البارت السادس
....حبيبي
....ها
...بيك شي
...لا
....لعد ليش صافن
ضحكت ورحت كعدت بصفها
.....مابيه شي صدكيني
....ليش داحسك مو ويايه
...لعد وين اذا مو وياج
...كلبك ويايه
.....اي وياج
....هههه حياتي اني عبالك داحلم ممصدكه انت يمي
وقريب مني لهلدرج
....دورات الاحلام تصير حقيقه
.....بس دورات الحلم يصير كابوس مو صحيح
....ممكن
وسكتت ونزلت راسها
خليت يدي على وجهها وحسيتها مثل الطفل بحضوري
ورفعت راسها على كيفي
...انتي فرحانه
.....ماااكدر انطي فرحتي لااحد ليوم
....مندمانه
...ماااعرف بس مااريد افكر بشي وانت يمي
....وانت مندمان
....ماادردي
باوعتلي بعيون حزينه
..يعني شنو
....يعني انتي هالليله يمي والي ومالتي
.....ههههه خجلتني
اخذت الورد من يدها وخليته على الجربايه
وكمت وكفت وكفتها وباوعت بعينها
وخليت ايدي على السحاب مال بدله وبديت انزلها شويه
شويه وبعدها بستها وحسيت بشوقها وبلمستها المتملكه وبدكات كلبها الغير منتظه وبدفىء حضنها وحرارة انفاسها
وصارت منار زوجتي
ولمن جانت نايمه على صدري واني مغمض عيني
كالتلي
...باشا
...ههههه هاي بعدج دكوليلي باشا
....انت احلى باشا انت الباشا مالتي
.....اها هاي شنو صايرة قويه مينكدرلج
...قويه بيك وبوجودك
....اي زين
....حياتي
....ها
.....ليش مدكلي حبيبتي
....لااكلج بس انتي مامنتبها
...لااني احفظ كلماتك بالذات الي بيها رومانسيه
وحب احسها تجري بشريان
.....فدوة لله ام شعر الاحمر صايرة شاعرة
....هشام حبي
....نعم
....انت بعدك تحبها
فتحت عيني وباوعت ليفوك على السكف
...منو
....رواء
...جاب هذا الموضوع هسه
.....حبيت بس اعرف
.....لتجيبين طاري رواء انتي معليج بيها
ودفعتها من صدري وكمت ورحت للشباك واخذت الباكيت مال الجكاير من فوك الكومدي وطلعت جكارة
وشعلتها
....انت ليش ضجت هيج بسرعه
....مالها داعي تحجين
....اني ماكلت شي مجرد سؤال
....لتسئليني بعد
....ليش
...بدون ليش
والي اكول عليه خلص يعني معناته خلص وبعد ماينفتح
سمعت صوتها نزلت من الجربايه وباوعتها لبست الروب وراحت للحمام واني كعدت على الكرسي
وظليت ساكت
ورا شويه جتي رواء ونامت وتغطت وماحجت ويايه
ذكرتني برواء واني جنت اريد انساها
بس بمجرد ماذكرت اسمها كلشي بيه فز عبالك قرب منار جان حبه المهدء
رواء عدها شي بداخلي بس مدااكدر اوصله يجوز العشرة
يجوز الاطفال بس اكيد الوكت راح ينسني ويخليني اتأقلم ويا
حياتي الجديدة
باوعت جانت منار مندارة
تنهدت ورحت يمها وخرت الغطه ونمت بصفها وتغطيت
وياها
....لتزعلين
....تذكر من كتلك الي تحبك مثل الي تلعب بالنار
غمضت عيني وتنفست قوي وخليت راسها على صدري وجنت العب بشعرها وامشي يدي على خدها
ويدها بس
بالي احسه بالف مكان مو مكان واحد ماجنت عايش اللحظه الي اني بيها هسه جنت مهموم
نمت
وسمعت صوت ادم
....بابا وينك تعال هنا المكان اظلم كلش
....وينك ادم
جنت افتر بمكان اظلم ومااعرف وين اروح مامبين شي
وامشي واحس نفسي بدائرة
ومابيها مكان اطلع منه
....بابا
....وينك ادم
....فوك باوعني
رفعت راسي مشفت شي مشيت وجنت مثل الاعمى خال يدي كدامي حتى اخاف انطخ بشي وحسيت احد لمسني بس ممبين
....صحت بصوت عالي منو
....اني
....رواء وينج مداشوفج
وفزيت على صوت الباب
فتحت عيني جانت منار دتبدل ملابسها
