اكيدد كلكم في بالكم سؤال واحد بس مين ام شهد او هي وين من دة كلووو؟؟؟
طيب انا حأديكم تفصيل صغير عن أمي طبعا هي اصغر واحدة في البيت بين اخوانها جدي عندو ولدين وبتين خالي حمد هو الكبير جايه بعدو خالتي مرام ،بعدها في خالي ابو القاسم وامي ، انا م احتكيت بي امي كتييير صراحهه هي متزوجة وعايشه مع راجلها في بلد تانيه م بعيدة مننا شديد بس زياراتها لينا قليله💔بتجينا بعد فترات طويله وبتقعد ليها يومين وبتمشي حتى نحن م قاعدين نمشي ليهم كتير زياراتنا ليهم تتحسب في الأصابع ،وزي م بقولو البعد بولد القسوة يعني انا بتها هي المفروض تهتم لأمري علشان تقربني ليها ،هي م قاعدة تديني احساس الحنان واللهفهه البتديهو اي ام لي طفلها ابدا م حصل حسيت معاها الاحساس دة دايما بشوفها غريبهه عني كأنو م بعرفها،،،،من ناحيهه اجتماعيه انا م كنت محبوبه عند الغير ابدا دايما الناس نظراتها لي كانت غريبهه💔م عارفهه الحاجه دي هي فعلا حاصله ولا دي عقدة مني انا بس💔بس كترة تفكيري في نظرات الناس لي خلتني اكون انطوائيه شويه،والناس كلها بتعرفني انو انا بت شيخ اللمام💔يعني كل م اجي ماشه في الشارع او امشي مكان مناسبه او اي مكان بلم الناس بشوف الناس دي بتعاين لي وبتتهامس ،مره كنا في مكان مناسبهه كنت واقفهه جنب باب الشارع كانو في نسوان بعاينو لي انا عملته روحي م شايفاهم فجأة واحدة منهم قالت للتانيهه اااااي والله ياها زاتها ماشاءالله كبرت صحي الحي بربى والله💔المشكله انو ناس بلدنا م عندهم اداب القطيعهه زاتها يعني يقطعو فيك ويعاينو ليك في وشكك 😂يعني انا لو م سمعته بي اضاني ممكن اقول انو عندي وسواس قهري بخليني اتخيل الحجات دي والمشكله انو الناس دي تشيل وتتهامس وانا م عارفه السبب شنوو💔وعقدتي الأكبر انو انا كنت دايما بشووف الشفع مع ابهاتهم ،مثلا شافع ماسك يد ابوهو وماشي معاهو،او لما اللقى بنات جيرانا ابوهم شايلهم في الحمار وبحزرهم بلهجهه الخوف وبقول ليهم اعملو حسابكم م تقعو💔او حتى لمت مدير المدرسه يقول في اجتماع للأمهات والأبهات في المدرسه كلموهم عشان يجو يحضرو اول سؤال بخطر على بالي انا اكلم منوو؟انا طبعا بقول لي جدي يابا على الدوام بس بعد م كبرته الوضع اختلف 💔مع انو انا كنت صغيره في العمر كل يوم بخطر على بالي سؤال انا وين ابووي اذا كان احمد دة جدي ؟يوم جيت راجعه من المدرسه سألته جدي قولته ليهو جدي انا ابوي وين؟؟جدي سكت مسااافهه قال لي ي المبروكهه انتي مش بتقولي لي يابا؟طبعا جدي بقول لي المبروكهه هههه❤قولته ليهو لالا انت جدي بس اي زول عندو جد وابو انت جدي اها يلا ابوووي وين؟قال لي القال ليك الكلام دة منوو؟