Tula Ng Buhay(Completed)

"Panaginip"

Magkahawak kamay

Tayo'y naglalakbay

At ang mga paa'y humahakbang ng sabay

Habang hinihintay ang bukang liwayway

Minsa'y ikaw ay nauna

Napalingon sa kanan at kaliwa

Ngunit di ako nakita

Kinalabit kita, at sayo'y tumingala

Mga ngiti mo'y sumilay

Kasabay ng pagtangay

Sa aking buhok ng hanging matamlay

Nang ako'y nakitang sayo'y nakikisabay

Ng ako'y napagod

Niyaya mong sumampa sa iyong likod

Ng sayo'y sumampa

Dinama ang sayang nadarama

Sayang matagal ko ng hinahanap

Na nadama ng isang iglap

Bunga ng ako'y sayo ay yumakap

Habang ako'y lumilipad paalapaap

Mga talukap ay bumigat

Mga munting mata'y naghuhudyat

Na nais munang umiglip

Kaya't ako muna'y pumikit

Ngunit dinalangin na sana'y di ko na ginawa

Ang pagpikit na tuwina

Dahil ng akin ito'y minulat

Panaginip lang pala ang lahat...