...صباحووووو حبي ماما راح تجي جيبنه الريوك مال عرسان وغمزتلي
.....اي
...يله كوم كلبي هشام شبيك حبيبي
كوم عد
...يله كمت
بس جنت مخنوك من الحلم وخفت خاف بيهم شي
جريت التلفون ودكيت على رواء
ودك وجاوبتني
....الوو
....صباح الخير رواء
جانت منار دتمكيج على المرايه من سمعت اسم رواء وكفت وظلت تباوع عليه
....صباح الخير
....شلونكم
...زينين الحمدلله
...ادم وعلاوي وينهم اريد احجي وياهم
...نايمين اكعدهم
...لا بس هما زينين
...اي زينين
...اي الحمدلله
....خير اكو شي
...لابس حلمت حلم موزين وحبيت اطمن عليهم
....ماكو شي لتخاف
...الحمدلله من يكعدون خلي يخابروني احجي وياهم
....اذا تحب احضرهم وتعال اخذهم
.... مااعرف اشوف
...براحتك مع السلامه
....مع السلامه رواء
منار واكفه وصافنه عليه
كتلها
....شبيج
....متحملت
...شتقصدين
...مااقصد شي
...لتنسين هاي ام ولدي
...اي صحيح اعتذر منك اظاهر نسيت وعافتني وطلعت
من الغرفه
كمت وشمرت الغطه وشمرت التلفون على الفراش وظليت اروح واجي
وطلعت الجكارة وكمت اشرب وباوعت من الشباك اجتي وكفت سيارة بالباب ونزلت ام منار
وياها وحدة هم
خلصت الجكارة ودخلت للحمام غسلت وجهي
ورحت للغرفه لبست بنطرون وقميص
ومشطت شعري واخذت تلفوني ونزلت
جانو كاعدين بالهول دخلت
وكلت
...صباح الخير
جاوبتني ام منار
....صباح الخير وصباحيه مباركه الله يسعدكم
....الله يسلمج
...يله احنا نروح حتى تاخذون راحتكم
....ابقى تريكو ويانه
...لا ميصير نجي غير وكت
....اهلا وسهلا بيج
جانت نظرات ام منار الي بيها اتهامات او كلام بس ماااعرف شنو بالضبط
كامت منار ورا امها وسدت الباب
وبدت طلع الاكل على الميز وسوت جاي وصاحتني
رحت كعدت وماجنت اشتهي أكل وهي هم اكلت شويه
بس شربت تلث كوابه جاي
....ليش هلكد دتشرب جاي
ملامحي جانت مال واحد ضايج
....اني احب الجاي
...شبيك ضايج
....مابيه شي
....بس ملامحك ادل انك ضايج
....تعودي عليه منار اني على غفله اضوج
....معقوله
...اي معقوله
....أكل شويه
....مااشتهي
....ليش
.....لان مجوعان غير
....اوكي براحتك حبيبي
كمت طلعت للحديقه وبعدين دخلت وجيت نمت على القنفه وشغلت التلفزيون وجنت كامش الرمونت واكلب بالقنوات ومجان اكو شي يعجبني
وجتي منار وكعدت يمي
وضحكتلي
...حبيبي احنا مراح نروح شهر عسل
....نروح بس مو هسه اني مااخذت اجازة بس يومين
.....يعني بعد باجر اداوم
....اي
...ليش ماااخذت اجازة اكثر
..مااكدر عندي شغل
...حبيبي بس كم يوم
....الايام الجايه هوايه
.... زين وين راح اطلعني اليوم
....بكيفج
....صدك والله
....اي
...حبيبي انت وباستني
...ههههه
....حبيبي اريد اسئلك سؤال بس لاتزعل وصير عصبي
....لا
....شنو لا شفتهمت انت
....اعرف شتريدين تحجين
....شريد احجي بله
...راح ادكوليلي رواء
مو
.....اي اني اريد اعرف انت طلكت يعني مشيت معامله هي رفعت عليك قضيه مو اني مامرتاحه داحس نفسي بين الجنه والنار واخاف اني الي خربت حياتكم
.....اني كتلج هي متريدني تريد تطلك وخلص سدي الموضوع
....ليش اضوج من اجيب اسمها
....لان كتلج ماكو داعي كل شويه اجيبين اسمها
اوتعلمي انو اسمعين اسمها لان هي ام ولدي
واكيد راح اشوفين ولدي
.....اكيد قابل راح احرمك منهم تكدر شوفهم وجيبهم يشوفوك وبعدين توديهم لاامهم