قولته ليهو ماف زول 😰على طول جدي غير الموضوع قال لي ارح نمشي الزريبهه نحلب البقرة شيلي الجردل دة❤على كدة جدي قفل الموضوع بس انا لسهه فضولي كان مخلي السؤال دة معلق لي في راسي ،وبسبب نظرات الناس وهمساتهم بقيت م بحب اختلط بالناس ،والمناسبات والحجات دي لانو بحس تأثيرها النفسي علي سلبي اكتر من ايجابي كل م امشي مكان مناسبه بفي الحله بجي راجعهه وانا معقدة من نفسي💔الحاجه دي خلتني اكون انطوائيه لابعد الحدود حبوبه دي بتحنسني تحنيس علشان امشي أتونس والعب مع صحباتي💔على سيره الصحبات طبعا انا عندي اربعه صحبات مريم وفاطمه ديل اخوات❤زينب دي بت عمهم ❤وتنزيل دي بت دكتور حلتنا اسمو دكتور هاشم طبعا بيوتنا فاتحين في بعض ونحن صحبات شديد يعني بنزاكر سوا وبنمشي المدرسه مع بعض وكدة طبعا تنزيل دي علشان بت دكتور الحله محبوبهه عند كل الناس والعجب تعامل الاساتذة معاها في المدرسهه ياخ بحترموها اكتر. من المدير عااااد بت الدكتووور والدكتور بالنسبهه لي ناس حلتنا حاجه كبيره ومقيمهه 😂هي زاتها ماشاءالله اخوانها كلهم في السعوديه والخرطوم الشنط والجزم واللبس السمح دة ي يمه م يديك الدرب هي الكانت مميزة بينا❤لما وصلنا سنه تامنه كانت في استاذة شايلاها معي من لما كنا في سنه سابع 💔طبعا خالي حولوهو يدرس في حله تانيه💔المهم الاستاذة دي شايلاها معي من غير سبب سااااي كدة بس ههه ومعاملتها معي زفته شديد وبحس بيها متضايقهه مني دايما حتى كراسي لما اودي ليها تصححو بتجدعو لي في وشي وانا الحمدلله كنت شاطرة يعني مستواي ماشاءالله وبحل التمارين اول بأول وبصححهم وحتى لو حليت التمرين اول واحدة م بتكتب لي لا ممتاز لا جيد جدا زي باقي البنات يعني الاستاذ بكتبهم للطالب كتحفيز لمستواهو بس هي لي انا بالزات م بتكتبهم لي💔😂المهم مره الحصه انتهت ونحن قمنا طالعين وناس تنزيل وفاطمه م صححو صححنا انا ومريم بس💔قولته ليهم صححو سريع علشان نمشي البيت ..الاستاذة سمعتني وعاينت لي بي غضب ونهرتني قالت لي م يصححو سريع رايك شنو تجي تصححي ليهم انتي؟وهم زاتهم يمشو معاك لشنووو؟دي خلقهه اسي يمشو م😒بنات الناس بمشو مع بنات الناس الزيهم م بمشو مع نوعك دة فهمتو ي بنات؟طبعا البنات كلهم قعدو يعاينو لي كانت في حاله
كدة غريبه من السكوت وانا دموعي عايزة تجري بس ماسكاها بالجلالهة💔تاني كررت الكلام وقالت :سامعين ي فاطمه وتنزيل ومريم وزينب؟قالو ليها سمح💔طبعا م قالت الا اسماء صحباتي اللي انا بمشي معاهم 💔قالت لي امشي مشيك ساااي ديل م بمشو يلا غوووري...طبعا مشيت ومسكته راسي وقعدته ابكي طول الطريق انا ببكي لحدي م وصلته البيت ..من يومها بقيت م بنتظر ناس تنزيل وحتى لو جوني للمدرسهه م بتكلم معاهم في الشارع ايوة هم م عندهم ذنب بس انا نفسيا كدة كنت حاسهه بالعقدة من تصرف الاساذة معي قدامهم💔والاستاذة دي بقيت احاول اتجاوزها وم مركزة معاها كتير لأني إتأقلمتهه على معاملتها الزفته لي وبالرغم من دة كلووو م حصل اشتكيت لي جدي او حبوبه منها 💔طبعا انا وفاطمه وتنزيل ومريم وزينب قاعدين كلنا مع بعض في الكنبه الاولى ...