،ااخر مرة انا شلته التلفون واتصلته والولد فتح لي مكبر الصوت،الخط فتح فچاة سمعنا خالتي بتقول :اقفل الخط دة اقفلو سرعه سرعه،....وعلى طوول فصل الخط،الولد عاين لي بإستغراب قال لي انتي متأكدة انو دة رغم خالتك؟قولته ليهو ايوة،قال لي سبحان الله والله كدة دقيقه ارجع فيهو تاني،انا طبعا فهمته حركة خالتي قولته ليهو لالا م ترجع خليها😊قال لينا خلاص انتو اقعدو هنا لحدي يوم بكرة السبت وانشاءالله ربنا بحلها،بالفعل قعدنا لحدي يوم السبت المساء كدة قال لينا بكرة المدرسه والطلبه بجو نازلين عشان كدة في بيت على يمينا مباشرة بفتح في الظلط هو مكسسر وم فيهو سووور ويدو داير يبنيهو عمارة ي دووووب بقوم فيها لكن م كسر الغرف ممكن اوديكم تقعدو فيهو فترة بعدها ممكن تشوفو ليكم بيت كويس،،امي سكتت مساافه ،طبعا م بيدنا غير الحل دة اها نمشي وين؟قولته ليهو طييب م عندنا مشكله بنقعد فيهو😊بالفعل ساقنا ودانا البيت جنب الجامع فاصل بينهم شاارع بس،طبعا مهما وصفته بشاعهه البيت م حأقدر اكفي،الحيط كلها واقعهويعني عادي الماشي والغاشي يشوف لينا،وسيد البيت ي دووب مقوم الأعمدة بتاعه البنا وم مكمله زاتها،الولد م قصر معانا والله جاب لينا فرشه وعندو هيتر صغير كدة جابو لينا وجاب لينا حله، طبعا اول يووم في البيت دة كان اصعب يوووم يمكن يكون في حياتي وفي حياة امي،لا انا نمته لا هي نامت،امي كانت صاحيه وحارسانا وبتقرأ في القرءان وبتحصن فينا والكلاب دي تنبح في الشارع واضاءة العمارات الجنبنا كلها نازله لينا في وشوشنا واصوات العربات ماشه وجايه ،وانا كل تفكيري كان في عمتي خديجه،قولته لي نفسي حتقول علي شنوو؟؟على الأقل المفروض كان امشي اودعها ،ولا اكلمها حتى😢😭💔طيب نحن حياتنا اسي الحيحصل فيها شنوو؟؟؟نحن حنقول ي منو بعد م جينا البلد الغريبه المابنعرف فيها ولا شي دي؟؟ ،،،صباح اليوم التاني الولد جا بدري سلم علينا وجاب لينا حجات الشاي وخدار للفطور،،يعني بجد إتأكدته انو لسسه الدنيا بخيرها يعني الولد دة لا بيعرفنا لا بنعرفو بس بالرغم من دة كلوو بساعد فينا وحتى من غير مقابل،سبحان الله بس،امي قالت ليهو الله يرضى عليك ي ولدي والله صحي زي م بتقول امي في كل بلد عندك ولد❤ضحك قال ليها العفو ي اختي والله م عملته شي غير الواجب وانتي م كبيرة للدرجه التقولي لي فيها ولدي انتي زي اختي وانا زاتي عندي اخوات وم بتمنى يمر موقف زي دة عليهم والله ،،،وانا شغال حارس في الجامع والمدرسه دي اذا احتجتو اي شي رسلي لي ولدك الصغيروني دة كويس؟امي قالت ليهو انشاءالله والله،طبعا بحب يشيل شفق لما قام طالع مزلها واداها قروش قال ليها اشتري ليك بيهم حلاوة وطلع مشى،طبعا الناس الساكنين جنبنا بيوتهم كلهم عمارات ومباني كيف كيف،صراحه كنا مخلوعين بالشايفنو لأنو اول مرة نجي الخرطوم واظن كنا بنحلم بيها حلم بس😂💔وطبعا كانو بعاينو لينا من فوق زي الحاجه الشينه يعلم الله والعجب عيالهم استغفرالله بس😪عدينا اسبووع،امي كانت كل يوم بنفس الحاله بتسااهر الليل كلو علشان تحرسنا،كنا بنوم في الفرشه بس لا عندنا مخدات لا غيرو،وامي كانت في يدها 150جنيه بس م اكتر،لكن سبحان الله ال150جنيه دي كأنها 150مليون ابدا م خلصت ،بعد فترررة في يوم امي قالت لي قعدتي دي كدة م بتنفع الا امشي أفتش لي شغل في اااي مكان عشان نقدر ناكل ونشرب،قولته ليها يمة لكن تشتغلي وين؟