البارت السابع عشر والاخيرررر ر
....انت تريد تنفصل عن زوجتك
سكتت جانت منار تبجي كلت ياالله هاي البنيه شكد بجت بسببي
يمكن دموعها ماوكفت بس اذا راح ابقى وياها راح ادمرها
هاي مريضه بيه لازم اعوفها حتى طيب مني ومن الوجع الي زرعته بقلبها
رفعت راسي
....اي نعم
...متتراجع عن قرارك
....لا
باوع القاضي علىً منار ومنظرها يكسر القلب
كللها
...بنتي انتي تريدين تنفصلين عن زوجج
ظلت هوايه يله جاوبت
....اي
....متاكدة
....اي
...شكلج مومال تريدين تنفصلين عن زوجج بنتي
راجعي نفسج
....لا
.....اذن الانفصال بالاتفاق بينكم
....اي نعم
....متاكدة راح ارد اسئلج
....اريد اخلص طلكني
القاضي كلش تاثر لان جانت وضعيتها كلش تقهر
اني شكد قلبي قاسي ومااهتم لااحد بس من شفتها
وبالذات هاي اخر مرتين اشوفها
شوفتها دمرني ومنظرها ميروح من بالي
... راح تنفصلون وياريت يكون هذا قراركم
بمصلحتكم
كتب القاضي بلاوراق
والمحامي حجى وياة
واشرلنا نطلع
سئلت المحامي شنو نفصلنا
....اي خلص وقع القاضي
ومد يدة وصافحني.
فرصه سعيدة تعرفت عليك
لمن ردت اطلع شفت ام منار تتمشى ويا المحامي
ومنار كاعدة على كرسي وحاطه يدها على خدها
وصافنه
ردت احجي وياها مشيت ورحت وكفت كدامها
بدون مترفع وجهها
...شتريد بعد مابقى شي تحجي بي
....اسف على الي صار
......يله عادي دفعت الثمن لان فكرت اخذك الي
....انتي قويه منار راح تنسين كلشي وتعيشين
وتزوجين ويصير عندج اطفال
وكفت
وابتسمت
....اني مثل ماكلتلك الي تحبك تلعب بالنار وكتلك الي تحب واحد مثلك صعب تحب بعدك
انت بكلشي مختلف بكلشي مميز حتى بأذيتك
اني عشقتك للدرجه الي مستحيل تخليني احب واحد بعدك
انت دم ينزف بيه مااكدر اوكفه
كم الف مرة كتلك احبك وهالمرة هم راح اكولها لااخر مرة
احبك ومداكدر اكرهك
اجتي امها
....انتي شدسوين امشي
وكمشت يدها
....عوفي يدي خلي احجي كافي كلكم اضغطون عليه كافي اني انسانه كافي
كل واحد يجر بيه بصفحه
.....انت انت
وتمد اصبعها وتضرب على صدري
....انت دمرتني قتلت كلشي حلو بيه بس احبك
....ولج كافي صيحين صوتج فضحتينا
....معليج انتي اني داحجي وياة
....اريد احضنك اخر مرة
....لج تخبلتي امشي
وكامت اجر بيها
وتصيح امها
حسبي الله ونعمه الوكيل خليتها مثل المخبله
جانو العالم واكفين يتفرجون يمكن هاي جانت لحظه الوداع وانتهىً الكلام
وتبقى العين تعبر بالدموع وهذا كان حال منار
ردت اهرب من الكل من الناس من نفسي
من ضميري
وطلعت بسرعه وحسيت نفسي صغير ونهزمت من مصيبه سويتها وخايف من الي راح يحاسبني
وظليت واكف يم سيارتي
لحد متمالكت نفسي. وكدرت اصعد لسيارتي واسوق
ورحت للبيت الي كنت كاعد بي اني ومنار
ودخلت لغرفه النوم
وباوعت على الصورة الي خالتها منار
فتحت الكنتور وشفت هدومها معلكه
والفراش والمخدة مالتها
وعطرها
حسيت بالخنكه
كمت احجي ويا روحي مثل المخبل
واكول
شبيك هشام انت مو تحب رواء مو ردت ترجع الها وهملت
منار شنو الي تريدة انت موردت تبعد عنها مو ندمت لان زوجتها
شنو الي تريدة بعد
كعدت ونعصر كلبي عصر
مااعرف هذا شعوري حب ألم على فراقها او تأنيب ضمير
بس اتصور هيج احسن الي والها
دورات نشعر بضيق ونحس المكان الي بي احنا يبدي يضيق بينا هذا شعوري هسه
اني بكلشي قوي الا حظي بالعشك مثل السعفه
حاولت استجمع كل قوتي ومااانكسر ولاحتى انقهر لان اني متاكد هذا لمصلحتها لان اني تايهه مابين قلبي وعقلي
منار من هاليوم طلعت من حياتي كون تلكه السعادة
وصحيح افترقنا ولكن اظل انسانه دخلت لحياتي وكانت تحمل الي مشاعر صادقه
من بعد هذا اليوم هوايه حسيت نفسي تغيرت يمكن مات شي بداخلي ونولد شي اخر بداخلي
بدت حياتي تصير عمليه جنت احس
بكسر فرحتي و كمت نوبه
اتخيل منار ونوبه اتخيل رواء
كل مرة احس وحدة بحضني بس من اصحى من نومي اشوف نفسي وحدي
مشتاق لكلمه الباشا من منار.
