امي قالت ليهو في شنوو ي عوض😳قال ليها ماف شي وطلع...بعد اسبووع من الكلام دة خالي حمد جاب اولادو وجا سكن معانا في البيت،سبحان الله كانو بزورونا في السنهه مرة يعني بس موت جدي وحبوبه كان بالنسبه ليهم فرصهه وجاتهم في محلهم💔البيت بقى ملياااان وخالي حمد ماشاءالله براهو عندو 7عيال ،طبعا اهم معلومهه اقولها انو خالي حمد بكرهني كره العمى يشوف الموت م يشوفني عكس خالي ابو القاسم💔بعد م جو سكنو معانا انا بقيت متحملهه مسؤليهه غسيل ونضافهه البيت كلها ،كنت بجي المدرسهه بنضف وبرتب وخالي ماشاءالله عندو بت كبيرة بس هي وامها كل الوقت قاعدين ياكلو ويشربو ومقضنها لي شهد افعلي لينا داك وشهد سوي لينا دتك،في يوم جمعه لميت ملابس البيت كوووولها وشلتها الصباح بدري قولته امشي اغسل بدري علشان مويه البحر الصباح بتكون نضيفهه ورايقهه،البحر كان فاااضي اثناء م انا بغسل طبعا كنت لابسهه الجلباب فجأة حسيت ليك بي ضل زول واقف وراي ،اتلفتهه مخلوعهه لقيتو ولد واقف وراي قولتهه ليهو في شنوو انت مالك جاي محل الناس بتغسل😠قمتهه على حيلي وزحيت منو ،طبعا كان مكمكم وشوو وبقى يقرب علي،قولته ليهو اسمع زح مني واطلع امشي من هنا وإلا وقسما بالله اقعد اكورك لمن ألم فيك الخلق انت قايلني م عرفتكك ،جا عايز يمسكني من ثدري كشحتهه فيهو التراب قولتهه ليهو والله بس لمن اطلع من هنا إلا اكلم ليك جدي الطيب إنت قايلني م عرفتك😠،اول م قولته ليهو اسم ابوهو طوالي طلع جرى،انا بالفعل عرفتو لانو م كان مغطي وشو كويس،قعدتهه كملتهه باقي غسيلي وانا شايلهه قلبي دة في يدي،بعد اسبوع من الحصل دة لاحظتهه ناس فاطمهه ومريم وزينب بقو م بجوني للمدرسهه ولا حتى بنتظروني امشي معاهم ،وحتى تنزيل لما تنتظرني بفوتوها،انا استغربتهه من الحاجهه دي،وحتى في الفصل م بتكلمو معاي بالرغم من انو نحن قاعدين في كنبهه واحدة،في يوم بالعصر كدة كان عندي كتاب مشيت اجيبو من تنزيل لقيتهم قاعدين كلهم مع بعض وبشرحو ،ونحن كلنا ممتحنين مع بعض قولته ليهم قاعدين تشرحو؟تنزيل قالت لي اااي والله بدينا قبل شويهه،قولته ليهن يغسي عليكن مالكن لو ناديتني اشرح معاكن 😒😏تنزيل قعدت تضحك طبعا زعلتهه منهم زعل ،شلته كتابي وطلعتهه ،تنزيل لحقتني قالت لي مالك ماشه؟قولته ليها ساأاااي بس😊قالت لي زعلتي؟قولته ليها وازعل لشنوو ماف شي بزعل😊قالت لي شهد عايزة اقول ليك حاجه لكن م تقولي لي ناس فاطمه انا كلمتك تمام؟قولته ليها اها قولي في شنو،،قالت لي اليومين دي طالعهه اشاعهه،قولته ليها اشاعهه شنوو؟قالت لي في ولد من اولاد الحلهه م عارفهه منو قال انتي عاملهه معاهو علاقهه حب وقاعدة تكتبي ليهو جوابات وقاعدة تلاقيهو في البحر كل م تمشي تغسلي زكلم اولاد الحلهه كلهم وأولاد الحله جو حزرو اخواتهم قالو ليهم تاني م يمشو معاك ومن ضمن الاولاد ديل الصادق اخو ناس فاطمهه ومريم وزينب والله فتحه خشمو قال ليهم كان لقيت واحدة فيكم ماشه مع شهد دي او اتكلمت معاها الا اكسر ليها خشمها ورجليها💔طبعا دموعي جات جاريهه عشرة عشرة قولته ليها وحياة ربي الخلقني كضب انا م بعرف زول ولا قاعدة اطلع من البيت اساسا زاتي😭😭😭😭😭قالت لي ي بت هااا دة واحد تافه سااي وداير يخرب سمعتك المانافع دة الببكيك شنوو؟قولته ليها انا من يومي الناس م راحماني واسي دة جا تم الناقصهه والناس كلها بتكون صدقتو واكيد حيقولو كلامو حقيقهه😭قالت لي م تشتغلي بي زول عليك بي نفسكك وبس ي بت الرسول قالو فيهو خليك انتي،،،على كدة رجعتهه البيت وقعدتهه ابكي واقول لي نفسي انا البسوى والمابسوى بقى يتكلم فيني ويألفو قصص كمان ليه دة كلوو😭انا م بحس يعني،كل حاجه ليها حد انا ابدا م بالسؤ دة 😭بعد المغرب بالظبط جا ابو طالب ود خالي حامد قال لي امي بصوت عالي عمتي بتك وين؟قالت ليهو بتي منو؟