قالت لي دي المدينه الواحد في اي مكان بلقى شغل اسي كان طلعته لي ناس العمارات الجنبنا ديل بشتغل في بيوتهم انشاءالله اغسل ليهم واكوي ليهم ولا ممكن اطبخ ليهم زاتو مالو الشغل م عيب،،،قولته ليها كيف تغسلي وتكوي ي امي قولي كلام معقول،قالت لي اها ي بتي كلام معقول اكتر من كدة كيف؟قروشنا دي لو انتهت تاني نقول ي منو؟عشان كدة افضل بدري بدري اشوف لي كلام شغل،قولته ليها خلاص كان اشتغلتي انا زاتي بشتغل معاكي اااي شي،قالت لي اها كان انتي اشتغلتي اخوانك ديل البمسكهم منوو؟م بنقدر نخليهم براهم في البيت،قولته ليها م عارفه غايتو المهم انا بشتغل معاك،بالعصر كدة طلعت مشت علشان تفتش ليها شغل معظم الناس الدخلت ليهم م شغلوها جات راجعه البيت،قالت لي م لقيت واللع،قولته ليها م كلمتك ديل م بشغلو ااي زول سااي،بعد م صلت العصر مسكت المصحف وقعدت تقرى في سورة البقرة لغااايه المغرب اذن،عدينا يومين وامي دي بس كانت ماسكه سورة البقرة وبتقرى فيها،في الجانب التاني احمد اخوووي طلع الشارع وقعد يلعب بالحجار مع شفق اختي😂طبعا الحي فاااضي غير صوت العربات م بتسمعي فيهو شي وشفعهم ولا بالغلط م بتلقو في الشارع😂احمد بالعب بالحجار زي( البلي )كدة طلعته الشارع علشان اناديهو لقيتو بلعبو معاهو ولدين شكلهم توأم ،هم فاهمين اي شي وهو بوريهم بلعبو كيف😂💔قولته ليهو احمد تعال داخل البيت امي قالت ليك،سوقتهم ودخلته ،يعلم الله م تم اسبووعين شفع الحي كلهم بقو بلعبو معاهو،مع انهم كانو بقيفو بعيد وبعاينو ليهو😂💔حبوبة واحد من الأولاد البلعبو مع أحمد جاتنا في البيت وسلمت علينا وقالت لي امي انتي جيتي قولتي عايزة شغل ونحن دايرين لينا واحدة بتطبخ لو بتعرفي تعالي اشتغلي معانا بالاسبوع،امي م صدقت سبحان الله قالت ليها بعرف اطبخ والله طوالي بجي بشتغل معاكم،،،بالفعل امي اشتغلت والمره م قصرت ادتنا سريرين بي فرشاتهم❤في يوم امي جات من الشغل قالت لي هوووي ي شهد قالو نتيجة امتحات الشهادة طلعت الليله،قولته ليها الكلمك منوو😳وانا خلااااص مسكني هبووط من الخوف،قالت لي الناس الشغاله معاهم عندهم بت بتهم ممتحنه زاتها اسي طلعو ليها نتيجتها من النصيب حقهم دة،قولته ليها سمح انا اطلعها من وين؟؟قالت لي اكتبي لي رقم الجلوس حقك وانا بوديها ليهم يطلعوها ليك سمح؟ قولته ليها ماف ورقه وقلم لكن احفظي الرقم،اديتها ليهو ومشت وانا في البيت خلاص اعصابي تلفت قولته لنفسي اصلا م بتنجحي ي شهد تنجحي ليها شنووو،يئستهه لدرجه ،وكل م امي تتأخر انا بهبط زيادة،شويه كدة جات داخله ومسكتني وقعدت تبكي،قولته لنفسي خلاااص معناها م نجحتي ي شهد،شويه كدة امي قعدت تزغررد قالت لي مبروووووووك ي بتي نجحتي ،قولته ليها بي حيل ميييت ونفس مقطووع جبته كم؟قالت لي 90.9طبعا انا م صدقته قولته ليها انتي جادة؟قالت لي والله ي بتي اسي طلعتها لي البنيه،ياااخي سجدته في الأرض بعدها قعدته امي انا تقريبا نص ساعهه واقعه في الأرض وببكي م مصدقه م مستوعبه اني عملتها بجد نجحته ،امي قالت لي والله صحي لكل مجتهد نصيب انتي اجتهدتي وتعبتي وياها النتيجه ي بتي شايفه ربنا قاعد يفتحها علينا كيف؟؟