ومشتاق لكلمه حبيبي من رواء
مااعرف احتمال راح اتخبل اني او اني مثل ميكولولي اناني
اكو آهات بكلبي مدتنتهى
....دك التلفون
.... رواء
......الووو
.....هشام الحكني
،....طفرت وكلبي كام يدك عرفت الجهال بيهم شي
...شكو احجي
....ادم وكع على راسه ومغمى عليه وديته للمستشفى بس مفتح تعال الله يخليك
ماااعرف شسوي روحي مفرفحه عليه
تخبلت متت حسيت كلبي وكف من الخوف عليه
....باجر اني يمكم
سديت التلفون ويا رواء
وخابرت صديقي الي يشتغل بالخطوط الجوي
كلي بعد باجر اكو رحله
ماعرفت شلون كمت ادفع الوقت
ادفع وثاني يوم خابرني صديقي
كال حضر روحك باجر اخذت اجازة
وحضرت الجنطه على السريع واجى وقت السفر ورحت للمطار
واخذت المطار رايح جاي ماكدرت اكعد لحظة وطول الوكت ادعي واكول ياربي لاتعاقبني بااطفالي
وجنت قلق لحد ماصعدت للطيارة
وصلت للاردن
ماعرفت شلون طلعت من المطار وشلون خابرت
رواء وكتلها انتو وينكم
كل هذا وعبالك داحس احد ديدفعني على
وجهي
وصلت للمستشفى وشفت رواء واكفه تبجي
رحت يمها
.....احجي شبي الولد
...ماادري
....مديفتح عينه
....وينه
....بهاي الغرفه يمه الدكتور
دخلت
شفت ادم نايم والدكتور واكف فوك راسه
وديفتح عينه
من شفته هيج كلبي وكف رحت بسرعه على الدكتور
....دكتور شبي كلي الله يخليك
....كلي هسه بدة يفتح عينه بس لازم نسويله فحوصات
وتركني الدكتور وطلع بقيت اباوع على ادم نايم
وشعور العجز الي عندي خلاني اجمد بمكاني
رحت عليه وجريت يدة وبستها
ودخلت رواء وضلت تحجي وتبجي حضنتها
...وكتلها
.بعد مااعوفكم
....اني خايفه الله يخليك لتخلي يموت
....لادكولين هيج مابي شي
ومرت عليه خمس ايام عبارة عن كارثه
خمس ايام استرد ادم صحته وكاانما بمعجزة لان للحظات
فقدت الامل كلت ديموت
بس عرفت انو رب العالمين ديختبرني وانو ديشوفني انو هو بااستطاعته يحرك كلبي
للحظات حسيت باام منار من جانت تحجي
وحركت كلبها وشلون اني جنت ألومها
سبحان الله قادر على كل شيء
وادم فتح عينه وبدا يتحرك وكام يريد
يلعب الدرس الي تعلمته بهاي الكم يوم عمري مراح انسى
حسيت شي كلش جبير بداخلي تغير
طلعنا ادم من المستشفى وبدينا نهتم بي اني ورواء
لحد ماقررت انو لازم ارجع عائلتي مثل الاول
وحجيت ويارواء
....رواء
.....نعم اريد احجي وياج
....اوكي
طلعنا للبالكون وكعدنا
....اي شنو تريد تحجي
....رواء اني اريد نرجع مثل قبل
....لا اكيد واحنا حجينا بهذا الموضوع من قبل
.....رواء بطلي عناد
....واذا مابطلت
ضحكت
....تعرفين شسوي
...صدك
....اي
...لا اني هيجي مرتاحه انت زوجت
.....اني طلكتها بالمحكمه
...ليش طلكت الحسناء
...انتي الحسناء ماشفت احلى منج
....وهي
....ضحيه للاسف واني الي ظلمتها واكذب اذا اكلج مداتعذب علمودها
.....ليش هيج تحبها
....لا