في يوم الأستاذة دي عندها حصة معانا جات داخلة الفصل بعد م سلمت وكدة عايزين نقعد قالت لي انتي انتي قومي ارجعي ورا..ومؤشرة صباعها علي ...طبعا انا بإستغراب اتلفتهه وراااي💔قالت لي ااااي انتي البتتلفتي دي قومي ورا،قولته ليها انا ي استاذة؟قالت لي لا خيالي اصبعي دة موجه لزول غيرك؟قولته ليها بي عفويه ارجع ورا لشنوو ي استاذة دة مكاني💔بس كلامي دة خلاها تنفعل وشالت السوط وكمان ي ريت لو سوط عادي سوط عنج ووقعت فيني ضرب بصورة مهما شرحتها م بقدر اوصفها في كل حته من جسمي ضهري ويديني حتى راسي م سلم منها ولسه دمها م برد قومتني وقفتني في السبورة وقعدت تضرب فيني ولسه مواصله في ضربها لي فضلت تضرب فيني اظن نص ساعه كاملهه انا لمن جسمي دة خدر بقيت م حاسه بالصوت اساسا ،لما فترت قالت لي يلا طيري ورا وأبقي مرة تاني اقول ليك أعملي حاجه تقولي لا ،😡😠رجعته ورا جات قومت بت اختها من الكنبه الاخيرة وساقتها قعدتها في مكاني وقالت لي اترزعي في مكانها سرعهه ،انتي ورا دة مكانك الطبيعي ،ابقي مره بكره اجي القاك قاعدة في مكان غير ورا دة عشان اطلع زيتك ولو مرة جيبي لي ابوكي الما معروف ليهو اتجاه دة😠 واحدة م معروف ململمنها جايبنها من وين ،انتي حاسبه روحك بت مع بنات الناس لمن بتقعدي معاهم؟😠فجأة قالت للبنات انتو عارفين الزول البكون م عندو ابو بقولو ليهو شنوو؟سكتووو سااي،قالت ليهم عارفين ولا م عارفين؟😠م ردو ليها 💔قالت لي واحدة اسمها ايات قومي ي ايات جاوبي عارفه ولا لا؟ايات قالت ليها بقولو ليهو ابن حرام💔قالت ليهم بالظبط كدة بقولو ليهو ابن الزنا او الحرام عارفين بقولو ليهو كدة؟عشان اهلو بكونو جايبنو ساااي عشان ابوهو بكون م معروف منو وعشان هو بكون ململم من هاء ولا فهمتو؟طبعا هي بتقول في الكلام دة وبتعاين لي يعني كأنها بتقول لي الكلام دة ليكك انتي 💔انا كلامها دة نزل في اضاني زي الوقعت فيني صاقعه 💔والله م وجعني الضرب على قدر م وجعني كلامها ساعتها احتقرته نفسي وكرهتها لدرجه م بقدر اوصفها 😭قعدته طول اليوم داك عديتو بكى وجسمي دة كلو علامات لمن مسكتني حمى لمن بقيت ارجف براي قربته ادخل في حاله تانيه💔بعد م طلعت جو ناس تنزيل وفاطمهه وقعدو يحنسو فيني بقيت ابكي ذيادة💔كل م اتزكر كلامها ووحشيتها ببكي لحدي نهايه اليوم طلعته م انتظرته ولا زول مشيت البيت اول م وصلتهه نضفتهه البيت دة كلوووو م خليت محل م ضفتو وشديد الحمار حق جدي مع الكارو حق المويه وطلعته مشيت البحر مليت البرميل جيت فرغتو في الشجر،تاني رجعتهه جبته مويه رشيت بيها الأرض طبعا ارضنا رمليهه ورملتها بيضااااا مع المويهه بتدي منظر فظيع❤انا اصلا دايما لما اكون متضايقهه ولا زعلانه بفضي زهجي في الشغل وفي ارهاق نفسي ،بستخدم الشغل كوسيله بحاول انسى بيها نفسي وهمومي💔حبوبه جات لقتني برش قالت لي ي بت شهد ،م رديت عليها على حسب حماقتي وزهجتي ديك...قالت لي ي بت هاااا الليلهه مالك؟اصلا م شديد فيك شنوو؟؟؟؟؟😳