...ها قصدج اني معليه بجهالك جيبهم ورجعهم لتخافين امهم متعوفهم وعالعموم هذوله ولدي اجيبهم شوكت ماااحب وشوكت مااريد
...انت ليش تريد تسوي مشكله ويايه
اني ماجنت اقصد هيج قصدي انت تشوفهم بااي وقت مراح اكون اني فد يوم بينكم عائق نهائيا واذا تريد جيبهم اربيهم ماعندي مانع اني لخاطرك كلشي اسوي
رفعت حواجبي وشمرت الريمونت قوي على الطبله وكمت اخذت السويج مال سيارة
...وين راح تروح
....اجيب كم حاجه للبيت واجي
....اجي وياك
....لا العصر نطلع شوفي مكان تريدين تروحيله
....اوكي براحتك
طلعت ورحت لبيت اهل منار ودكيت الباب وطلعتلي منار
يمكن شايفتني بالكامرة
فتحت الباب وظلت ورا الباب تحجي ويايه وعلاوي وادم طلعو
....هلووو رواء
.....هلووو
....رواء بيج شي
....لا راح تاخذ الجهال
...اي اغديهم وارجعهم
....اي زين
وسدت الباب
كدتهم من يدهم وصعدتهم للسيارة
ورحنا لمطعم وغديتهم وبعدها رحنه لمول اشترو العاب
وظلو يفترون لحد ماحسيتهم تعبو
رجعتهم يم امهم
ورجعت للبيت جانت الساعه تقريبا بالخمسه العصر
منار كاعدة وكالبه وجهها
....هلو حبيبي
بس تحجي من ورا خشمها
....هلو رواء😧😧😧😧
...شنو عيني اني منار😡😡
... اسف
...جنت يمها مو
....لا
....لعد وين جنت
...اخذت علاوي وادم وغديتهم واشتريتلهم العاب ورجعتهم
....واني الي زوجتني البارحه
...شبيج
.....انت الي شبيك حنيت لو شنو
...المن
...لحياتك لمرتك
...اوف روحي بدلي دنطلع
....مااريد
ومشت بسرعه وراحت للغرفه
لحكتها
....منار
.... لتحاجيني
...اهووو عليه لدكعدين تدللين مثل البنات المراهقات
...يعني هسه اني مراهقه
....شسويت بروحك ياهشام
....شنو
....لا مو يمج الموضوع
....كومي حبيبتي كومي حبابه بدلي حتى نطلع
...تحبني
...اي اكيد
....اوكي راح ابدل
بدلت واني هم وطلعنا ومر على زواجنا عشر ايام منار اخلاقها حلوة ومتفهمه وسوتلي هوايه اشياء
بس ماكنت سعيد
او فرحتي ناقصه بهاي الكم يوم اتصل عليه محامي
رواء وكلي اذا تحب نبدي نمشي بلااجراءات ونحدد يوم تروح للباحثه الاجتماعيه
بماانو انتو متفقين على كلشي
...اي اوكي ماعندي اشكال
والاطفال جنت اروح اشوفهم واطلعهم ويايه وارجعهم ورواء ماشفتها
واليوم رجعت من الدوام وغسلت وطلعت من الحمام وكلتلي منار
....حبيبي
...ها
...تتغدة
...لا موهسه
وسمعت صوت الباب مال مطبخ تندك
كلت هذا منو الي دخل ليجوة بدون ميدك الجرس
جنت لابس بس البجامه الجوة
وسحبت المسدس بسرعه خفت انو احد دخل للبيت عصابه شي
رحت يم الباب جانت رواء
فتحت الباب
...رواء
دخلت جانت ضعفانه مغيرة لون شعرها وكاصه شعرها كصير
ولابس لبس كلش انيق
....تفاجئت بجيتي
...اي
...هشام منو
رفعت عينها رواء وباوعت منار واكفه ورايه
....هاي منو
....اني ام ادم وضحكت
منار ظلت تباوع عليه وبنظراتها استفسار انو هاي شدسوي هنا
بس عيني اني جانت على رواء
شفتها سوت الحركه الي من ضوج سويها وهي الي ظل تفتح وسد بيدها وباوعتني
....ازوجت هشام ماكدرت تنتظر لحد مطلكني
صعب الانتظار
ومشت وراحت وكفت كدام منار
حلوة طول عمرك كنت تعرف تختار الضابط والحسناء ام شعر الاحمر
هههه
كلتلها ل منار
......كون السم الي شربته ضومي وكون الدنيا تجي عليج مثل ماهوايه اجتي عليه
دشوفين هذا الي كدامج احبه اكثر من روحي بس هو داسها لروحي
