طبعا انا م قادرة استوعب في شنوو،بقيت شغاله اقول ليها يمه دة كلام شنو البتقولي فيهو دة ،حبوبه مشت العرس وبتجي اسي انتي القال ليك منو ،اسي بجو داخلين مع جدي ، واحدة من النسوان الجو مع امي مسكتني قالت لي جدك وحبوبتك ي بتي من الصباح في المستشفى حصل بيهم حاااادث نحن من الصباح في المستشفى حبوبتك ماتت ي بتي واسي جايبنها في الشارع،قولته ليها حادث شنو ؟طبعا قعدتهه في الأرض،وبقيت اصرخ وانا راسي شطب بالجد ،قالت لي استغفري ي بتي فجأة البيت اتملا كواريك ونسوان الجيران ديل بقن يبكن شويه كدة جا خالي حمد داخل ومعاهو رجال شايلين الجنازة وداخلين بيها والناس دي بقت تكوركك وتطير وتقع ياخي اقسم بالله انا حسيت نفسي كأني بحلم ابدا م قادرة استوعب الحاصل ابدا صراخ الناس دة باقي لي زي الحلم ،جسمي هبط بقيت م قادرة اشيل نفسي تنزيل ماسكاني بي اتجاه وفاطمه بإتجاه،دخلوها الصالون وبدو يحممو فيها طبعا دة كلووو انا م مستوعبهه،وتنزيل شغالهه تضرب فيني وبتقول لي شهد هي شهد اصحي وبترش فيني مويه وانا مفتحهه عيوني بس م بتحرك ولا حركه ولا منزله ولا دمعهه،اثناء م بحممو في حبوبه ،فجأة نشوف ليك عمه امي بتتمرغ في التراب وبتكورك بأعلى صوتها وبتقوول:واااااي ي اخوووي ،ي حليلك ي الحنين ي شيال التقيلهه ي حليلكك احيييييييي ي اخوووي ،احي ي المشيت خليتنا،نحن تاني نقبل وين ونقول ي منوو😭😭😭😭😭الناس بقو يتلفتو قالو في شنو،جا ابو طالب ود حمد خالي قال مسكها قال ليها قومي ي حبوبه الله يصبرنا على فراقهم،الناس بقت تقول شيخ اللمام مات ،وقامو يكوركو من اول وجديد ،وسط دة كلووو انا م كنت حاسه بي شي لسهه ،فاطمه لما جابو خبر وفاة جدي قامت تبكي وتصرخ وبقت تقول لي شهد جدي اللمام مات م سامعهه انتي جدي اللمام مات 😭تنزيل بقت تكفت فيني وبتقول لي شهد هي اتكلمي معااااي انتي سامعاني😭 بيتنا دة بقى عبارة عن اصوات ناس كلها بتصرخ بصووت وااحد،والبيت دة اتملى العميان سايق الكسيح ،يعني في لمح البصر خبر الوفاة دة لفة الدنيا كلها،بعد المغرب طبعا حبوبه لسهه م كان طلعوها،جو داخلين رجال شايلين جنازة جدي ،تنزيل قالت لي شهد جابو جنازة جدي وااااي شوفيها 😭 زينب شالت كوز المويه وكشحتو لي في وشي وادتني كف ي دوب استوعبت الحاصل وقمتهه جاريهه على صالون الرجال ،لقيتهم مدخلين جدي الصالون قولته ليهم دة شنوووو؟جدي مالو ليه شايلنو كدة؟نزلوهو بمشي براهو ،😭خالي ابوالقاسم مسكني قولته ليهو خالي فكني خليني امشي لي جدي😭😭😭😭اتفكيت منو وجريت دخلته الصالو الدخلوهو فيهو ،اول م دخلتهه مسكني دكتور هاشم ،وبقى يتكلم معي وبحاول يهدي فيني ،وانا نهائي م عايزة استوعب بس شغاله اقول ليهو فكني انا دايرة امشي لي جدي انت بس قول لي جدي ماالو شايلنو كدة،😭قال لي ي شهد ي بتي جدك دة قضاء وقدر ،وأراد الله ربنا يتوفاه ونحن م بنقدر نقول شي غير انو ندعي ليهو بالرحمهه ،انتي كمان انا عارفها صعبهه عليك لكن كل البتقدري عليهو تمشي تتوضي وتصلي ليك ركعتين انعلي الشيطان ي بتي وتعالي شيلي منهم العفو،بقيت اقول ليهو لالا جدي م مات ،م مات جدي😭وانا بتكلم كدة اغمى علي تاني م وعيت على نفسي الا وانا راقدة في رجلين امي وخالتي مرام واقعهه جنبنا في الأرض والناس دي تكورك وتبكي وناس تقول الجنازات طلعوهم الناس خلاص ماشين المقابر نطيت من محلي وجريت اتجاه الرجال لقيتهم شايلن الجنازتين مطلعنهم في نفس الوقت ،خالي ابو القاسم كان متلصق في الحيطهه وببكي ودكتور هاشم كان ببكي بإتجاه يعني اي راجل عيني وقعت عليهو بلقاهو ببكي😭قمته جاريهه مسكتهه في العنقريب الشايلين فيهو جنازة واحد منهم ،دكتور هاشم مسكني قال للنسوان دخلوها جوه💔عقلي م كان عايز يتقبل فكرة انو انا فقدتهه اعزة اتنين في حياتي في لمح البصر كدة ،حالتي كانت صعبهه لأبعد الحدود،متخلين معاااي صعوبهه الموقف؟