البارت الثاني عشرررر
فاقد الشيء يعلم وجعه اصدق عبارة لان صدك حسيت هاي الكلمات
ياريت لو علاقتنا بدايه وميهمني شلون تكون النهايه
ياريت بس ياريت فعل ماضي
لو اكدر اتعرف على كلبي من الاول وخلي يحب بس وحدة ويحبها بصدق شعوري مداكدر اوصفه بكلمات بس
اني ماجنت اريد أذي وحدة منهن
بس اكثر وحدة تألمت هي منار لهذا السبب راح احاول
اخليها تعيش سعيدة واجى الوقت الي تطلع رواء من حياتي وتبقى بس ام اطفالي
صحيح هددت وتوعدت بس اني مااكدر أذيها ولااكدر اوقف حياتها كافي اصير اناني وافكر بس بنفسي
هاي الليله جانت اطول ليله تمر عليه
ماكدرت عيوني تغفى ولمن صارت ساعه بالسبعه الصبح نزلت منار مبدله وجهها تعبان جانت مبينه منايمه وبلااي كلام لبست الاطفال الجنط مالتهم واجى السايق
وطلعتهم واني كنت كاعد بس اباوع
بعدها دخلت واخذت جنطتها ولمن دتطلع ندارت عليه
وكفت بمكانها
واجتي تقدمت مني
....دربالك على نفسك هشام ابو ادم ابو ولدي اتمنالك الراحه وين متكون
....هسه ارتاحيتي
....عمر البعد عنك مكان راحه بس بعض الاحيان لازم نتحمل ونبتعد عن الي نحبهم حتى نبدأ حياة جديدة
لان لاانت الي دتكدر تنسى الماضي ولااني اكدر اتحمل وجود وحدة بحياتك يمكن قبل كنت اكول يله الي يعرفها يشوفها باليوم مرة كل كم يوم مرة
بس تاليته يجي ينام يمي تالي اليوم تجمعنا مخدة وحدة
بس هسه
لا انت ملكها لان هي ملكت قلبك وصلت لروحك خمس سنوات ضاعت من حياتي وياك
بس اشكرك على شي واحد
...شنو
....ادم وعلاوي
....انتي هوايه اصريتي على الطلاك صح كتلج مااطلكج
ومااخلي رجال غيري يلمسج بس
مااريد بعد اصير وياج اناني مااريد اظل اظلمج
اريد تعيشين مرتاحه اريدج تكونين سعيدة
وصلت لقناعه انو خلص الي بيني وبينج
ابتسمت ومدت يدها دصافحني
مديت يدي وكمشت يدها وصافحتها
....لو يرجع بيه الوكت مااخلي عيني شوف غيرك
كون بخير علمود نفسك ولظل ضايع الكي روحك
...ان شاءالله
....مع السلامه
ومشت وفتحت الباب وطلعت من البيت
وخابرت السايق مالي كتله تعال
وصلني كال شويه واني يمك
كمت دخلت للغرفه كعدت منار
كتلها
....منار يله كومي دنروح راح يجي السايق
كامت وتفرك بعيونها
....اي كمت
كعدت ولمت غراضنا واني جنت كاعد على الكرسي واشرب جكاير
كامت ترتب الفراش
....حبيبي
جنت صافن ومداسمعها من دتحجي ويايه
....هشام انتبهت عليها
....ها
...اكلت شربت الدوة
...لا ماريد
...والدوة مالتك
...بعدين
..ميصير
وكفت
....كملي لان اريد اروح للبيت اريد انام لان تعبان
...اي ميخالف
طلعت افتر بالبيت ومثل الي مضيع شي
ولمن وصل السايق نزل دك الجرس
صحت على منار
...يله خلصتي
...اي كملت
.....يله تعاي
مشت وكفت بالمطبخ
باوعت على البيت وحسيت انو اني مالي حق بعد بي ولا راح ادخله بعد
طلعت وسديت الباب وخليت المفتاح بالزرعه
وطلعت تلكاني السايق وفتح الباب لمنار والي هم
ولمن كعدت بالسيارة طلعت التلفون ودزيت رساله لر رواء
((( اني رحت من البيت والمفتاح خليته بالزرعه الي يم الباب دربالج على نفسج)))
ولمن خلص الطريق
وصلت للبيت دخلت للغرفه و نزعت ملابسي ونمت
وبعد هذا اليوم
مشى كم يوم وتحسنت صحتي ورجعت للدوام
وبديت اتعامل ويا منار طبيعي
بس ماعندي مشاعر اتجاها بس ماردتها تتأذة
وهي كانت تحاول توصلي بكل الطرق
مكنت ابين الها شي بالعكس كنت احاول ابين انو مرتاح واحاول اطلعها واخليها تغير جو
انما النسوان فحسيت كلبي سود من
تجاهم
ولكن قرب منار مكان يحرك بيه شي
وجودها بجنبي ميخلي لحياتي طعم