قولته ليها الحمدلله ي رب بجد ربنا م بقفل باب الإ علشان يفتح باب تاني❤بعد اسبوع من النتيجه بدأ التقديم ،كان في مركز بتاع تقديم جنبنا كدة م بعيد مشيت قدمته منو،يوم ظهور نتيجه التقديم بتاعتي كل م يدخل رقم الجلوس م بتظهر لي حاجه،الشغال في المركز قال لي معناها الكمبيوتر نفضك،هنا كانت الصدمه ،قولته ليهو ينفضني كيف بس انا قدمته صح وانتو القدمتو لي،،قال لي معظم الناس بحصل معاها كدة بالزات الناس النسبها عاليه احيانا بكون في غلط في التقديم م عارف المشكله شنوو والله،وانا راجعه في الطريق ببكي لمن م شايفه قدامي،انا م لقيت زول حظو نحس زي كدة يعني بصراحهه،مشيت البيت وحكيت لي امي وقعدته كملته البكى يعلم الله اتوجعته وجعهه لمن بقيت م قادرة اتنفس، بعد المعافرة والسهر دة كلووو م دخلته الجامعهه،،،اليوم التاني قاعدة مع نفسي كداااا قولته لي نفسي اساسا ي شهد كدة كدة خربانه وحتى في الدراسه ربنا م كاتب ليك تكملي دراستك علشان كدة اااافضل تساعدي امك في الشغل واخوانك زاتهم غير الأكل والشراب عايزين يقرو ،ويلبسو،وامي براها م بتقدر ي قول حبوبتي اليد الواحدة م بتصفق عشان كدة اطلعي اشتغلي وساعديها موضوع القرايه دة اتقفل بعد كدة خلاص،،😪💔قولته ليها يمه انا دايرة اشتغل،قالت لي تشتغلي شنوو ي بت؟قولته ليها ااي شي المهم شي يجيب لينا قروش ،قالت لي واخوانك ديل اوديهم وين لو انتي طلعتي تشتغلي؟قولته ليها سمح يمه انا بكلم الجيران العندو ملابس عايزات غسيل يرسلهم لي في البيت وانا بغسلهم وبكويهم ليهو ،قالت لي شنوو تغسلي وتكوي انتي جنيتي ي بت؟قولته ليها انتي مش قولتي الشغل م عيب طيب وين المشكلهه؟؟م اتكلمت معاي ،اليوم التاني قريب للمغرب كدة جات عربيه وقفت قدام الباب،جا احمد اخوي جااري قال لينا في زول جا بي عربيتو وواقف بره،امي قالت ليهو دخل اختك شفق وتعالو سرعهه،امي افتكرتهم عايزين يخطفوهم وكدة😂💔فچاة سمعنا صوت راجل بسلم ،امي قالت ليهو وعليكم السلام والرحمه لبست توبها وطلعت ليهو،قال ليها انشاءالله طيبيبن؟قالت ليهو الحمدلله كان راجل متوسط لا كبير في العمر لا صغير،قال ليها طبعا انا سيد البيت دة وجيت ماري بالصدفه وشوفته البيت فيهو ناس،امي بي خلعهه قالت ليهو ايوااا حبابك ي اخوي اتفضل عليك الله،دخل لقانا مفرشين سرايرنا برة وفي النص مفرشين الفرشه،قعد ،انا طبعا م طلعته سلمته عليهو،امي قالت ليهو معليش م استأذناك لكن نحن جينا لقينا البيت الفااضي وقعدنا بس،قال ليها لالا م مشكله انا زاتي عندي اسمنت وحجات كتيرة هنا بي قعدتكم دي بتمنعو عنهم الحراميه ،وقعد يسأل فيها انتي من وين وكدة وامي بتجاوب،قال ليها ديل بس اولادك،قالت ليهو عندي بتي كبيرة امتحنته الشهادة السودانيه وقدمت لكن كمان اراد الله الكمبيوتر نفضها وم شالوها للجامعهه،قال ليها لا ياخ قدمت غلط ولا شنو هي؟قالت ليهو والله م عارفه اظن ناس المركز قدمو ليها غلط،قال ليها قدمت في حاجه اكبر من نسبتها ولت شنوو جابت كم هي؟قالت ليهو جابت 90.9والله لكن كلو لخير والله،قال ليها ي حول الله ي ساتر ي ساتر نفضها مرة واحدة؟؟قالت ليهو والله بس الحمدلله ي اخوي،قال ليها ودايرة تعود تاني ولا تقدم السنه الجايه؟