بعد مسااافهه قال لي اهدي ي بت الناس الكلب رجع والله . حتى اثرو ماف...قال لي ساكنهه وين انت وجايه من وين نص الليل دة؟؟؟....طبعا هو بسألني وانا ولا جاوبتو وجريت بيتنا ،لمن بقيت اللهث زي الكلب من شدة م جريت ،ورجولي داخلته بيهم في الشوك م حسيت بيهم الا بعد م وصلته البيت😭😂لقيت امي وشفق واحمد اخووي واقفين لي في الشارع ...امي قال لي ي بت شهد مالك اتأخرتي كدة؟ومالو نفسك دة قايم كدة؟قولته ليها يمه سكاني كلب الله يأزاهو😭احمد اخوي قعد يضحكك قال لي تجري ي كبيرة😛😂قولته ليهو انشاءالله يوم يعضيكك😒امي قالت لي انتي زاااتك المأخرك كدة شنوو؟قولته ليها يمه العيانين الليله كتار في المركز عشان كدة😢قالت لي سمح خشي ارتاحي اخت ليك اكل تاكلي❤قولته ليها خلاص سمح ،دخلته اغير ملابسي جات شفق قالت لي ث ث ثهدي الليله م وليتكك😅قولته ليها اها في شنووز؟😒قالت لي كان ثوفتي الليله ناس دكتول هاثم دوهم ناس بي تلاتهه علبات ثمحات ثماحه 😍#الترجمه(كان شوفتي الليله ناس دكتور هاشم جوهم ناس بي تلاته عربات سمحات سماحهه)قولته ليها اي دة بكوون ولدو منذر العريس جا من السفر اها تاني في شنوو؟😒طبعا عامله زي قناة الجزيرة بتجيب ليكك الأخباار طاااازة بي بهاارها😂قالت لي والعلبيات نزلو منهم حجات كتاااال كمان❤طلعته رقدته في سريري وهي لسهه شغاله تنضم ،قولته ليها شفق م تكتري فيني الكلام ياخ انا فترانه تعالي عصري لي رجولي ديل😭قالت لي م بعصل(بعصر)ليك مث قولتي م أكتل فيك الكلام😒قامت ماشه قولته ليها خلاص بديك جنيه تعالي😢طبعا ماديهه حقيرة شديد م بتمشي إلا بالقرووووش😂😒قالت لي قولي والله😍قولته ليها والله😒قالت لي عريسك عبدالله وقعدت تضحك،🙈😻اتخيلوها حيوانهه كيف😒 قولته ليها متخلفهه دي😒صباح اليوم التاني كان الخميس صحيت على صوت امي وهي بتصحي فيني وبتقول لي ،شهدي هووي ي بت هااا الشمس دي طقتك زي دة وانتي م حاسه بيها؟قولته ليها يمه ياخ انا تعبانه مالكم معااي؟قالت لي قومي ادخلي جوة من الشمس دي وصلتك انتي م ماشه المركز؟😒فتحته راسي لقيت الدنيا نهاار عديل نطيت من السرير قولته ليها الليلخ ووب دكتور هاشم بكون مشى المركز ولقاهو قافل 😨امي قالت لي المفتاح عندك؟قولته ليها اااي من امس ،قالت لي خلاص اجهزي سريع الشاي جاهز اشربي وامشي❤جهزته سريع سريع وطلعته لقيت احمد اخوووي قال لي اسي لقيت دكتور هاشم ...قولته ليهو وين؟قال لي لقيتو جاي من السووق ولا من وين م عاارف دخل بيتهم،قولته خلاص معناها مشى المركز ولقاهو قافل 😢💔امي قالت لي اشربي الشاي وامشي خلاص،قولته ليها لالا اتأخرتهه م بقدر،،،قالت لي ي بت انتي من امس على لحم بطنك عشاء م اتعشيتي 😒😠قولته ليها م بقدر انتظر الشاي يبرد لكن كان عوستي كسرة رسليها لي مع احمد في المركز سمح؟قالت لي سمح...