وبهاي الفترة ايضا كنت اروح اشوف اطفالي ودورات اجيبهم للبيت بس ماكنت اشوف رواء
والتهيت بشغلي اما الحادث الي تعرضت الى فماوصلت لشي لان الي ضرب عليه طلقات الشرطه هم ضاربين عليه طلقات وميت بنفس اللحظه
واليوم واحد من الايام الي احاول أمشيها
ولكن اليوم كان عيد ميلادي
ولمن رجعت للبيت تكررت عندي الصورة نفس الموقف منار محتفله بعيد ميلادي ومرتبه البيت ومبدله
وجايبه كيكه وهديه
اذكرت بعيد ميلاد زواجنا من جنت ناسي ودخلت للبيت وشفت رواء خاله شموع ورد وذكرت الي جانت لابسته
وهم جنت مداحسها وهسه منار يمي ومداحسها
باوعتني منار
....حبيبي
وجتي عليه بسرعه وباستني
كل عام وانت بخير ان شاءالله ميت سنه
....وانتي بخير
....اليوم عيد ميلاد الباشا مالي واني احس الدنيا كلها فرحانه
...ابتسمت الها
...حبيبي تعال نكص الكيكه
...اوكي
نطتني سجينه وجانت الكيكه عليها صورتي
كصيت الكيكه ونطتني صندوك صغير
... فتحه
فتحته وجان بي مداليه مال سويج مال سيارة عليها اسمي ونازل منها كلمه احبك
....حلوة كلش عاشت يدج
..عجبتك صدك
...اكيد
وكفت وحضنتها وجنت بكل لمسه وحضنه اروح بخيالي لبعيد
وخرت عنها
...تعال اكعد
وكعدت كدامي
وتضحك بس بعينها حزن مااعرف اذا دتمثل عليه الفرح او دتحس بيه موسعيد
كامت فتحت اغنيه
... تركص ويايه
...هههه لا مااحب اركص
...يله
....لا
...اوف منك
جتي كمشتني من يدي وكعدت بصفي
...انت سعيد
...اي
...ليش مديبين عليك
....اني سعيد منار
....اني احبك واريدك يمي مداكدر ابعد عنك
...وليش بعد تبعدين انتي ردتي من البدايه تبقين وحدج مرتي وهسه انتي وحدج بعد شكو
تركت يدي
....شتقصد اني خربت حياتك
...منار لتحجين بعد كافي
...شنو الي كافي بله
....اني عايش وياج ومامقصر عليج بشي ومحترمحج ومامضوجج بحجايه بعد شتريدين
....اريدك انت اريد هذاك هشام الي من جان يحجي ويايه احس الدنيا كلها تنملي حب حتى بدون ميكلي احبج
...هذا حجي مسلسلات الزواج شي والحب شي
...لعد ليش تحب هذيج الي
....دربالج حذرتج اجيبين طاريها من قبل
دربالج يامنار
...شدعوة عيني هلكد ميت عليها
...شوفي لتوصليني بتصرفاتج هاي لتصرف مااريد اسوي
كعدي والتهي بحياتج
...ياحياة هاي الي دتحجي عليها انت بعالم واني بعالم انت بوادي واني بوادي ياحياة
اني داقشمر نفسي ودامشي يومي بس بداخلي ديدكطع
ياحياة فهمني
حياتي الي بكتها مني لو حياتك الي خربتها
لو بالك الي طول اليوم يمها انت مدتكدر تنساها
انت كلبك وعقلك الها روحك ضايعه من دونها
....استغفرالله وتالي وياج مراح نحلص يوميه مسويتلي سالفه جديدة
...شفتيني جبت طاريها
...بلا ماتذكر اسمها احسك واحس روحك شلون مفرفحه عليها
بس كلي ليش سويت هيج بيه
....كافي عد انتي جنتي تعرفين بيه مزوج
وعندي اطفال اني مااخذتج وبكتج ولاانتي صغيرة وضربتج على يدج ولا اجيت خطبتج وكتلج مامزوج انتي تعرفين بكلشي
فخلص كافي عد لايوميه فلم جديدعيشي حياتج وخلص
ولطلعين خبالي عليج ترة ساكت لان داكول خطيه
لستغلين
وتركتها ورحت للغرفه نمت وجتي
...طلكني اذا هيج ياهشام علويش جابر نفسك عليه
...لاحول ولاقوة الابالله
كمت لبست تراكسودي واخذت مفتاحي وتلفوني
وطلعت وظليت افتر بالسيارة
ودك تلفوني
.....كلت اكيد هاي منار
باوعت طلع رقم رواء
جاوبت
...الووو
....بابا
...هابابا حبيبي ليش تبجي
...وينك تعال
....لابابا مااكدر اجي ليش تبجي كلي
...نمت وشفت وحش جبير وانت ماكو يمي
نعصر كلبي
من كلي هيج جان بمدي اروحله واحضنه
.....حبيبي نام هذا حلم محلو هسه تنام وتشوف شغلات حلوة
