What Comes After The First Kiss (Completed/Unedited Version/ Published)

- 23 -

"SAGLIT lang akong nawala, naipasok mo na naman ang sarili mo sa gulo." Tinignan siya ni Ridge mula ulo hanggang paa at pabalik. "Lahat pa ng binilin ko sa'yo, sinuway mo!"

Kating kati na si Joelle na kutusan ito kung hindi nga lang niya iniisip na kung kukutusan niya ito habang nagmamaneho ay malamang na sabay nilang maka-eye ball si San Pedro bago matapos ang gabing iyon. Ang kapal lang ng mukha nitong pagalitan siya samantalang pagkalaki-laki ng kasalanan nito sa kanya!

"And you were with a drunk guy, for heaven's sake, are you even thinking?"

"Stop the car." Hindi na nakatiis na sabi niya.

"What?"

"Stop this damn car right now!"

Nagulat ata ito sa outburst niyang iyon kaya agad din nitong itinigil ang sasakyan. Pagkatigil na pagkatigil ng sasakyan ay binuksan niya ang pinto sa side niya saka bumaba at nagmartsang pauwi. Hindi na niya kayang tagalan ang panenermon nito sa kanya na parang kasalanan pa niya ang lahat when it was his fault that she even thought of going on a double date!

"Joelle!" narinig niyang tawag nito sa kanya.

"Shut up!" sagot niya rito. Hindi pa ba sapat na sinaktan siya nito? Ngayon siya pa ang sinesermunan nito? Masyado naman yata itong sinuswerte.

Narinig niya ang ugong ng sasakyan nito at nakita niya sa peripheral vision niya ang pagsabay ng kotse nito sa paglakad niya.

"Sumakay ka na, Joelle at mag-usap tayo!" sigaw nito sa kanya.

"Kausapin mo 'yang sarili mo! Tutal naman kanina ka pa nagmomonologue, edi lubos-lubusin mo na!"

"Look, I'm sorry. Sorry sa mga nasabi ko sa'yo. I was just so damn angry when I saw that guy near you. Masisisi mo ba ako?"

Tumigil naman siya sa paglalakad kasabay ng pagtigil din ng sasakyan nito sa tapat din niya mismo. Nakapameywang pa na pinukol niya ito ng masamang tingin. "At ako? Wala ba akong karapatang magalit ha? Sa pagkikipagsabwatan mo sa pamilya ko para lokohin ako sapalagay mo ba wala akong karapatang magalit?" there it goes. Basta na lamang dumulas sa labi niya ang mga salitang matagal na rin niyang gustong sabihin dito.

"Joelle, let me explain first---"

"At bakit? Sa'kin ba humingi ka ng paliwanag bago mo ko pinaulanan ng sermon ha?" sagot niya rito saka nagsimulang maglakad palayo ulit dito. Bakit ba napaka-inconsiderate nito? Sariling galit lang nito ang naisip nito at nakalimutan na ata ang kasalanan nito sa kanya. What a guy! "You know what? Let's stop this nonsense and leave me alone! You have your Rhea anyway!" sabi niya saka nagmartsa ulit palayo.

Sa sinabi niyang iyon ay muling bumalik sa alaala niya ang anyo ni Rhea nang datnan niya ito sa pad ni Ridge. At kasabay niyon ay ang pagbabadyang muli ng mga luha niya. Kinusot niya ang mga mata upang hindi na tuluyang dumaloy ang mga luha niya.

Pesteng luha! Mukhang ipapahiya pa siya nito sa harap ng bwisit na lalaki!

Hindi pa siya gaanong nakakalayo nang maramdaman niya ang kamay nito sa braso niya at pihitin siya nito paharap dito. Humantong ang mga mata niya sa mukha nito. Kailan nga ba niya huling nakita ang mukha nito? Weeks ago?

Ngayong nakita niya itong muli ay bumaha ang kakaibang damdamin sa dibdib niya. First was longing for him. Second came the hurt. This guy was with some other girl just a few days ago. This guy was the one who made her fall in love with him, and hurt her a few weeks after. Naramdaman niya ang pagkawala ng luha mula sa mata niya.