مجنون بيبو

جزء بلا عنوان 4

بارت 4 :
جمعات دكشي ....أو جرتني جهة صالون......جلست حداها أو بقات كتشوف فيا فحلا كتعرفني......ماريا:سميتك عبق ياك؟؟.....أنا؛اه هي هديك مي كنفضل بيبو......ماريا:(حيدات لي لكسكيط أو شعري يلا بان كامل)لاش خانقة راسك بهدشي خليك هكدا زوينة بزاف.......أنا:لا لا خالتي أنا مرتاحة هكدا راك عارفة دنيا مافيها تقة أو خايفة على راسي. من الأحسن نبقى مرجلة هكدا باش حتى واحد ميطمع في.....ماريا:هههه عندك ألحق فهادي اش كنتي كديري هنا بوحدك؟؟....أنا:(تنهدت بقلة حيلة)كنت كنقلب على خدمة راك عارفة أخالتي دنيا صعيبة هنا......ماريا:أو لقيتي شي حاجة؟؟....أنا:هههه لا والو....ماريا:إواا اش بان لك فواحد الفكرة؟؟......أنا:شناهيا؟؟.....ماريا:اش بان لك تونسيني أو تعاونني شوية علا هاد دار لكبيرة راني شرفت أو مبقتش كنقد عليها بوحدي أو منها نخلصك؟؟.....أنا؛(مصدومة)بصح؟؟....هههه ممتيقاش غادي نسخف هاد نهار من كترت المفاجآت.....نقزت عنقتها أو هي بدلاتني لعناق حسيتها فحالي ماما ......ماريا:اوا تافقنا دبا دبا نودي تنعسي أجي نوريك فين....تبعتها طلعاتني لبيت زوين أو صغير فيه ناموسية صغيرة أو بلاكار متوسطة الحجم أو الوانو ناعمة.....أنا:خالتي علاش مفرشة دار أو نتي ساكنة غا بوحدك......حسيت بها فحالة تألمات أو دغية قلبت الموضوع.....أنا:فيا نعاس شكرا لك بزاف حيت عاونتني......ماريا:ماتقولش هاكدا وليتي دبا فحال بنتي لي معنديش.....بست لها راسها أو مشات.....تكسلت او بديت كنتفرج على البيت.....أنا؛ممم جاع حض عندي هادا معرفتش شكون داعي علي اليوم بالخير......شوية سمعت دقان......أنا:دخلي أخالتي......ماريا:بنتي شفتك لابسة سروال أو أيعدبك فنعاس هاكي هادو.....خديت منها لحوايج أو بانوا لي فحال ديال رجالة......أنا:ياكما ساكن معاك شي راجل هنا؟؟.....ماريا؛هههه لا لا هادو ديال حفيدي ولد ولدي مكيجيش غا شي حويجات قبل مينتاقل أو يمشي بقاو عندي منقدرش نعطيك حوايجي حيت مغديش يعجبوك أو أيجيوك قصار بزاف راك عارفة راني كنشرف أو كنتقلص هههه قضي بهادو حتى تجيبي معاك دياولك تصبحي على خير...... مخلاتش لي حتى فرصة نجاوب.......أنا؛هههه هدا حفيد ولا وحش هادشي كبير بزاف......لبست غا تريكو بما أنه طويل بزاف أو جاني كبير تخشيت نعست أو فقلبي واحد سعادة عالم بها غا الله......
اصبحنا وأصبح الملك لالله: تكسلت أو أول مرة كنحس بدفء سعادة أو الفرحة شي نهار كنفيق فيه.....بان لي من سرجم بلي هاد نهار أيدوز زوين.....كان صباح بكري أو وقيلة خالتي مازال مفاقت نوض نصاوب لها لفطور مسكينة......هبطت بديك الحالة أو سمعت مع هبطة دروج صوت خالتي أو شي حد معاها كتوشوش سحابلي غا دوك مالين لحليب أو جورنال ديال صباح......مشيت جهة الكوزينة أو لقيتها عطياني بضهر أو واقفة فلباب ديال لكزينة أو ماشفتش مزيان هداك لكتهدر معه ولكن باينا فيه راجل من الكسدة ديالو لكبيرة.......أنا؛(بصوت كيهمس)خالتي؟؟.... دارت فحال صاعقة أو سدات الباب....ولكن مخفاش علي دوك العينين لي لمحتهم قبل متصد نهائياً......عينين قتلوني بلخلعة أو فيهم واحد لمحة ديال تسلية أو فنفس الوقت فحال ديال شي قتال......أنا؛خالتي شكون هادااك؟؟....ماريا:(بخوف) لا لا حتى حد غا جاري مسكين جاء يطمن علي؟؟.....أنا؛فهاد الوقت؟؟.....ماريا؛اه حيت دبا أنا كنت مريضة أو هو طبيب فهمتي؟؟أجي علاش نضتي دبا سيري كملي نعاسك نصاوب لفطور أو نعيط لك......أنا:(تناسيت الموضوع مجاتش نبقا نسول فيها فوسط دارها)لا لا ولله متحطي يدك أنا سحابلي نتي ناعسة دكشي علاش قررت أنا لنصاوبو......ماريا:ههه أجي نتعاونو......حسيت بها فحالي خايفة أو حتى داز الوقت فاش كنا كنطيبو لفطور عاد رجعت تهدنات معرفتش علاش؟؟........كلينا أو لبست حوايجي تافقت معها فوقاش أنرجع عندها بينما قديت شغلي......توادعت معها أو رجعت لدار عندي....