.....لعد
....بس اذيتها كلش دمرتها دست عليها
،..واني مادست عليه قبل
.....لا انتي حبيتج للدرجه الي ماكدرت اعترف بيها لنفسي انو احبج جنت حتى خايف اكول احبج بيني وبين نفسي لان الحب ضعف
ودورات يصير مهانه ومذله
...معقوله تحبني وتروح تحب غيري
...اي معقوله اني شفت بيج كل النسوان وكل وحدة جنت اعرفها جنت اقارنها بيج
ودائما كانت المقارنه تنتهي عليج
اني من بعدت عنج حبيتج اكثر او اكتشفت انو اني ماحبيت غيرج
اني يمكن تغيرت ويمكن لا بس بيدج
تسوين ناري جنه
...والكلوب الكسرتها ياهشام
...شعرت بيها بمجرد ماشفت ادم نايم وميتحرك
بمجرد ماشفت نفسي عاجز
الحياة تعلمنا هوايه اشياء
ورب العالمين يبتلينا حتى يطهرنا من ذنوبنا
...مراح تخوني
....لا
.....مداصدكك
....تعرفين اني ماااكذب بس مااريدج فديوم
تأذيني وتعرفين الشي الوحيد الي يأذيني شنو
.... بس اني تغيرت مو نفسها رواء القديمه
...وهو هذا المطلوب بس كون مشاعرج بعدها
....مشاعري زادت مانقصت بس معقوله اسامحك هيج بسهوله
...ليش مو معقوله مدام تحبيني تسامحيني
مثل ماااني سامحتج بس هالمرة اقتلج ترة اذا سويتي شي
....هههه بعدك تهدد
....لاعبالج تغيرت بعدني هشام بس شويه كرهت النسوان
....بس شويه
...اي يعني
غمزتلها
....تعرف شنو اتمنى ياهشام اتمنى اني هسه تعرفت عليك واحبك من جديد واكون اني الانسانه الوحيدة الي تهمك وارجع اتعرف على كلبك من الاول واعيش وياك الحب والاحساس ويصير عندي فضول اعرف كلشي عنك
وكل الي صار ميصير بس نبقى سوا واحد يحب الثاني
....تعرفين اني شريد
....شنو
وتقربت منها وكمشت يدها
...اريد هذيج الي متنام اذا ماغمضت عيني
مشتاق لااهتمامج لنظراتج مااريدج حاضرة واني احس بغيابج
حسي بيه ورحمي كلبي
اريدج تغنيني عن الكل
....وين جنت من زمان
....يمج
شاورتها
...اريدج كلبي ديدك يريد حضنج
باوعت عليه وابتسمت
....مشتاقتلك راح افتح صفحه جديدة لخاطر مامربحياتنا
لخاطر ادم وعلاوي لخاطر كلشي
...تعرف ليش
...اني اكلج ليش
لان انتي الحسناء الوحيدة الي بحياتي
كل الي مرن بحياتي رماد
....زين
...هسه شنسوي
...تجي تخطبني وتزوجني
...ها
....هههههه
من بعدها رحنا لشيخ وعقدنا مرة ثانيه ورجعت
مرة ثانيه رواء مرتي
وجنت كلش مشتاق تجمعنا المشاعر من جديد مشتاق
لحنينها وهي بحضني
اول ماصرت وحدي وياها عشت وياها بخيالي وبكلبي وبكل ذرة من الاحساس املكها
وكاانما اول مرة تجمعنه الدنيا
ولمن حسيت من النوم جان اكو مي دينكط عليه
والضوة تارس الغرفه فتحت تك عين وباوعت رواء كاعدة تنفض شعرها المبلل عليه
....هاي شدسوين
...داكعدكً
يله حبيبي راح يفوتنا موعد الطيارة
...تريدين ترجعين.
..اي اكيد
ورجعنا من وين مابدينا لبيتنا لحياتنا رجعت لعملي بس رجعت انسان مختلف
بقو بحياتي شخصين.