احساس انك تفقد الناس اللي كانو سندك ومحور حياتكك كلها يتلاشو في كسر من الثانيهه كدة يخلوك إنت من غير تالي ولا والي ،إحساس الخوف البجيك لما تحتاج وم تلقى زول يمسك يدك وحتى لو لقيت م حيكون زي مسكتهم،💔احساس الوحدة البتحس بيها والفراغ الحيحصل ليكك بعدهم عمرو م حيتعوض حتى لو بألف شخص ،انا اتمنيت بجد انو ربنا ياخدني معاهم لأني جزؤ منهم ، وبديت اعاتب نفسي لأني رفضتهه امشي معاهم العرس، يعني انا بعدهم اعمل شنوو،واقول ي منوو تاني،اقبل على وين😭💔ي دوووب حسيت بي احساس انو الزول يكون يتيم💔احساس قاتل بجد دة المعنى الحقيقي للألم 💔بعد اسبووع من الوفاة بقيت اعاين للحوالي ومستغربه فيهم خالي حامد اللي م بسأل في امو وابوهو ولا بفتكرهم بي تلفون حتى ،ولا خالتي مرام الساكنه الخرطوم وم بتجيهم الا بعد سنتين وتلاتهه سنوات وبتتصل عليهم في السنهه مره ،ولا امي الما ساكنهه بعيدة مننا بس م شايلهه همهم وماسكهه في راجلها بي يديها وكرعيها ،دموعهم حسيتها مزيفهه،الحنيهه جاتهم فجأة بعد م جدي وحبوبه اتوفو ،عدت ايام الو
فاة ،بس ابدا م كنت بقدر انوم ولا بقدر اقعد في البيت ،كل ركن في البيت بزكرني موقف معاهم بتخيلو كأنو حاصل في اللحظهه دي،حياتي اتغيرت 360درجهه اتحولت لي جحيم ، احيانا كنت بحس راسي شاااطب وم بستوعب شي ودايما سرحانهه ووحدانيهه بس بالرغم من دة كلوو كنت بمسك نفسي بالقرءان ،تنزيل كانت كل م تجي تلقاني سرحانهه بتمسكني المصحف بتقول لي استغفري واقري ليك ايات من البقرة 💔بعد الأربعين الناس دي كلها رجعت لحياتها الطبيعيه ،خالتي مرام رجعت بيتها بعد السبعهه مباشرة ، انا وخالي ابو القاسم كنا الوحيدين الدنيا مسخت علينا💔طبعا امي وولدها وبتها الصغيرة قعدو معانا في البيت..خالي ابو القاسم بمشي المكان البدرس فيهو وبجي راجع خميس وجمعهه،،م كنت حابه فكرة انو امي وراجلها يقعدو معانا في البيت ابدا،والله م بحبهم نهائي ،حصل شفتو ليكم زول م بطيق امو؟انا م بطيقها عارفهه انو م صح اقول الكلام دة بس م بيدي 💔م عارفه ليه بس بحس بروحي مخنوقهه وانا معاها💔في يوم جيت راجعهه من المدرسهه سامعه راجل امي بتكلم معاها قال ليها:تاني م راجعين نرجع لشنوو؟ياهو بيت ابوك حدادي مدادي وم فيهو زول غيرنا ،وابوك مخلي بقر وغنم ومخازن ملانهه عيش ديل دايرانا نخليهم لي ناس الحله يعني ولا شنو؟امي قالت ليهو ي راجل ها ابو القاسم بجي بتصرف فيهم نحن نرجع بيتنا نشوف اشغالنا،،قال ليها ابو القاسم م فاضي عشان يتصرف فيهم ،وبعدين بيت كبير زي دة تخلي لشنوو؟؟وبتك تخليها لمنوو؟امي قالت ليهو بتي بسوقها معاي م بخليها وراي💔قال ليها تسوقيها وين ومنو البتحمل مسؤليتعا انا الفيني مكفيني ااولادك الاتنين ديل م قادر اتحمل مسؤليتهم لمن اتحمل لي مسؤليه بت تالته مالي ومال المحن ووجع الراس نقعد هنا بس ماكلين ،شاربين،وكل شي متوووفر😅طبعا ابدا م اتصدمتهه عشان اتعودتهه خلاص اتقبل اي شي اصلا بقى ماف شي فارق معاي سكته سااي وجيت ماشه فيهم امي اول م شافتني قالت ليهو اسكت هسسس خلاص💔عاين لي قال ليها اسكت ليه خليها تسمع كان سمعت ماشهه تعمل لينا شنوو يعني؟😒✋دخلتهه الاوضهه بديت اغير في ملابسي اثناء م انا بغير كدة راجل امي جا داخل علي طبعا انا اتخلعتهه قولته ليهو بي خلعهه ونهرهه م شايفني بلبس مالك في شنوو😠عاين لي من فوق لي تحت قال لي ماف شي مالكك بتخجلي مني انا زي ابوووك،،😅قولتهه ليهو معليش بس انت م ابوووي وانا قاعدة اغير،😠فجأة امي جات داخله قالت ليهو في شنوو ي عوض😨..