قال ليها زفت شهد وين؟قالت ليهو جوة الأوضهه مالك؟قال ليها والله الليلهه الا اضبحها اللافهه دي وجا ماشي بأقصى سرعهه وامي جات جاريه وراهو قالت ليهو في شنو ي ابو طالب مالك معاها😳جا داخل لي في الأوضه انا كنت بزاكر شال الكرسات وجدعهم وجراني من شعري ورماني في السرير وخنقني قال لي ي بت الحرام ي م نافعهه انتي عايزة تبقي لينا سفيهه ولافهه كمان😠امي جات مسكتو قالت ليهو فكها مالك معاها سوت ليك شنوو ؟قال ليها ي عمتي فكيني بتك قليله ادب مخليهه اولاد الحلهه كلهم يتكلمو عنها وبقى يضرب فيني بأقصى قوتي ياخي وقع فيني كفوف وشلاليت وانا طبعا بحاول اتفك منو وامي تمسكو بي جاي يتفكهه منها بي جاي ،امي بقت تادي لي خالي قالت ليهو اجري ولدك داير يقتل بتي ي حامد اجري ،جات مرت خالي جاريه ومعاها خاالي مسكو قال ليهو في شنوو ي ولد مالك مع البت؟قال ليهو يابا البت لافهه ساااي مخلنها ماشهه في السهلهه اولاد الحله كلهم بقولو لي بت عمك صفتها وبت عمك صفتها دايرني اسكت يعني😠قال ليهو دايرة تبقى لينا لافهه كمان وبقى يضربني هو زاتو اتخيلو اتلمو معاي خالي وولدو ،امي لما م
سكت خالي قال ليها انتي زاتك اساس المشكله بتك طالعهه زيك كدة ولزاها ،شبعوني ضرب ،خالي قال لي تاني رجلك دة بره الحوش دة م بتعتبيها شمس زاتو م تشوفيها ماف حاجه اسمها مدرسهه اصلا المدرسهه دي سبب البلاوي م اسمعكك تقولي ماشه المدرسهه ماف ليك مدرسهه تاني فهمتي ي عفن ي وسخ؟مرت خالي قالت ليهو هو زاتو لو م قلهه ادب بنات الللف والدوران ليها شنو هي شافعهه متين كمان لمن بتكابس في الاولاد😏خالي قال ليها قله ادب فارغهه بس لكن كويس انا بعرف أأأدبها كيف،،،بعد م طلعو امي قالت لي ي شهد ي بتي انتي مالكك؟البخليكك تعملي كدة شنو وتجيبي الضرب والبشتنهه لي روحكك ولي انا؟؟؟اتخيلو ههه حتى امي م حاولت تسألني او تعرف مني الحاصل شنوو على طول صدقت كلامهم وقالت لي الكلام دة وطلعت 💔وقتها بجد انا حسيت بالفراغ الخلوهو جدي وحبوبهه الله يرحمهم💔طبعا من يوم الاتنين م مشيت المدرسهه يوم الخميس المساء خالي هاشم جا اول اثناء م بتغدو كدة خالي حامد قال ليهو البت دي نحن طلعناها من المدرسهه،خالي ابو القاسم قال ليهو البت منوو؟قال ليهو بت اختكك شهد💔خالي ابو القاسم قال ليهو شنوو؟😳كيف يعني طلعتوها من المدرسه؟خالي حامد قال ليهو بت لافهه ساااي ومطلوقهه وبتاعت اولاد الحلهه كلها تتكلم عنها بنقدر نحن على جنس المحن دي ؟خالي ابو القاسم قال ليهو ليه عملت شنو مالكم معاها؟قال ليهو بقول ليك بقت بتاعت اولاد ولافه تقول لي مالها؟يعني ننتظرها لمن تعمل زي امها بعداك نقول حي على الصلاة وحي على الفلاح؟خالس ابو القاسم قال ليهو انتي لقيتها ماشه مع ولد؟خالي حامد قال ليهو لالا لكن اولاد الحلهه قالو،خالي ابو القاسم قال ليهو م تقول لي قالو سألتكك انا لقيتها مع ولد؟قال ليهو لالا ،سأل ابو طالب قال ليهو انت لقيتها؟ابو طالب قال ليهو ي عمي ماف نار من غير دخان انا اولاد الحلهه كلموني عدييييل م سمعتهه بس✋خالي ابو القاسم طلع يدو من الأكل قال ليهم وينها اسي هي شهد وقعد ينادي لي امي بصوت عالي ي سوسن ،ي سوسن،شفق قالت لي امي يمهه حالي ابو القاثم بناديكي،،طبعا شفق اختي لجنهه هههه،امي لبست توبها وجات سريع قالت ليهو اها مالك؟قال ليها بي غضب وين شهد؟قالت ليهو مالها تاني كمان عملت شنوو؟لو على الحصل خالها حامد وولدو م قصرو ضربوها تاني م بتعمل كدة والله خلاص💔 طلع من الصالون وجا الحوش حقنا وقعد ينادي فيني شهد ي بت ي شهد،طلعتهه ليهو من الأوضهه قولته ليهو نعم ي خاالي انت جيت متين؟قال لي تعالي هنا،انا خلاص حيلي كلوو بررد قولته خلاص الليلهه بضبحني 😭قال لي اللحقيني في الصالون بهناك😡بي نبرة حادة كدة ....
#نتلاغى