اثناء م انا طالعه لقيت شفق كانت في الشارع جات داخله قالت لي ث ث ث ثهدي دكتول هاثم قال ليك تعالي ليهو في البيت،❤قولته لبها خالي هاشم قال ليك كدة😰قالت لي اااااي...قولته ليها طيب اجري لي امي تحميك سرعهه وسخانه كدة واقفه في الشارع😠طلعته الشارع اول م وقفتهه كدة اتفاجأ ليك بالعربات واقفات قدام بيت خالي هاااشم، عاااد ي يمه العربات الماخمج سمحات سماحة وقزازهم اسود كمان وحتى وهم مغبرات بلمعن ويسون كدي😂جيت وقفته قدام واحدة فيهم وقعدته اصلح في توبي طبعا انا على الدوام بكمم وشي بالتوب م بخليهو فاتح بحس نفسي م مرتاحه لو فتحتو،المهم صلحته توبي زييين ومشيت دقيت الباب❤طبعا ناس دكتور هاشم عندهم بابين ،الباب الكبير بإتجاه الصالون حق الرجال والباب الصغير بدخلو بيهو النسوان❤المهم انا قعدته ادق مسااااافهه في الباب ،ماف زول فتح لي الباب بقيت ادق بأقصى قوتي لمن يديني وجعوني ،بعد مسااافهه فجأة اسمع ليك زول بقول لي لو سمحتي 😊ابيت اتلفت وواصلته في دق الباب هو بتكلم معي وانا لسه مصصصرة م اتلفت😂قال لي ي أخت ،اتلفته عليهو قولته ليهو انا؟قال لي ااايوة انتي الزول كان طالع من باب الرجال،قال لي الناس ديل شكلهم بعيدين م اظن يسمعوك او يفتحو ليك،اذا حابهه اتفضلي تعالي ادخلي ليها بي باب النص الهنا،،،طبعا انا فضلته متصمغه وبعاين للولد زي الهبله ،لا م هبله انا اتهبلتهه عديل ،ونبرة صوتو م غريبه علي ،فجأة اتزكرته انو دي نفس نبرة صوت الزول الأمس طرد مني الكلب ونفس طريقه الكلام ،كنت مترددة قولته ليهو هم قاعدين؟قال لي ايوة موجودين إتفضلي ،طبعا ماسك ليهو تلفووون كبييير اثناء م بتكلم معي جاتو مكالمه ردة وقال :ي بشبوووش صباح السرور والله جووو البلد فااايتكك ياااااخ وقعد يضحك😂وانا المتخلفهه لسه واقفه بعاين ليهو حلات الضحكه وبياااض السنون عندو في اللحظه ديك كان المفروض بدل العيون اقول السنووون الشالو قلبي🙈🙊عاين لي ونزل تلفونو وقال لي اتفضلي 😊دخلته وقعدته اسلم زول جايب خبري ماف ،فجأة تنزيل طلعت قالت لي شهودة😍قولته ليها وين انتو ساعه كامله بدق في الباب ،قالت لي
من متين ي زوله انا ي دوب صحيت من النوم ودخلته الحمام امي وابرار شكلهم مشو السوق...قولته ليها اهاااا علشان كدة الا دخلته بي باب الرجال😒قعدت تضحك قالت لي ي زفته م قولتي لي حمدلله على سلامه منذر واااي م وريتك طبعا منذر جاب لي معاهو تلفون من السعوديه 😍🙈قولته ليها حمدلله على سلامة العريس يااخي😍قالت لي الله يسلمك بقيتي م بتجي للناس الا بالتحنيس ي حيوانة😒قولته ليها لالا والله بس عشان بمشي المركز وبرجع بمشي الكور وكدة...قالت لي بعد كدة لا في مركز لا في كورس م بنعرف ليك خالي هاشم تاني تجي تساعدينا في البيب العرس كلو فضل ليهو اقل من اسبوع بطلي حركاتك دي😒قولته ليها انشاءالله طيب وين خالي هاشم اسي؟