وحدة ماكدرت اسامحها وهي امي وحدة
ماسامحتني هي منار حبيت اشوفها واطمن عليها
وقررت اروح اشوفها
وبعد ماسئلت عنها كالو تشتغل بحضانه
رحت وانتظرتها تطلع من الدوام
ولمن شفتها جانت بعدها مثل الوردة الذبلانه
بس من شافتني لونها نخطف وتغيرت
وحاولت تجاوزني وتمشي بس وكفتها بس كتلها
...منار
...نعم شرايد من جديد
...اجيت اطمن عليج
....قصدك تشوفني عايشه
لتخاف عايشه وكمت اشتغل
...اي زين حبيت اطمن انج بخير
...مبين سعيد ومرتاح
...الحمدلله
....رجعتلها
....اي
......ليش كلما اريد انساك تطلع بوجهي
....نسيتيني
.....صعب انساك وانت تجري بالوريد
بس دأعود نفسي
....خوش اني ردت بس اعرف شلون عايشه
....لتهتم للي مثلي اكيد اني الوحيدة الي دفعت الثمن
والثمن كان عبارة عن كتله من الألم يوم بيوم ديكبر بيه
روح ارجع مرة ثانيه لبيتك واعتبرني مامريت بحياتك
....اتمنالج السعادة
...مااريدها
.....ليش
.....السعادة جانت بقربك ومن رحت انت اخذت فرحتي وسعادتي
بس انت تحبها الها برغم كل الي مرن عليك بس بقت هي الوحيدة الي اخذت كل دكه بكلبك
وراح اكلك مرة ثانيه
انت احلى شعور عشته وأسوء تجربه مرت عليه
مع السلامه ياباشا
(((ابتعاد خطواتها ورؤيتها تبتعد شعرني بأني
عاجز عن التنفس ليس لأني احبها بل لأني جرحتها
ولكني تعلمت بااني لن اجرح قلب بعد الان
وتعلمت بااني سوف اكتفي بمالدي لان شعور الاكتفاء
هو طريقنا الى السعادة)))
(((خلصت قصتنا قصتي ماكنت عبارة عن قصه حب فقط بل قصه تتكلم عن واقع قصتي رساله لكل شاب ولكل بنت
راح أوجه كلمه لكل رجل ياعزيزي
لتحاول تثبت لنفسك انك رجل من خلال انك تجمع النساء داير مدايرك الرجوله احترام الرجوله لمن تعرف انو احترام المرأة من احترامك لتلعب بعواطف انسانه حبتك وسلمتك مشاعرها وحست انت اجمل شي بحياتها
لظن انك مراح تتحاسب على دمعها وعلى حزنها وعلى كسرت كلبها الي تحبها لتخذلها ولتكسرها
كون رجل الها خليها تعتبرك وطن يليق بيها
هي وثقت بيك ومن عادت الانسان الي يحب يوثق بلي يحبه ويسلمله أمره
لان بااعتقادة مدام يحبه مراح يضره
والله بالمرصاد لاتنسى
اما انتي ياعزيزتي لتبنين سعادتج على تعاست غيرج لتخربين حياة حتى تبنين حياة لتسرقي من زوجته واطفاله وتكسرين فرحتهم مثل مداسها راح يدوسج
لان هذا رجل راح يكون متاح لجميع النساء
وتاليته يرجع الها لان مايصح الا الصحيح
وتبقين انتي وحيدة وحزينه ومكسورة
صنعي لنفسج طريق بعيد عن حياة شخص اخر
وغلي نفسج لان الغالي يبقى غالي
ولتخلين انسان يهدج ولتخلين الي رسمو اهلج يجي
انسان ماعندة لا ذمه ولا ضمير يدمرة
ياحبيبتي ظلي شامخه بعفتج واخلاقج وشرفج
وخل بالج
الي يحبج ميلعب عليجً
كلنا نغلط بس لابد انو نصحح اخطائنا والشي الي يدمرة قلبنا
يبني عقلنا
حاولو تختارون كلشي صحيح بحياتكم حتى لتكون حياتكم الباقيه تصحيح اخطاء
كلمات بسيطه ولكني اتمنى ان تجدو بها مايلمس قلوبكم وتحيه خاصه لجميلات وطني
مع تحياتي لكم وحبي واحترامي
#الكاتبه #روجمان
