وانا واقفه وفي عز سرحتي ديك احس ليك بي زول يضررربني في ضهري طااااخ،،،والله لمن حيلي بررد من الضربه اتلفته مخلوعة لقيتها فاطمة قالت لي وين مشيتي انتي؟؟😳قولته ليها خلعتيني ي حيوانهه😠قعدت تضحك قالت لي كنتي وين انتي😂😂؟قولته ليها غطسته في الطين اتبهدلته بهدله اسكتي بس😢قالت لي طين وين😂😂😂😂قولته ليها هناك حتى سفنجاتي خليتها ،😢قعدت تضحك قالت لي والطلعك منو؟عايزة اقول ليها صاحب منذر تاني سكتتته قولته ليها طلعته براي😂المهم بعد م الحفله خلصت والناس قامو طالعين انا وفاطمة ومريم واقفين قدام الجنينه...فاطمة قالت لي ماشه حفيانه كدة للبيت؟؟قولته ليها بمشي م بغلبنييي😪مريم قالت لي والله الشارع ملاااان شوك الليله تزغرتي كدة لمن تصلي البيت😂💔قولته ليهم اررح ياخ انتو ناسين انو ابوطالب الليله حيكتلتي؟😏😒فاطمه قالت لي سمح وتنزيل؟؟قولته ليها تنزيل بتجي مع اهلها م بنقدر ننتظرهاا😒اتحركنا ماشين في الشارع فاطمة قالت لينا والله حفله سمحه سماحة 😍مريم قالت ليها وووب والعجب لما شغلو الاغاني الانجليزيه الاخيرة دي شوفتي اصحاب منذر رقصو كيف؟،😍🙈قولته ليهم هههه متعودين يرقصو كدة في حفلاتهم❤فچأة نسمع ليك صوت بووري ورانا فاطمة ومريم وقفو اتلفته عليهم قولته ليهم واقفات مالكن؟؟العربيه جات وقفت ،تنزيل طلعت لينا راسها قالت لينا ي سججم ماشات بي رجولكم مالكن؟؟فاطمة قالت ليها انتظرناك وم طلعتي عشان كدة💔فجأة السايق العربيه نزل القزاز وقال لينا اتفضلو نوصلكم معانا...السايق كان باسل🙈واساسا العربيه ملانه بنات وم فيها نفس😂💔فاطمة قالت ليهو لالا المسافة قريبه بنمشي برانا😢انا عارفاها من جواها م عايزة تقول كدة😂مريم قالت ليهو وبعدين هي العربيه ماشاءالله ملااانهه نركب وين؟؟؟😒طبعا مريم دي الفي قلبها على لسانها😂💔باسل قال ليها النفوس لو اتطايبت العربيه دي بتشيل 1000😅تنزيل قالت ليهم ااي ياخ وبعدين اسي بنصل تعالو❤قمته ماشه قولته ليهم جينا بي رجلينا وبنرجع بي رجلينا المسافه م بعيدة اساسا يلا نمشي😏مريم قالت ليها اصلا ي تنزيل عايزين نتونس انتو واصلو 😘 قمنا ماشين جا لاحقني ووقف العربيه قال لي انتي جيتي بي رجليك صح بس شكلك نسيتي انك راجعه حفيانه جدع لي شبشب ومشى شكلو شالو من تنزيل😂💔فاطمة قالت لي جدع ليك شبشب😳قولته جادعو كدة التقول شاحداهو😪مريم قالت لي من باب الزووق كدة جدع ليك الشبشب خلي عندك حسنه ي السجم دي لو كان انا الجدعو لي الشبشب من الفرحة كنت حأشيلو في يدي وبواصل حفيانه😪شلته الشبشب لبستو وقولته ليهم قال زوق قال😪فاطمه قالت لي حييييييي ي شهد انتي كريهه خلاص بسسس عليكك😠قولته ليها مالك تبسبسي لي 😒قالت لي ببسبس ليك😒لما وصلنا شارع البيت قولته ليهم هيييييي انا م ماشه بي باب الشارع اسي بلقى ابوطالب في وشي💔فاطمة قالت ليها مريم امشي شوفي ابوطالب لو قاعد قدام الباب ادينا اشارة ❤مريم مشت وقفت بعيد وحركت لينا اصبعها بمعنى مافي💔وصلنا البيت لقيناهم موقفين عرباتهم وراصين الكراسي وقاعدين❤باسل كان بشرب في سجارة طبعا دايما اول واحد عيني بتقع عليهو...