ﻣﻨﻘﻮﻝ
ﻟﻤﺎ ﻧﺮﻭﺡ ﻣﻦ ﺻﺎﻟﺔ ﺍﻟﺤﺪﻳﺪ ﻋﻠﻰ ﺭﺟﻠﻴﺎ ﻭﻓﻰ ﻃﺮﻳﻘﻲ
ﻟﻠﺤﻮﺵ ﻻﺯﻡ ﻧﻔﻮﺕ ﻣﻦ ﺷﺎﺭﻉ ﺿﻴﻖ ﻛﻨﻮﻉ ﻣﻦ ﺍﻻﺧﺘﺼﺎﺭ
ﻭﺍﻟﻴﻮﻡ ﻋﻤﻜﻢ ﻣﺼﻄﻔﻰ ﻣﺮﻭﺡ ﻣﻦ ﺍﻟﺸﺎﺭﻉ ﻫﺎﺩﺍ
ﻭﻧﺴﻤﻌﻠﻜﻢ ﺻﻮﺕ ﻛﻼﻛﺴﺎﺕ ﻭﺍﻟﻌﺎﺏ ﻧﺎﺭﻳﻪ ﻭﺳﻴﺎﺭﺍﺕ
ﺟﺎﻳﻪ ﻭﺍﻟﺸﺎﺭﻉ ﺿﻴﻖ ﻭﺷﻦ ﺑﻴﻔﻮﺗﻨﻲ ﻣﻦ ﺍﻟﺰﺣﻤﻪ ﻫﺎﺩﻱ
ﺣﺎﻭﻟﺖ ﻧﺴﺮﻉ ﺧﻄﻮﺗﻲ ﻗﻠﺖ ﻋﻠﻰ ﺍﻻﻗﻞ ﻧﻔﻮﺕ ﺣﻮﺵ
ﺍﻟﻌﺮﺱ ﻭﺻﺎﺭ ﺍﻟﻠﻲ ﻛﻨﺖ ﺧﺎﻳﻒ ﻣﻨﻪ ﻋﻠﻘﺖ ﻓﻰ
ﺍﻟﺰﺣﻤﻪ ﻭﻗﺪﺍﻡ ﺍﻟﺒﺎﺏ ﻭﻣﻌﺶ ﺣﺴﻴﺖ ﺑﺸﻲ ﺍﻻ ﻧﺴﻤﻊ
ﻓﻴﻬﻢ ﻳﻐﻨﻮﺍ ﺣﺒﻬﺎ ﻣﺎﻛﺪﺑﺶ ﻋﻠﻴﻬﺎ ﺣﺒﻬﺎ ﺟﺎﺏ ﻛﺴﺎﻭﻳﻬﺎ
ﻬﻬﻬﻬﻪ ﻋﺠﺒﺘﻨﻲ ﺍﻻﻏﻨﻴﻪ ﻭﻛﻴﻒ ﺍﻟﻘﻴﺖ ﺯﻱ ﺍﻟﻔﺘﺤﻪ
ﻗﺪﺍﻡ ﺍﻟﺒﺎﺏ ﻣﻨﻄﻠﻊ ﻣﻨﻬﺎ ﻭﻣﻨﺪﻳﺮ ﺍﻟﺨﺖ ﻓﺖ ﺷﺪﻧﻲ
ﺭﺍﺟﻞ ﻭﻣﺪﻟﻲ ﺳﺒﺎﺕ ﻭﻗﺎﻟﻲ ﺩﺧﻞ ﺩﺧﻞ ﻫﻬﻬﻬﻬﻬﻬﻬﻪ
ﻳﺎﻫﻤﻲ ﺍﻧﻲ ﻣﺎﻧﻠﻌﺒﺶ ﻣﻌﺎﻛﻢ ﻫﻬﻬﻬﻬﻬﻪ ﺣﺎﻁ ﺍﻟﺴﺎﻛﻮ
ﻋﻠﻰ ﻛﺘﻔﻲ ﻭﺍﻟﺴﺒﺎﺕ ﻓﻰ ﻳﺪﻱ ﻭﻣﻌﺶ ﻋﺮﻓﺖ ﻧﻠﻄﻢ
ﻭﻻ ﺷﻨﻮ ﺣﻄﻴﺖ ﺍﻟﺴﺒﺎﺕ ﻗﺪﺍﻡ ﺍﻟﺒﺎﺏ ﻭﺩﻓﻨﻲ ﺍﻟﺸﺒﺎﻧﻲ
ﻗﺎﻟﻲ ﺧﺶ ﺧﺶ ﺍﻧﺖ ﺧﻮ ﺍﻟﻌﺮﻳﺲ ﻣﺶ ﺑﺮﺍﻧﻲ
