع بوجهها وهي تباوعلي
....اي هشام شتريد
تنهدت
.....اني اريد اعرف تاليتج هاي شنو تصرفاتج شو توظفتي
ولبسج الي تغير وشكلج الي كاعدة تلعبين بي
شنو فلمج كوليلي
....وانت شنو الي يعنيك بحياتي انت مالك حق تحاسبني
.....بديتي هوايه تنسين رواء افندي انو انتي مرتي
...بس بالاسم انت عجزت تحافظ على كلبي واني عجزت انو احتفظ بيك
لهذا السبب خلص
....هههه شكد حلووو من تحسسيني انو انتي دائما مظلومه
....كافي هشام لتحسسني دائما باانو اني حقيرة انت متفرق عني هوايه بس اني داحاول الكي نفسي بس انت راح ظل تفتر بنفس الطريق وترجع لنفس مكانك مثل كل مرة
....اذكرج
...لا
....ليش تتوجعين لازم
سكتت ودنكت راسها وماحجت
وشفت صدرها كام يصعد وينزل بحسرة وبنفس ثكيل
....خلي اذكرج اليوم اريد اذكر كل الي أذوني
قبل خمس سنوات ونص أجاني ابويه كلي ازوج بت صديقي رواء
ماقبلت لان جنت معجب بوحدة
رفضت ورفضت عدت مرات بس ابويه ضاج مني واني ماجنت اكول
لاابويه لا لان الي عشته وياامي كلش صعب يتحمله طفل
لذلك من اجى واخذني حسيت انو اني مستحيل اجازي وجنت مااكله لا
لذلك قبلت بيج ومن خطبتج اكتشفت انتي تحبين واحد وجان يريد يزوجج
ماكدرت اتركج برغم انو اني مااحبج
وعرفت الي تحبي سافر وعافج
وكمت اشوفج تهتمين بيه كلت خلص حبتني ونست ويله ماكو واحد ماعندة ماضي
هسه راح تكون حياتها الي وزوجنا وعشت وياج ايام حلوة
ولكن انتي جان كلبج مو الي ودائما بالج بمكان
ثاني بديت اتعلق بيج بس ماشفت بيج الي ريحني
لمن عرفتي بماضي امي ماهونتي عليه وماجنتي تراعين مشاعري لا كمتي كل شويه تعيرني
تحسسيني انو اني عبالك ابن حرام
....اني مافديوم
....سكتي اسمعيني خلي احجي
باوعت عليه وخلت يدها على الميز
وكامت ترسم على الميز وهاي الحركه تسويها
من ترتبك او ضوج من شي
وكل هذا وكلت يله ميخالف
وبديت اهتملج وبعدها شفتج ويا الي تحبي بحديقه بيت اهلج
ما وا جهتكم حتى لاافقد احترامي لنفسي
من اجيت واجهتج وجنت ناوي اكتلج واشرب من دمج حتى كلبي يبرد
قنعتيني انو هو اجى ديريد يحجي وياج وانتي خفتي من عندي
وبوقتها امج ادخلت بالموضوع وسكتت بس ظليت اشك بيج
وبعدها صرتي حامل ب ادم فرحت
بس فرحتي نسكرت بسببج
تذكرين لمن رجعت للبيت وسمعتج تحجين ويا بالتلفون
وجنتي دكوليله الله يخليك وتبجين تخبلت وبوقتها ضربتج وكسرت البيت كله وكتلج ليش
كلتي ديهددني انو يجي عليك ويكلك اني احب مرتك وك
كتلج ليش ماكلتيلي طلعتي ميت كذبه
ردت اكتلج خنكتج بس من شفتج تبجين وترجفين تركتج
وطلعت من البيت ورحت دورت على هذا الي تعرفي
لحد ماندليت بيته جنت ناوي اقتله
وجنت اريد اثبت انو انتي متحبي وتحبيني الي
اجيت عليج كتلج اني ندليت بيته وراح اقتله حتى ليضوجج بعد
وحتى نفتح صفحه جديدة وكمت كدامج واخذت المسدس وطلعت طلقات من الكنتور
ولبست ملابسي وكفت وشفتج اجيتي وكمشتيني بكل قوتج
وجانت عيونج بيها دموع وتتوسلين بيه من هذاك اليوم اكتشفت انو انتي ماحبيبتني مو بس المسأله حب المسأله انو انتي خنتيني بروحج وبااحساسج
...جنت تريدني اخليك تقتل انسان
...انتي ماقتلتي بس قتلتيني
ردت اطلكج بس ماكدرت ماردت ادم يعاني مثلي سكتت وحذرتج وكتلج هالمرة اكتلج وادفنج ومحد يندلج طريق ماطلكتج حتى لحد يجيب طاريج
وبديت اراقبج ومنعتج من التلفون ومن الطلعه
بس بقيت احسج مو مالتي اني ماجنت اثق بالنسوان وانتي اجيتي خلصتي الموضوع
وفوك كل هذا اهمالج وكل كم يوم زعلانه
وتروحين لبيت اهلج
طلبت منج انو ميصير عدنا طفل ثاني ومجنت اتقرب منج ولكن انتي كمتي مرارا وتكرارا تحاولين ويايه
وضعفت كدامج وبعدها صرتي حامل بعلاوي
اعرف بيج انتي ماعندج شي بعد بس اني فقدت الثقه بيج
وفقدت الاحساس وانتي ماخليتيني اتقرب من كلبج جنتي يوم تقربيني وعشرة تبعديني