فاطمة قالت لي وااي طلع بشرب سجااير😢قولته ليها في زول من المدينه م بشرب سجاير ييييييع😪مريم قالت لي هو شربان السجاير زاتو جاي معاهم عليك النبي شوفو ماسكين السجاير دي كيف ناس البلوله والخزين اولاد عمي لو شافوهم بحردو السجاير😂💔فاطمة فكتها ضحكه بصوت عااالي مع ضحكه فاطمة انتبهو لينا قمته قرصتها 💔لما وصلنا البيت دخلته سريع البيت علشان م يلقاني ابوطالب،اول م دخلته البيت اتلاقيت مع ابوطالب ،قال لي مشيت الحفله صح مشيتي😠ولا اتفاهم معي ياخ كفتني كفيت 😪 بعد المغرب امي جات من بيت ناس تنزيل قالت لي كنا بنقطع في البصل وبنساعد في الطباخ💔قولته ليها دكتور هاشم جايب طباخ؟قالت لي عاااد ناسو كتار الا يجيب طباخ💔قولته ليها ماشاءالله❤قالت لي دايرة اقول ليك شنوو ارح نطلع معاك سراير الصالون عشان العريس دة قال جايب اصحابو ينومو هنا❤قولته ليها ينومو عديل؟😒😪قالت لي اااي ااارح وطلعي ملايات جديدة ❤بعد م طلعناهم امي قالت لي ولعي الكانون عشان تعملي ليهم شاي لبن وانا بمشي بعوس القراصه في بيت العرس بهناك وبرسلها ليك❤قولته ليها يمة ياخ شاي شنوو بالليل دة وقعدته اتزهج ...قالا لي شاي لبن م بكلفك شي اعملي ليهم بي هبهان وقرفه يكون ظاابط كدة واكشحي فيهو حبه شاااي😘قولته ليها اففففففف يااااخ طيب البودي ليهم منو لو جو؟قالت لي انتي جهزي انا بودي ليهم كويس؟وانا مع زهجي داك شعري اتفكة قولته ليها خلاص امسكي لي شعري دة بالباندة❤قالت لي م عندي زمن بضفرو ليك بواحدة بس ❤لما قامت طالعه قالت لي ي بت شهد اعملي حسابك من الضيوب الفي المطبخ عشان المطبخ م فيهو نوور،،،وانا خلاااص كلمه ضبوب دي علقت لي في راسي 😢طلعته الكانون وولعته لمبة الجاز حقتنا وانا خايفه وقلبي في يدي كرهتي في الدنيا حاجه اسمها ضب بخاف منها موووت😭امي وهي ط
العه اتلاقت مع اصحاب منذر في الباب سلمت عليهم وفضلتهم بعدها جات شالت ليهم مويه ودتها ليهم وطلعت،،،انا دخلته براااحة المطبخ وقفته في طربيزة المطبخ وشايله اللمبه في يدي والمطبخ مضلم لمن غلط وانا محوله عيوني اعاين يمين وشمال ،في وقفتي ديك حسيت بي حاجه في ضهري💔في البدايه ثبته ،إتلفته يمين إتحركت ،قولته خلاص دة ضب ماشي في ضهري😭وقمته كدة وقعدته اتنفض واصررخ وجدعته اللمبه وبقيت اكورك والمبه وقعت في الكربيزة والنار مسكت في ملايه الطربيزة وانا شغاله اصرخ واقول وااااي ي امي الضب ،الضب في ضهري ي امي وااااي😭😭😭😭😭😭واشيل واتنفض وكل م اتنفض الشي الفي ضهري يتحرك زيااادة 😭والمطبخ ملايتو مولعهه بس مع صرااخي دتك فجأة اسمع زول بقول لي:في شنو في شنو؟