....اي انام
...باجر اجيك واخذك انت وعلاوي واشتريلكم سيارات
...لا متجي انت
...لااجي يايوم كذب بابا عليك بشي
....انتظرك
...لاهسه نام وباجر اجيك خوش
...خوش
....تصبح على خير حبيبي
وكفت السيارة وحسيت كلبي راح ينفجر
رديت خابرت على رواء
...الووووووو
....هلووو
...شلونك
...الحمدلله
...شبي ادم
...نايم وكعد من النوم يبجي اظاهر شايف حلم محلو
....ظل بالي عليه
....لامابي شي هسه
...اوكي حبيت اطمن عليه
تصبحين على خير
....كل عام وانت بخير
....وانتي بخير مذكرة عيد ميلادي
...طبعا
....احتفلت بي لولا
...يعني
...ها سهرة خاصه
...تقريبا
...بالعافيه عليك
...الله يعافيج
ظلينا ساكتين
....اوكي راح اروح يم ادم خاف هم يجفل
...دربالج عليه واني باجر امرلهم
....عود كلي قبل متجي بشويه حتى احضرهم
.. ان شاءالله
....تصبح على خير واحلام سعيدة ياهشام
....ماظلت احلام سعيدة
...ليش
...الف هم ملأ كلبي
...واني هم انطفأ كلبي واحترك واشتعل بس
عايشه عادي مراح توكف الدنيا
...اي مبين كلشي صار عندج عادي
..كلما نتلاكه لو نتحاجه نتعاتب والمشكله انوميفيد الكلام مويكولون خلي الوداع بي حنيه
وكافي وجع
...باي هشام
...باي
لمن فكرت وسئلت نفسي شنو الي اريدة معقوله اني ضعفت ظليت بين نارين بين وحدة عشت وياها خمس سنوات واكتشفت عنها شي خلاني افقد الثقه بيها وبنفس الوقت ماكدرت اتركها وكان قربها مني مثل النار والجنه نوبه يجويني ونوبه يخليني فوك النجوم
وكلما جنت انجوي منها اروح لغيرها وجنت دائما اخليهن بمقارنه ويا رواء ودائما كانت رواء هي الي تغلب
وبعدها جتي منار كلبت كل حياتي ردتها.
ولكن فجأة صار شيء كام يبعدها عندي
وبدأ كلبي يركض لرواء كلما يشوفها
مدافهم الي ديصير بداخلي بس كلبي صاير رماد
اكيد
موبيدنا نحب وموبيدنا كلبنا ينبض لااشخاص محددين
لان ماكو انسان يختار حياته ويختار طريقه ويختار قدرة
ويختار حبه دائما الحب يختارنا والحياة تختارنه
الدروس والامتحانات الي لازم نجتازها
طول الطريق وطول مااسوق اني افكر احس عقلي راح يوكف من كثرت التفكير
وصلت للبيت وشفت الميز بعدة عليه الكيك والاشياء مال الاحتفال
ومنار ماالها صوت
رحت للغرفه شفتها نايمه رحت نمت بصفها ونداريت عليها وباوعت بوجهها
جانت حلوة تشبه البنات الصغار وهي نايمه
جانت حزينه واعرف اني السبب بس اني داظلم الي داير مدايري وداظل نفسي هم
نمت والصبح رحت للدوام ومناك فكرت انو نسافر اني و منار نغير جو
رحت حجزت لتركيه كلت نظل عشر ايام ونرجع
وبعدها رحت على الاطفال اخذتهم وافتريت وياهم كالعادة وغديتهم ورجعتهم وماشفت رواء جانت واكفه ورا الباب بس ردت اشوفها دخلو الجهال ودتسد الباب
كتلها
... رواء اريد احجي وياج
....لا روح مابينا حجي
دفعت الباب ودخلت وهي مشت جانت تريد تدخل جوة عالسريع ومنزله راسها
مشيت عليها بسرعه
....شبيج رواء شو تنهزمين مني
وكفتها
رفعت وجهها
حسيت جسمي شنج وعظمي كام يطكطك
..ولج هاي شنو وجهج ليش هيج
.... وكعت
....كذابه مستحيل لج منو ضاربج احجي
....محد قابل منو يضربني
....كمشتها قوي احجي
كامت تبجي ودموعها كامت تجري
....والله اشرب من دمه الي سوا هيج بس كوليلي
منو
.... مو احد
...احجي لتخليني اعيط
....صدك ماكو احد
....لجذبين احجي
كمشت وجهها صاحت اخ
...خرب كولي رواء منو
لخاطري كولي
باوعت عليه
...لتخاف عليه مابيه شي
...احجي رواء اني يمج
....هشام اني خايفه
...تخافين واني موجود
منو الي يلمس شعرايه من راسج وهشام عايش ويتنفس
يتبع ...
#الكاتبه #روجمان