مجربتي تحتويني جنتي طلبين من عندي اكلج تغيري بس مافكرتي انج تتغيرين
شنو الفائدة اطلب منج التغير وانتي بداخلج نفس ماهو مايتغير
كمت احس بيج تحبيني واكول اي تحبني ودورات اكول
لا متحبني
جنت اشوفج بحضني ذوبين بس احس حضنج مو ألي
هربت منج لكل وحدة شفتها
....ليش ماعفتني من البدايه
.....ماكدرت ومااعرف ليش
....اني احبك وانت تعرف اني صحيح غلطت بس
ماخنتك وهم انت تعرف
واني جنت اتعذب كل يوم من اشوفك راجع وبيك عطرهن وعلى هدومك حمرتهن وشعرهن جنت ادكطع من جوة
....اني ضكت هذا العذاب من اول مزوجتج جان المفروض ماازوجج لان الي ينبني على غلط يبقى غلط
صعب الرجال يعرف بماضي مرته لان مراح يكدر ينسى ابدا
....اني ماغلطت اني حبيت ودفعت ثمن غلطتي هوايه
بس والله حبيتك والله مافكرت بغيرك
وتصورتك انت نسيت وعشت ويايه وصار عدنا اطفال غيرو شي بس جنت غلطانه
ماتغير شي حتىً
من صرت ام ولدك
...اني مااثق بيج للاسف
...واني صعب بعد اعيش وياك روح عيش حياتك
مثل متريد انت زوجت
بس ترة هي هم سوت وياك علاقه ورغم هذا زوجتها
اذن حاسب نفس وحاسبها هم
..مجاوبتها
....اني اريدك طلكني لان تعبت
...واذا ماطلكتج
...ليش تحبني مثلا هههعههه
....لا بس اني اخاف علي جهالي
.....لتخاف عليهم
...انتي شنو خاف تريدين تزوجين
...يجوز
... يعني شنو كوليلي
....كلشي قسمه
....اي زين
كمت وكفت
....هشام
... شتريدين
...شلونه حضنها
....شنووووً
...ترتاح بحضنها
......ليش مشتعله النار بكلبج
....من زمان مشتعله بس هسه طفت
...ليش طفت
...لانك هسه انت مومالتي انت الها
....لا مبينه تحبيني
....تريدني شسوي مثلا احارب واقاتل علمودك
....اكيد متسوين هيج لان بس الي يحب هيج يسوي
.... اني اعرف بيك متحبني وتستحقرني وشكد حاولت اخليك تنسى الفات ماكدرت لويش اذن احارب
وانزل كبريائي
لخاطر لاشيء
....اي زين خوش تفكرين
....جروحك بكلبي راح تبقى
...لامبينه مرتبه خوش وضعج بس خلي بالج اذا طلكتج و زوجتي اخذ جهالي منج
....اي تربيهم مرتك
...معليج انتي
....هشام خلص كلشي فخلي نحترم قرار بعض وكلمن يروح بطريقه انت مو تريد تبقيني حتى ذلني انت مراح تكدر ذلني اني اخذت قراري وانتهى اريد اعيش حياة جديدة
وانت هم عيش الحياة الي اختاريتها
واتصور الوقت كلش تاخر
واسفه على الماضي مابيدي اغيرة محد يكدر يغير
شي سوا قبل
واحنا طريقنا مسدود جان المفروض نخطي هاي الخطوة من زمان
بس هسه لا انت دتكدر تتخطى الي صار
قبل ولااني اكدر اتخطى الي سويته هسه ولتتصور اني اقبل اكون رقم اثنين بحياتك
ياريت تلكي السعادة وياها
جانت تحجي وعيونها عليه وتحجي بحزن عميق
وبجرح يمكن احنا طريقنا انتهى لهنا وحان الوقت الي راح نفترق بي
يمكن فعلا كلامها صحيح كان المفروض اخذ هاي الخطوة من زمان
بس اني قبل ماكدرت ابعدها عني وهسه هم شلون راح اكدر ابعدها عن حياتي
واني بحاجه الها
جنت دافكر وسمعت صوتها
....هشام
..نعم
...خلينه نطلك حتى نرتاح اثنينا
....وحبج
...اكو ناس مامحظوظه بالحب واني منهم
قربك نار تشتعل بيه ابتعد عني احسن
... داحسج مونفسج الي جنت عايش وياها خمس سنوات كامله
...بليله ويوم الانسان يصحى من حلمه ويضطر يتغير
....اني راح اطلكج بس موهسه
....ليش
.....بدون متعرفين السبب
تصبحين على خير
ومشيت بصفها ويدي طخت يدها
وكفت ونداريت عليها
وكتلها
...ليش طعم الاشياء الي نفقدها يصير احلى
....مثلك شلون هسه انت صاير احلى
وابتسمت الي
ودخلت جوة
وسدت باب المطبخ وظلت واكفه تباوع من ورا الباب لحد ماطلعت اني وسديت الباب
ورحت للبيت
ونمت والصبح اجتي منار وامها
وظلت ام منار تسمعني بالكلام بس اني ماجنت بواهس اردها
وطلعت للدوام ولمن خلص دوامي ورجعت للبيت
خابرتني رواء
....الو
....هشام تعال للبيت
...شكو
يتبع ...
#الكاتبه #روجمان