قالت لي ابووي دة م عارفه وين دقيقه اشوفو ليك وقعدت تنادي فيهو ،قال ليها انا هنا في الغرقه مالك؟قالت لي تعالي ياهو ،دخلنا ليهو بعد م سلمته عليهو قال لي انا الليله م ماشي المركز عشان معانا اصحاب منذر وكدة لكن انتي امشي المركز بتلقي دكتورة سميه واكرام قاعدين منتظرنك ،قولته ليهو خلاص تمام وحمدلله على سلامه منذر كمان😍تنزيل قالت ليهو ابووي اهرشها لينا بقت لا بتجينا لا شغاله بينا اسي ناس فاطمه ومريم صباح على مساء معاي😒ضحك قال ليها اي تاني بعد كدة تجي تساعدكم دة عرس اخوها في زول م بساعد في عرس اخوهو؟😂المهم بعدها طلعته مشيت ،يوم الجمعه كان عندي غسيل طلعته الصباح بدري مشيت غسلتهه في البحر تمام وجيت راجعهه لما خلاص قربتهه على البيت عتر لي حجر قدام بابنا فقدته توازني وطشت الملابس طاااار فوووق ووقع 😭اتخيلو غسل تلاتهه ساعات 💔يااااخي انا راسي لمن لفهه من الصدمهه فضلته واقفه وبعاين ليهم😢فجأة اسمع ليك زول بقول لي ي ساااتر ي ساااتر💔 رفعته راسي لقيت الولد الفتح لي الباب في بيت ناس دكتور هاشم ومعاهو واحد تاني ،ولا فكرو يجو يساعدوني ويلمو معاي الملابس واقفين وبعاينو لي،الولد المعاهو قال لي الا تديهم غسله تاني ي خالتو،😊اتخيلو قال لي خالتو😳😏علشان مكمكمه وشي المتخلف اااااخ بس كلمه خالتو دي نزلت لي في معدتي حارة كيف 😒 قولته لي نفسي الحمدلله الماوقعته انا كان حيكون احراج م بعدو احراج وووب😢ولا اتكلمته معاهم لميت ملابسي و شلتهم ودخلته زهجانه وشغاله اتكلم مع برااي والله تاني م اغسلهم كان غسلتهم ابقى هطله بجد😠امي قالت لي ي بت شهد بتنطني براااك مالك ؟قولته ليها يمه الملابس وقعت في الأرض كلها😭قالت لي كرر علي خلاص خليهن انا بجي بغسلهن ليك...قولته ليها سمح في شي بياكلوهو؟قالت لي امشي المطبخ اكلي❤دخلته المطبخ جهزته لي اكل طبعا مطبخنا فيهو شباك فاتح في الشارع بنشوف فيهو الماشي والغاشي وفاتح بالظبط في بيت ناس خالو هاشم 😂قعدته اكل واعاين للشارع فجأة جو اولاد طالعين من بيت ناس خالو هاشم،على طول وقفته بالجنبه علشان م يشوفوني ،عاااد كلهم لابسين ليك الجلاليب البيضاء دي تسوو كدي ،واي واحد فيهم اسمح من التاني شكلهم ماشين صلاة الجمعه،قولته شله زي طغم الحلل مع اختلاف المقاسات😁والولد الساعدني وفتح لي الباب داك لابس ليهو جلابيه(على الله) باللون الرمادي ولابس نظارة سوداء وماسك التلفون في يدو وشغال فيهو وبتبسم سااااي...🙊بقيت متنحهه وبعاين فيهو ياااخي شخصيتو شدة م ملفتهه للنظر لمن ممله ،،،فجأة جات شفق العارض قالت لي ث ث ثهدي انتي بتعايني في ثنووو؟؟لمن خلعتني الكريهه😠...قولت ليها م بعاين في شي،😏😒قالت لي خلاص واقفهه في الثباك مالك؟؟؟....😅
#نتلاقى😅