اخذتي ارتاحيتي بالعافيه عليج
...رواء شتريدين انتي تريدين تطلكين
.....اي صحيح لان كافي اني دانزف من برة ومن جوة دموع بس رغم هذا بعدك مراح يموتني
كلشي يربطني بيك راح اكطعه واشمرة
نسيت وجود منار
وكمت احجي ويا رواء
.....كذابه مدكدرين
.....مثل ماكدرت انت راح اكدر اني
....شمدريج زوجت
...كلبي علمني جنت اعرف الي تريدة
وباوعت على منار
....تعرفين شي اانتي خطيه لان راح تخسرين مثل مااني خسرت
...اني اسفه بس هشام كلي انتي متريدي
...اي صحيح بس من كثرت الوجع لان كلبي تعب
....هشام
....ها منار
......شنو الي ديصير
....مجاوبتها
....رواء ليش اجيتي
....ردت اشوفك بحضن غيري
وخلت يدها على الزنجيل الي اني جنت لابسه بركبتي
....ردت اشوف شلون تكدر تحب وتعيش حتى اني هم اكدر
جانت يدها ولمستها ترجف كلبي كمشت يدها
وكمت احجي واني اضغط على شفتي واحجي بعصبيه
واعصر يدها
....شتريدين ها
ظلت تباوع بعيني وعيونها جانت تلمع
...مااريد شي بس ياريت تكون سعيد
....وانتي شعليج شنو دخلج
...العشرة متهون ياهشام
....هانت يارواء هانت
....اسفه على كلشي
.....ليش
مجاوبتني وباوعت على منار
....مبروك ياعروسه بالعافيه عليج الله يسعدكم لتخافين مني اني مااضرب ولااعيط ولاحتى اجاوز ولاراح اكلج بكتي مني اني انسانه تقنع بلشي من تخسره
تعترف بالخسارة
بس الحياة جولات
من دتطلع
كتلها
.....لتخليني اكرهج
...ليش بعدك مكارهني وضحكت وطلعت وجانت تمشي على كيفها وجنت بعدني واكف اباوعها
لحد ماوصلت للباب وصعدت سيارة وجان صوت السيارة من تمشي يدك بااذني
كمشت راسي وكمت امشي يدي على راسي وارجع شعري ليورة
ومشيت ادور على الباكيت مال جكاير وكمت اجرجر بالغراض وادفعهن ويوكعن
....وينه
...شنو
...كمت اعيط شنو يعني الباكيت مال جكاير جيبي
هذاك وراك على الميز نداريت شفته
رحت جريت الكرسي وكعدت عليه وقربت النفاضه يمي وكمت اشرب جكاير شربت اربعه وحدة ورا الثانيه حسيت صدري قبط
اجتي منار جابتلي كوب جاي خلته كدامي
وكعدت كدامي
....تحبها
....لتحجين سكتي مااريد اسمع صوت اي احد
....شنو دنبي اني
....كافي
....متعرف بنفسك اذا تحبها لولا لو اخذتني تسليه
اني حبيتك بس ماااكدر الومك لان اني المذنبه
اني الي اتحمل نتيجه أفعالي
اني الغبيه الي صدكت مسمعت كلام امي كالتلي راح تخسرين
بس حبيتك مكدرت اطلعك من راسي مكدرت مكدرت مكدرت تعرف شنو يعني
جنت اشرب بالجكاير واشوفها تحجي وتكرر بالكلمات وتحجي باانفعال بس تدعي الهدوء
اني اصورتك تحبني
....اني احبج
....لتكذب عليه وانت اصلا متعرف تكذب
لتباوع بعيوني وتكذب خليك بنظري هشام الي حبيته الى رف كلبي بس سمعت صوته
ظليت خال يدي على راسي
وحسيت التف حبل على ركبتي وديخنكني مداكدر
اسوي شي
.... اني غبيه اني استاهل تحبك ياالله تحبك وانت هم تحبها
اني شسويت بروحي
وكامت تضرب على راسها
شسويت بروحي شلون راح اخلص شلون راح اخلص نفسي
شلون
كلي لظل ساكت انت مو نفسك هشام الي حسيت بي صديقي وحبيبي وكلشي انت مونفسك
وكامت تبجي ودكول
...حتى ماااكدر اشكي لااحد اني اختاريتك اني وكفت بوجه امي علمودك
مااكدر
...كلمه وحدة اريد اسمعها منك بس كلمه
انت
يتبع ...
((كل كلمه اكتبها اشعرها واحاول اوصلها بااحساس اتمنى احساسي ديوصللكم))
#الكاتبه #روجمان