ﻫﻬﻬﻪ ﻣﻨﻘﻮﻟﻪ ﻻ ﻭﺍﻧﻲ ﻓﺴﻂ ﺍﻟﺤﻮﺵ ﻣﻨﺎﻛﻞ
ﻃﺮﻳﺤﻪ ﻫﻬﻪ ﻫﺰﻳﺖ ﺑﺮﺍﺳﻲ ﻭﻃﺎﻟﻊ ﻣﻦ ﺍﻟﺤﻮﺵ ﺑﺪﻭ
ﻳﺨﺸﻮ ﺍﻟﻨﺴﺎﻭﻳﻦ ﻳﺰﻏﺮﻃﻮ ﻭﻋﻘﺒﺎﻟﻚ ﻳﺎﻭﻟﻴﺪﻱ
ﻫﻬﻬﻪ ﻭﻭﺣﺪﻩ ﻣﻨﻬﻢ ﻗﺘﻠﻬﺎ ﺷﻮﺭﻩ ﺧﻮ ﻋﻔﺎﻑ ﻫﺎﺩﺍ
ﺭﻳﺘﻴﻪ ﻭﻻ ﻫﻬﻬﻬﻪ ﻳﺎﻧﻬﺎﺭ ﻣﺶ ﻓﺎﻳﺖ ﺷﻦ ﺩﺭﺕ ﻓﻰ
ﺭﻭﺣﻲ ﺍﻧﻲ ﺷﻮﺭﻫﺎ ﻋﻔﺎﻑ ﺍﻟﻌﺮﻭﺳﻪ ﻣﻨﻄﻠﻊ ﻭﻣﻨﺠﺮﻱ
ﻟﻠﺤﻮﺵ ﺍﻟﻘﻴﺖ ﻧﻔﺲ ﺍﻟﺮﺍﺟﻞ ﻭﻣﺪﻟﻲ ﺯﻭﺯ ﺷﻨﺎﻃﻲ ﻗﺎﻟﻲ
ﺧﺸﺸﻬﻢ ﻫﻬﻬﻬﻬﻬﻪ ﺗﺒﻮ ﺍﻟﺤﻖ ﻋﺸﺖ ﺍﻟﺪﻭﺭ ﺍﻧﻲ
ﻭﺧﺸﻴﺖ ﺣﻄﻴﺖ ﺍﻟﺸﻨﺎﻃﻲ ﻭﺍﻟﻘﻴﺖ ﻋﺰﻭﺯﻩ ﻗﺘﻠﻲ ﻭﻟﺪ
ﻣﻨﻮ ﺍﻧﺖ ﻗﻠﺖ ﻫﺎﺩﻱ ﺑﺪﻳﺮﻟﻲ ﺯﻱ ﺍﺑﺘﻊ ﺑﺎﺏ ﺍﻟﺤﺎﺭﻩ
ﻫﺎﺩﺍ ﻣﺶ ﻣﺄﻣﻮﻥ ﺍﺑﻦ ﺍﻟﺰﻋﻴﻢ ﻫﻬﻬﻬﻬﻬﻪ ﻏﻤﻴﺘﻬﺎ ﻓﻰ
ﺍﻟﺪﻭﻩ ﻭﻗﻠﺘﻠﻬﺎ ﻃﻠﻌﻮ ﺍﻟﺮﺯﺍﻃﻪ ﺍﻟﺮﺟﺎﻟﻪ ﺑﻴﺮﻭﺣﻮ ﻫﻬﻬﻬﻬﻪ
ﻭﻛﻴﻒ ﻃﺒﺴﺖ ﻫﻜﻲ ﻃﺎﺡ ﻣﻨﻲ ﺍﻟﺴﺎﻛﻮ ﻭﺧﺸﻮ ﺑﻴﻪ
ﺍﻟﻤﻔﺮﺥ ﻳﺠﺮﻭ ﻫﻬﻬﻬﻬﻬﻪ ﺑﻴﻨﻲ ﻭﺑﻴﻨﻜﻢ ﻭﺍﻟﻠﻪ ﻣﺎﻋﺮﻓﺖ
ﻣﻦ ﻧﻜﻠﻢ ﻭﻻ ﻟﻤﻨﻮ ﻧﺸﻜﻲ ﻃﻠﻌﺖ ﻭﻗﻔﺖ ﺑﺮﻩ ﻭﻗﻌﺪﺕ
ﻧﺴﺘﻨﻪ ﺗﻜﻤﻞ ﺍﻟﺰﺣﻤﻪ ﻭﻓﺮﻗﻮ ﺍﻟﻌﺒﻤﺒﺮ ﻭﺍﻟﺮﺯﺍﻃﻪ ﺗﺒﻮ ﺍﻟﺤﻖ