قالت ليهو والله خلتها بس قالت تاني م دايرة اااي قرايه من شدة م قرت كتيير لمن حردتها هههه،،،قال ليها والله غااايتو ي اختي الله يعينها ويدي العافيه بس م تيأس ابدا،،قالت ليهو انشاءالله والله،بعدها مشى وهو ماشي ادى احمد اخوي 200جنيه قال ليهو اتقاسموها انت واختك،سبحان الله يعني من جينا الخرطوم ماشين في السليم وم قابلنا زول أذانا او حاول يستغلنا ،،،بعد اسبووعين من الكلام دة الراجل تاااني جا راجع،طبعا اول م احمد قال لينا الراجل سيد البيت جا راجع شميتو واصلي م صفيت النيه تجاهو قولته الزول دة شايفنا نسوان برانا وشكلو عايز يستغلنا،قولته ليها يمه الزول دة شكلو نيتو وسخانه طوالي نطلع ليهو من بيتو جني وجن قله ادب الرجال دي،امي قالت لي ي بتي الراجل مالو اسي عمل ليك شنوو؟شويه كدة جا وقف دفار نزل حديد واسمنت وحجات زي دي،بعد م خلاص نزلو الحديد جا سلم على امي، ،وقعد يتكلم معاها قال ليها طبعا ي اختي انا عندي ولدي امتحن السنه دي مع بتك سوا وهو عاايد وجاب لي 50بس وانا يشهد الله م خليت ليهو استاذ لافي م جبتو ليهو وم خليت ليهو مذكرة م اشتريتها ليهو بعني مارسته معاهو كل انواع الضغووط وبرضو جاب لي 50 وم ناجح رياضيات زاتو،امي قالت ليهو والله ي اخوي اصلا الاولاد ديل كدة قرايتهم تعب في تعب بس الا الصبر ،،،قال ليها اسي انا بعد دة كلوو الفترة الفاتت دي كنت بفتش ليهو في منحهه لأنو التقديم فاتو وهو م جايب خبرر ،يعني مهمل اهمال كدة غريب خلاص ،عشان كدة ي اختي انا المنحه لقيتها بالمعااااافرة بعداك ادوني ليها وزاتها بواسطه صحبي طوالي عميد في الجامعهه دي وانا والله الولد دة زهجني اخر م في الاخر امس قعدتو قولته ليهو م داير تقرا انت؟قال لي انا م داير اقرا طب لانو م رغبتي والطب دة صعب وانا م بقدر عليهو،وانا مختار ليهو جامعه خاصه مصنفه انها اااافضل الجامعات،حيرني زاتو عشان كدة انا قولته بدل م اخليها تروووح ساااي افضل اجيبها لي بتك اذا رغبتها تقرا طب بديها تقرا بيها طوالي❤امي قالت ليهو ي اخوي يعلم الله نحن م عندنا ولا فلس والجامعه شكلها غاليه،قال ليها هههه انتي م فهمتيني المنحه مجانيهه واخر مقعد في الشواغر والله وانا شلتو م داير منكم لا قرش لا تعريفهه ،امي قالت ليهو كان كدة ي اخووي توافق طوالي م عندنا ااااي مشكله وقعدت تنادي فيني ي شهد تعالي ،قولته لي نفسي امي دي مالها معاي كمان منادياناي مالها ياخ ولبسته توبي وطلعته ليها،قالت لي تعالي سلمي لي عمك دة،سلمته عليهو قولته ليهو وعليكم السلام،الراجل كان اصفراني ووشو بشوووش كدة ومحترم وعلامه الصلاة في نص جبهتو ولابس جلابيه بيضاااااا قال لي اهلين ي بتي كيفك انشاءالله طيبه؟قولته ليهو الحمدلله،امي قالت لي عمك دة قال لقى ليك فرقه بتاعه دراسه في جامعه 😻قولته ليها كيف يعني م فهمتك؟قال لي ههه اسمها منحه دراسيه وم بلقوها الا المحظوظين ،انا كنت جايبها لي ولدي لكن ولدي بس الله يديهو العافيه المهم شكلو ربنا كاتب انها تكون من نصيبك يااخي وانتي زوله جايبه نسبه 90.9%حاجه م ساهله ماشاءالله عليك امك حكت لي وقولته لي نفسي بدل م اخليها تمشي لي غيرها البت دي تستاهلها ،،،طبعا من الفرحه م قدرته امسك دموعي،،،قال لي انشاءالله اجراءات التسجيل لما تبدأ انا بجي بمشي معاك ،،امي قالت ليهو تسلم ي اخوي والله م قصرته لو قعدته اشكر فيك من اسي لي مدة عشرة سنه قدام م بوفيك،قال ليها العفو ي اختي عمل الخير م بوصو عليهو،،،😊❤
#نتلاقى😌
