Rope

Rope -9

Unicode
အဝေးကနေ မြင်ရသည့် လူနှစ်ဦး ဟာ ကျွန်တော် သိပ်ချစ်ရသည့် လူသားနဲ့ သူ့ချစ်သူ ဖြစ်သည် ဆိုတာကို တန်းသိလိုက်တာနဲ့ ပြန်လှည့် ထွက်ဖို့ ပြင်လိုက်သည် ... ။

သူတို့ ပျော်ပါစေလေ ...... ။

"Luhan ...... "

ကျွန်တော့် ကလေးလေးရဲ့ ခေါ်သံလေးက နားထဲ တိုးဝင်လာလေတော့ ကျွန်တော် ပြန်လည် လှည့်ကြည့်ကာ ပြုံးပြမိ၏ ... ။

"ကျွန်တော် ......... "

သူ့အိတ်ထဲမှ တစ်ခုခုကို ထုတ်ရန် ပြင်ပြီးမှ ပင်လယ်ဘက်သို့ငေးနေသော Wu Yifanအား ကြည့်ပြီး အိတ်ထဲ ပြန်ထိုးထည့်သော ကလေးငယ် ...... ။

ကျွန်တော့်ကို ပေးစရာ တစ်ခုခုများ ရှိနေခဲ့တာလား?

"ဘယ်တွေ သွားနေတာလဲ ... "

"ဦးလေ ... ကျွန်တော့်ကို နေရာအနှံ့လိုက်ပို့ ပေးနေတာ ... "

Yifan ရဲ့ လက်မောင်းအား တွဲခိုလျက် သဘောကျစွာ ပြောနေသူလေးဟာ သိပ်ကို ပျော်ရွှင်နေပုံရသည် ... ။

ကလေးရဲ့ အပြုံးတွေကို ကျွန်တော်က ဘယ်လို အင်အားနဲ့ ဖျက်ဆီးပစ်ရမလဲဟင် ?

"ကိုယ်တို့ သူငယ်ချင်း နှစ်ယောက် ခဏ စကားပြောချင်တယ် ...... "

"ငါ့မှာ မင်းကို ပြောစရာ မရှိဘူး Luhan ...... "

ကျွန်တော် ကလေးကို မျက်စပစ်ပြလိုက်တော့ Yifan ၏ လက်မောင်းက အကျႋီစကို ဆွဲကိုင်လျက် နှုတ်ခမ်းဆူပြနေသည် ... ။

သူလေးသာ ကျွန်တော့် ချစ်သူ ဖြစ်ခဲ့လျှင် အသည်းယားလွန်းစွာ ရင်ခွင်ထဲမှာပဲ အမြဲတစေ ထွေးပွေ့ထားချင်၏ ...... ။

"ကျွန်တော် Hyun တို့ဆီ သွားလိုက်ဦးမယ်နော် ... "

"ဟူး ......... !"

ကလေးလေး ပြေးထွက်သွားသည့် အခါမှ Wu Yifan ဆီမှ ထွက်လာသော သက်ပြင်းချသံ ... ။ တစ်ခုခုကို တော်တော်လေး စိုးရိမ်နေပုံ ရသည် ... ။