ﻣﺪﺍﻣﻪ ﻣﺸﻄﻮﻧﻲ ﺑﺪﻳﺖ ﻧﺎﺧﺪ ﻓﻰ ﺍﻟﻌﺒﻤﺒﺮ ﻭﻧﺤﻂ ﻓﻰ
ﺟﻴﺒﻲ ﻧﻘﻮﻟﻠﻬﻢ ﺍﻟﻌﺮﻳﺲ ﻣﻮﺻﻴﻨﻲ ﻳﺒﻲ ﺣﺼﺘﻪ ﻫﻮﺍ
ﻭﺟﻤﺎﻋﺘﻪ ﺷﻨﻮ ﻧﺎﺧﺪ ﻫﻬﻬﻬﻬﻪ ﻗﺎﻟﻲ ﺍﻧﺖ ﺣﻄﻴﺖ ﺧﻼﺹ
ﻫﻬﻬﻬﻬﻬﻪ ﻭﻭﺍﻗﻒ ﻗﺪﺍﻡ ﺍﻟﺤﻮﺵ ﺍﻫﻞ ﺍﻟﻌﺮﻳﺲ
ﻳﺤﺴﺎﺑﻮﻧﻲ ﻣﻊ ﻋﻴﻠﺔ ﺍﻟﻌﺮﻭﺳﻪ ﻭﺍﻫﻞ ﺍﻟﻌﺮﻭﺳﻪ ﻳﺤﺴﺎﺑﻮﻧﻲ
ﺟﺎﻱ ﻣﻊ ﺍﻟﻌﺮﻳﺲ ﻫﻬﻬﻬﻬﻬﻪ ﻭﺣﺴﻴﺖ ﺭﻭﺣﻲ ﻓﻰ
ﻣﻮﻗﻒ ﺑﺎﻳﺦ ﻗﻠﺖ ﻫﻜﻲ ﻭﺭﻭﺣﺖ ﻻ ﻭﺍﻟﻠﻲ ﻧﻔﻜﺮ ﻓﻴﻪ ﻗﺎﻟﻮ
ﻳﻔﺘﺤﻮ ﻓﻰ ﺍﻟﺴﻮﺍﺑﻴﺖ ﻗﺪﺍﻡ ﺍﻟﻨﺎﺱ ﻣﺶ ﻳﺸﻮﻓﻮ ﺍﻟﻌﺮﻳﺲ
ﺷﻦ ﺟﺎﺏ ﻟﻠﻌﺮﻭﺳﻪ ﺗﺨﻴﻠﻮ ﻋﺎﺩ ﻓﻰ ﻋﺰ ﺍﻟﺘﺘﺰﻏﺮﻳﻂ
ﻭﺍﻟﺪﻫﺐ ﻳﻔﺘﺤﻮﺍ ﺍﻟﺴﺎﻛﻮ ﻭﻳﻠﻘﻮ ﺷﺨﺸﻴﺮﻱ
ﻫﻬﻬﻬﻬﻬﻬﻬﻪ ﻳﺤﺴﺎﺑﻮﻩ ﺳﺤﺮ ﻫﻬﻬﻬﻬﻬﻬﻪ ﺍﻟﻤﻬﻢ
ﺭﻭﺣﺖ ﻭﻗﻠﺖ ﻏﺪﻭﺍ ﻧﺨﻄﻢ ﻉ ﺍﻟﺤﻮﺵ ﻭﻧﺤﻜﻴﻠﻬﻢ ﺍﻟﻠﻲ
ﺻﺎﺭ ﺑﺲ ﻣﻦ ﺑﻜﺮﻱ ﻧﺎﻛﻞ ﻓﻰ ﺍﻟﻌﺒﻤﺒﺮ ﻭﻧﻔﻜﺮ ﻭﻧﺘﺸﻘﻠﺐ
ﻟﻮ ﺍﻟﻌﺮﻳﺲ ﻓﻴﻪ ﺷﺒﻪ ﻣﻨﻲ ﻭﺍﻟﻌﺮﻭﺳﻪ ﻓﻴﻬﺎ ﺷﺒﻪ ﻣﻦ
ﺻﻐﺎﺭﻫﻢ ﻛﻴﻒ ﺣﺎﻳﺠﻮ ﻫﻬﻬﻬﻬﻬﻪ
ﺍﺨﺨﺨﺦ ﻭﺍﻟﻠﻪ ﺍﻟﺸﺨﺸﻴﺮ ﺍﻟﻮﺣﻴﺪ ﺍﻟﻠﻲ ﻣﺶ ﻣﺸﺮﻙ
ﻣﺪﺍﻳﺮﻩ للجمعة والمناسات والعزايم
😂😂😂