وانا داخله في حاله هستريهه عديييل ومعلقه في جمله في ضب في ضهري في ضب في ضهرررري😭😭😭😭😭😭😭😭😭😭😭😭😭😭😭😭😭😭😭😭😭😭😭والله في ضب في ضهري😭وهو بقول لي وين وين؟؟قولته ليهو في ضهري قولته ليك😭قال لي طيب خليك واقفه جاريه وين انتي؟ مسكني وولع نور تلفونو طبعا اساسا حوشنا م فيهو لمبة ،ضاوي لي في ضهري قال لي ماف اي ضب هنا💔قولته ليهو والله في واسي بتحرك كمان 😭قال لي انتي حاسة بيهو بي برة ولا بي جوة ي بت الناس؟قولته ليهو بي بره 😭قال لي والله ماف اي شي ي بت الناس😂💔قولته ليهو انا متأكدة في شي ماشي في ضهري ياااخ م تقول ماف😭😭😭😭😭😭😭قال لي والله ماف حتى شووفي بزات نفسك،هبشته ضهري بي يدي مسكته شعرتي😨فكيتها واتحركته يمين اتحركت معااي بعد الصراخ دة كلوو طلعت دي شعرتي الضفرتها لي امي😂😭💔عاد جهجهتني جهجهه السوااد 😭😢بعدها ي دوب فكرته لامكبخ لقيت ملايه المطبخ مولعهه جريت شلته مويه من البرميل عايزة اكشحها مسك مني الباقة ورشاها في النار بعد م النار انطفت ي دوب فكرته لي نفسي بالجلباب كنته في حاله اللا وعي صراحهه😭😭💔💔 خليتو واقف وجرييييت دخلته الراكوبه عاد فضيحه السواد 😭💔وانا م عارفه الزول دة منوو لأنو بيتنا ضلااام بس مين م كان يكون منظري كان وووووسخ شديد قدامو 😭بقيت اتكلم مع نفسي واقول:ووواي دة منوو😭شويه كدة امي جات قالت لي جهزتي اللبن؟قولته ليها لسه وي يمه م شوفتي الحصل وحكيت ليها الحصل...امي قعدت تضحك قالت لي ي السجم م بتعرفي الضب من ضفيرة الشعر😂😂😂😂💔قولته ليها يمه ياخ اعمل شنو دخلت فيني خوفة من الضب😭💔قالت لي اصحاب العريس شكلهم طلعو في واحد بس قاعد اعملي ليهم اللبن في السيرمس ،،قولته ليها والملايه اتحرقت😢قالت لي خليها بكرة بغيرها💔قولته ليها خلاص انا تاني لا بدخل المطبخ لا بفتش سيرمس لا شي ،،قالت لي انتي اصلا م عندك نية خلي انا بجهزو ليهم😪😏😒الصباح صحيت على صوت تنزيل بتصحي وبتضرب فيني،،،قولته ليها مالك ياخ؟قالت لي بلا يبلاك قومي زمن الفطوور قررب وانتي بتقولي لي مالك؟؟ااارح ساعدينا 😡قولته ليها خلاص سمح بس اجهز واجيكم امشي انتي ورجعته اتغطيت،،،قالت لي لا انقعلي ساعدينا اسي وتعالي راجعه اصلا زمن الفطور حنجي نلبس عندكم هنا😒قولته ليها طيب دقيقه اتسوك واغسل وشي كريهه دي نننننن😒بعد م جهزته طلعنا الشارع كدة لقينا اصحاب منذر قاعدين جنب الصيوان حق العرس وبتونسو،،،باسل اول م شافني ابتسم طبعا ابتسامتو كانت غريبه وساخرة 😵م ركزته بعد م مشينا ساعدنا الناس في تجهيز الفطور وكدة جينا راجعين انا وتنزيل وبت خاله تنزيل علشان يغيرو ملابسهم ويجهزو للفطور اول م وصلنا البيت كدة تنزيل جاتها مكالمه ردت وقالت:سماعه وين هنا في البيت الأنا فيهو دة؟؟وقعت منك وين في الصالون يعني؟كيف؟اهااا طيب بفتشها ليك اسي ،،،بعد م قفلت قالت لي شهد باسل دة قال امس عندو سماعه وقعت منو في بيتكم هنا ،انتي مطبخكم اتحرق امس متين؟؟؟😳
#نتلاقى_باكر ✋
